hósdagur 31. juli 2014síða 12

nr. 85 · 1. august 2014 2 VIKUSKIFTI MíttLand 2014 verður tann 5. og 6. september 2014 á 5-øren á Amager Strand, og ein frumframførsla er á skránni. Umframt kendu nøvnini, bjóðar MíttLand 2014 hetta kvøldið eisini til eina rimmar frumframførslu, við einki minni enn spildurnýggja super bólkinum KillerJane, ið fara á pallin at spæla teirra fyrstu konsert nakrantíð. KillerJane, ið spæla harðan og framúrskarandi alternativan rock tónleik, er sera væl mannað við royndum fólki úr m.a. Hatesphere, Synarchy, The Dreams, SIC og Evil Masquerade. Hesi eru Heini Corfitz, Dennis Buhl, Bartal Læarsson, John Ivar Venned og so sjálvandi lýsandi stjørnan og oddakvinnan í bólkinum, Margreta á Rógvu. Margreta hevur spælt tónleik og sungið síðani hon var smágenta, saman við Karl Martin Samuelsen, og seinastu árini hevur hon sungið kór hjá m.a. Fate, Steso, Synarchy og hevur hon eisini framført og skapað sær eitt navn sum solistur í ymsum høpum. Men hetta kvøld er tað so hon, tann nýggja føroyska rock-drottningin, ið stendur á odda á stóra pallinum, við egnum bólki og sínum egnu løgum. Lívdin byggir nýtt í Hoyvík Leygardagin 26. juli 2014 fóru nógv fólk úr samkomuni Lívdini í Hoyvík undir eitt sjálvboði byggiarbeiði, nú samkoman byggir nýggjan bygning at savnast í. Nýggi bygningurin skal húsa fjølbroyttum virksemi, har ein fjøltáttaður bólkur av menniskjum fær nógv betri møguleikar at møta og tæna Gudi og nærumhvørvinum. Harumframt er ætlanin, at bygningurin skal nýtast til eina fjøld av øðrum virksemi. – Okkara bygningur skal gjarna gerast ein innbjóðandi bygningur við nógvum virksemi, eisini gerandisdagar, sigur Jógvan Zachariassen, samkomuleiðari. Bygningurin verður bygdur á grundøkið við Vegin Langa, sum samkoman í Ebenezer keypti frá Tórshavnar Kommunu í 1990’unum fyri síðani at lata Lívdini grundøkið í 2001. Lívdin hevur síðani gjørt grundøkið byggibúgvi og projekterað ein nýggjan samkomubygning. Saman við LBF og SMJ hevur Selmar Nielsen arkitektur teknað og prosjekterað bygningin. Eftir ætlan skal endaligi bygningurin hava eina brutto gólvvídd á 2690 fermetrar. Eftir ætlan verður bygningurin tikin í nýtslu á heysti í 2016. Vit lukta av líkum og ólíkum!!! Tann 23. oktober verður listaframsýning í Smiðjuni í Lítluvík í Havn. Tað er listakvinnan Elin Josefina Smith, ið hevur listaframsýning. Hon býr í Danmark, men sýnir fram í Føroyum í oktober. Heitið á framsýningini er: Vit lukta av líkum og ólíkum!!! Framsýningin hevur undirheitið: Verðins órættvísið!!! Framsýningin er í døgunum frá 23. oktober til 28. oktober 2014. KillerJane á MíttLand Summar redaktør: Dagfinn Olsen Forsíðumynd: Sigmar Mørkøre