hósdagur 17. juli 2014síða 12

nr. 81 · 18. juli 2014 2 VIKUSKIFTI Um vikuskiftið verður G! festivalurin hildin á 13. sinni. Festivalurin hevur ment seg nógv, síðan festivalurin var hildin fyri á leið túsund festivalgestum á Gøtusandi í 2002. Í ár eru Sister Sledge, Kaleo og Týr millum høvuðsnøvnini. Eitt eyðkenni hjá festivalinum øll árini hevur verið mongu og ofta alternativu tiltøkini, sum ikki beinleiðis eru knýtt at tónleikinum so sum sauna, heitir pottar og festivalkirkja. Í ár sleppa børnini at spæla rættir víkingar, har tey kunnu íklæða seg víkingaklæði, kríggjast og eta víkingamat. Uttan iva eitt spennandi vikuskifti í Gøtu fyri framman. Fólka­ tónleikara­ stevna Føroya best goymda stevna - ella festivalur - kalla summi hana. Stevnan verður hildin á fleiri støðum – gjarna smáum plássum - yvir fleiri dagar. Sunnudagin kl. 15 fer hon av bakkastokki í Norðurlandahúsinum, og heldur hon fram til næsta fríggjadag. Stevnan verður hildin í Tórshavn, Mikines, Nólsoy, Svínoy og Fugloy. Av luttakandi nøvnum kunnu nevnast Guðrið Hansdóttir, Kári P., Lív Næs og Brandur Enni. Summartónar Summartónar, sum er heitið á konsertrøðini, ið Felagið Føroysk Tónaskøld hava skipað fyri síðan 10. juni, halda fram hetta vikuskiftið. Leygardagin kl. 11.30 spælir Aldubáran í Havnakirkju, har tað er ókeypis atgongd. Sunnudagin verður ein forkunnug grottukonsert í Klæmintsgjógv í Hesti, har Dávur Juul Magnussen fer at spæla trombon. Atgongumerki á 450 krónur kunnu bíleggjast á nordlysid.com. Laksa- og sølutorg í Runavík Kommunan og kunningarstovan í Runavík skipa saman fyri laksa- og sølutorgi leygardagin, sum hevur verið afturvendandi tiltak í nøkur ár. Tiltakið kann síggjast sum ein familjudagur, har serligur dentur verður lagdur á sølu og smakkiroyndir av laksi og øðrum góðum mati úr sjónum. Byrjað verður klokkan 10, tá John Andersen bjóðar vælkomin, og torgið endar kl. 16. Skráin er fjølbroytt, og er nógv at fara til bæði fyri børn og vaksin. Útferð til Tindhólm Sunnudagin verður møguleiki hjá fólki at vitja Tindhólm, tá ferðalið fer við báti úr Sørvági kl. 14. Útferðin varar á leið fimm tímar, og á túrinum verður ferðaleiðari, sum fer at greiða frá søgum og sagnum, ið eru knýttar at hólminum. Luttakandi fáa bjóðað te og kaffi úti á hólmanum. Túrurin verður gjørdur, um nokk melda seg til. Tilmelding gerst við at ringja til Vága Kunningarstovu á 333455 ella gjøgnum teldupost vagar@vagar.fo G! festivalurin Summar redaktør: Óli Jákup Jacobsen mynd: beinta á torkilsheyggi