fríggjadagur 18. juli 2014síða 8

juli 8 Ólavsøkan 2014 K appróðrarárið syngur upp á síðsta vers. Ólavsøkuaftan verður síðsti róðurin, og so verður friður í sið­ bundna kappróðrinum fram til á norð­oya­stevnu í 2015. Hetta er ein langur steðgur, og kappróðrarárið er stutt. Seinnu árini er tað vorðið alt meiri vanligt, at fleiri leggja nógv fyri í inniróðrinum. Tríggir meistarar eru longu funnir. Teir eru 5-mannafarið Silja við gentumanning, 6-mannafarið Jarn­bardur við kvinnumanning og 10-mannafarið Drekin Reyði. Hesir tríggir bátarnir hava vunnið allar seks kappingarnar í summar, og tað er eingin, sum hevur møguleika at røkka stigatalinum hjá teimum. Í kappingini millum 8-mannaførini er tað bara í ástøðinum, at tað ber til at koppa Kvívíkingi, sum er fimm stig frammanfyri Knørr. Í hinum kappingunum er spenn­ ingurin framvegis stórur. 5-manna­ farið Fípan Fagra við dreingjum er fýra stig undan Bliki. Serligt í hesi kappingini er, at Fípan Fagra hevur tvey gul kort á konuni. Í kappingini millum 6-mannaførini við monnum hevur Hvessingur trý stig fleiri enn Jarnbardur. Størsti spenningurin er millum 5-mannaførini við gentum. Har stendur á jøvnum millum Drekan hjá Havnar Róðrarfelag og Silju úr Fuglafirði. Harvið verður avgerandi finaluróður á ólavsøku millum hesar báðar bátarnar. Tann, sum endar fremri av hesum báðum, verður føroyameistari. Langt millum metini Tá ið tað skal eftirmetast, hvussu róðrar­árið nú royndist, so eru fleiri mátar at gera tað uppá. Ein er at sammeta luttakaratalið við undan­ farnu árini. Hóast talan ikki hevur verið um hækkandi tal av mann­ ingum, so ber til at siga, at aftur­ gongdin er steðgað. Talan hevur ikki verið um so nógvar kærur. Ein kæra, sum hevur havt stóran týdning, var tann hjá 6-mannafarinum Gongurólvi við monnum. Kært varð um, at róðurin ikki varð skotin av, tá ið Gongurólvur hekk fastur í startinum á Sundalags­ stevnuni. Niðurstøðan er, at róðurin er strikaður. Tá ið tað snýr seg um avrikini, so hava Jarnbardur við kvinnum, Erla Kongsdóttir við kvinnum og Drekin Reyði verið framúr. Undan ólavsøku hava hesir bátarnir fult stigatal. Um tíðirnar verða roknaðar sum grundarlag fyri avrikunum, so hevur hetta árið ikki verið framúr. Higartil eru bara trý met sett tilsaman á teimum seks stevnunum, sum hava verið: Kvinnurnar á Erlu Kongsdóttir settu met á eystanstevnu, og á vestan­stevnu settu genturnar á Silju og Miðvingur met. Tá ið sammett verður við undan­ farin ár eigur sjálvandi at havast í huga, at í ár verður bara kappast á 1000 metrum. Tað vil siga, at í kapp­ingini millum 10-mannaførini, 8-manna­førini og 6-mannaførini við monnum er hetta fyrsta árið, at tað í fleiri róðrarøkjum verður kapp­ast á hesum teininum. Í hesum høpi eru einsamallu vinnaratíðirnar á nýggju teinunum ikki roknað at vera mettíðir. Metini á ólavsøku Tað verður ikki gjørt so nógv burturúr kappróðrartíðum, sum tað verður gjørt burturúr tíðum hjá súkklarum, svimjarum og rennarum. Orsøkin er tann, at umstøðurnar kunnu vera so ymiskar, tá ið tað verður róð. Hóast ætt, vindstyrki, streymur, rák, hiti og eisini avfall heilt víst spæla inn, og tað tískil er torført at sam­meta, so er einki at liggja omaná, at kapp­rógvararnir væl vita, hvørjar met­tíðirnar eru. Á ólavsøku er róðrarteinurin bara 901,3 metrar. Í 1992 róði Skálabáturin teinin av Argjahøvda og inn undir Skipafelagið í tíðini 3.52.00. Hetta er framvegis skjótasta tíðin, sum nakar bátur hevur róð teinin í kapp­ róðrinum á ólavsøku. Royndir hava verið gjørdar at taka 20 ára gomlu mettíðina hjá Skála­ bátinum. Tað hevur onkra ferðina verið heilt tætt við, men higartil hevur tað ikki eydnast. Tættast við var Havnarbáturin í 2001, tá ið vinnara­tíðin var 3.52.03. Næsttættast við var Klaksvíkingur í 2009, tá ið vinnara­tíðin hjá honum var 3.56.19. At tvey av kappróðrarmetunum vórðu á vestanstevnu kann vera ábending um, at tað eisini er møguleiki fyri nýggjum mettíðum á ólavsøku, har fleiri av metunum eru rættuliga gomul Tað er langt millum metini Jóannes Hansen, joannes@sosialurin.fo Mynd: Álvur Haraldsen 5-mannafør dreingir Súlan . . . . . . . . . . . . . . . .(1994) 4.14.68 5-mannafør kvinnur Aldan . . . . . . . . . . . . . . . (1981) 4.38.40 5-mannafør gentur Drekin . . . . . . . . . . . . . . . (2008) 4.29.24 6-mannafør kvinnur Jarnbardur . . . . . . . . . . . (1995) 4.21.12 6-mannafør menn Tvørabáturin . . . . . . . . . (2009) 4.12.06 8-mannafør Ørvur . . . . . . . . . . . . . . . . (1999) 4.03.21 10-mannafør Skálabáturin . . . . . . . . . (1992) 3.52.00 Mettíðir á Ólavsøku