hósdagur 17. juli 2014síða 31

19 Fríggjadagur 18. juli 2014 · Nr. 81 Sosialurin Hugskot og viðmerkingar – send sms til 225000 ítróttur fótbóltur Jóannes Hansen Týskvøldið varð føroyskur fót­bóltur enn eina ferð mintur á, at tað er brøtt mót­ brekka, tá ið vitjað verður á Balkan. Eftir at hava varpað Lincoln Red Imps av Gibraltar úr kappingini vóru før­oya­meistararnir í HB týs­ kvøldið í Beograd. Mót­støðu­ liðið var seks falda serbiska meistaraliðið FK Partizan, sum vann 3-0. Hóast leikliga yvirvágin hjá heimaliðnum var ógvuliga stór, so var hálv­leiksstøðan 1-0, og í HB harmast teir um bæði fyrsta og síðsta málið: Serbiski landsspælarin Danko Lazović skoraði tvey tey fyrstu málini. Tað fyrra stútaði hann eftir horna, tá ið eitt lítið korter var farið, og tað seinna skoraði hann í 64. minutti, tá ið hann var fyrstur á, eftir at roynd hjá Petar Skuletic var brostin á tvørtræið aftanfyri Teit Matras Gestsson, sum aftur hesa ferð var sannur brand­ ur í málinum. Síðsta málið stútaði Petar Skuletic í 71. minutti. Sum 2. hálvleikur leið, var tað týðuligt, at tað var munur á heiltíðar yrkis­ spæl­arunum úr Serbia, og før­oysku spælarunum, sum eisini høvdu tungu luftina og nógva hitan at stríðast við. Heimavøllurin Týsdagin í næstu viku fær HB vitjan av FK Partizan, og úrs­litið týskvøldið leggur upp til, at tað verður serbiska liðið, sum fer at spæla seg víðari í triðja innleiðandi um­farið. So langt hevur einki føroyskt felag megnað at strítt seg, síðani føroyskur fót­bóltur í 1992 fyri fyrstu ferð royndi seg í europeisku meistara­kappingini. HB er tað felagið, sum oftast hevur vunnið FM, og tí sigur tað seg sjálvt, at tað er HB, sum er tað føroyska felagið, ið oftast hevur verið við í hesi kappingini. 2014 er áttanda árið, at HB er við í europeisku meistara­ kapp­ingini, og 2014 er fyrsta árið, at tað hevur eydnast felagnum at spæla seg víðari í kapp­ingini. Úrslitini undanfarnu sjey ferðirnar hava verið misjøvn. Felags fyri øll árini er tó, at tað hvørja ferð hevur roynst betri í Gundadali, enn tað hevur gjørt tað á útivølli. Síðsta dømið um hetta var í fyrsta innleiðandi um­ far­inum í ár, tá ið tað endaði 1-1 suðuri á Gibraltar, og tá ið HB síðani vann 5-2 á Tórsvølli. Eitt annað dømi um hetta var í 2004, tá ið HB noyddist longu leiðina til Georgia at spæla ímóti FC WIT Georgia. Fyrri dysturin var 14. juli á útivølli, og hann endaði 5-0 til heimaliðið. Harvið kend­ist møguleikin hjá HB at spæla seg víðari at vera burtur. HB megnaði ikki at taka georgisku leiðsluna aftur á heimavølli, men tað varð meiri spennandi, enn tað frammanundan kundi roknast við. HB vann heimadystin 3-0! Tað tók sína tíð at fáa hol á, men tá ið Eli Thorsteinsson í 66. minutti hevði sett hol á, gekk tað skjótt. Rókur Jespersen økti um munin tríggjar minuttir seinni, og í 88. minutti skoraði Símun Eliasen til 3-0. At hvør dystur livir sítt egna lív, var hesin dagurin staðfesting av. Tveir minuttir eftir steðgin sá ein av mótstøðumonnunum reytt, og tað hevði sjálvandi ávirk­an á gongdina í 2. hálv­ leiki og úrslitið. joannes@sosialurin.fo Týskvøldið løgdu FM vinnararnir í HB rygg til 3-0 tap í Serbia ímóti FK Partizan, og hóast vánirnar undan heimadystinum at sleppa víðari í kappingini ikki eru góðar, so siga tølini, at HB altíð stendur seg betri á heimavølli í europeisku meistarakappingini HB heimavøllurin telur nógv í Europa FK Partizan - HB 3-0 (1-0) Týsdagin 15. Juli 2014 kl. 19.45 á Partizan stadion í Beograd. 2. innleiðandi umfar í europeisku meistarakappingini. 1-0: Danko Lazović 14. 2-0: Danko Lazović 64. 3-0: Petar Skuletic 71. Dómari: Sven Bindels úr Luksemborg HB Teitur Matras Gestsson – René S. Joensen (Bartal Wardum, 63.), Rógvi S. Holm, Jóhan Troest Davidsen, Alex José dos Santos – Fróði Benjaminsen, Tróndur Jensen, Heini Vatnsdal – Jógvan Rói Davidsen (Andrew av Fløtum, 77.), Jóan Símun Edmundsson, Kristin R. Mouritsen (Poul Ingason, 66.) Á beinkinum uttan at verða skiftir inn: Thomas Knudsen, Pál M. Joensen Gult kort: Fróði Benjaminsen, Alex José dos Santos Venjari: Heðin Askham HB í europeisku meistarakappingin 2014 HB - FK Partizan . . . . . . . . . . . . . . . . . . . . . . . . . . . 2014 FK Partizan - HB . . . . . . . . . . . . . . . . . . . . . . . . 3-0 2014 HB - Lincoln Red Imps . . . . . . . . . . . . . . . . . . . 5-2 2014 Lincoln Red Imps - HB . . . . . . . . . . . . . . . . . . . 1-1 2011 HB - Malmö FF . . . . . . . . . . . . . . . . . . . . . . . . . . 1-1 2011 Malmö FF - HB . . . . . . . . . . . . . . . . . . . . . . . . . . 2-0 2010 HB - FC Salzburg . . . . . . . . . . . . . . . . . . . . . . . . 1-0 2010 FC Salzburg - HB . . . . . . . . . . . . . . . . . . . . . . . . 5-0 2007 HB - FH Hafnarfjørður . . . . . . . . . . . . . . . . . . . 0-0 2007 FH Hafnarfjørður - HB . . . . . . . . . . . . . . . . . . . 4-1 2005 FBK Kaunas - HB . . . . . . . . . . . . . . . . . . . . . . . . 4-0 2005 HB - FBK Kaunas . . . . . . . . . . . . . . . . . . . . . . . . 2-4 2004 HB - FC WIT Georgia . . . . . . . . . . . . . . . . . . . . . 3-0 2004 FC WIT Georgia - HB . . . . . . . . . . . . . . . . . . . . . 5-0 2003 FB Kaunas - HB . . . . . . . . . . . . . . . . . . . . . . . . . 4-1 2003 HB - FBK Kaunas . . . . . . . . . . . . . . . . . . . . . . . . 0-1 1999 FC Haka - HB . . . . . . . . . . . . . . . . . . . . . . . . . . . 6-0 1999 HB - FC Haka . . . . . . . . . . . . . . . . . . . . . . . . . . . 1-1