týsdagur 1. juli 2014síða 20

Mikudagur 2. juli 2014 · Nr. 74 20 Sosialurin Hugskot og viðmerkingar – send sms til 225000 Leo Poulsen - Tú kanst siga, at Suðuroyggin er í einum slagi av ongamanalandi beint nú! Tað sigur nýggi menningar­ leiðar­in av ferðavinnuni í Suðuroy, Hans Fróði Hansen. Hann sigur, at Suðuroyggin brýt­ ur so frá øllum hinum oyggjunum í landi­num, at hon má roknast sum nak­að heilt fyri seg. - Vit eru farin undir eina endur­ skoðan av ferðavinnuni í Suðuroy, og tann endurskoðan skal síggjast aft­ur í tveimum strategium. Vit ynsk­ja at gera eina pakkaloysn fyri »norð­oy­ingar« - sum jú eru øll, ið búgva norðan fyri Suðuroyarfjørð - sam­stundis sum vit skulu hava nak­að at bjóða útlendingum, sigur Hans Fróði. Hann sigur, at allar komm­un­ur­ nar í oynni eru gingnar saman um ferða­vinnuna, og tí letur tað seg gera. - Vit arbeiða meira langsiktað, skilt á tann hátt, at tað verður eing­ in loysn her og nú. Men vit miða heilt greitt fram ímóti at vera klár, tá næsta vár nærkast, og kanska áðr­enn tað, sigur Hans Fróði. Hann sigur, at Suðuroyggin er avgjørt eina vitjan verd sum er, og at nógv fólk brúka tann møgu­leik­ an. - Suðuroyggin er verd at vitja, og hon er væl egnað til familjur, ella bara til at slappa av í. Eg veit fleiri fólk, sum hava verið eina vitjan her suðuri, og tá tey traðka á land í Havn kenna tey tað, sum hava tey ver­ið av landinum og ferðast, sigur Hans Fróði. Møguleikar frameftir Hann sigur, at tað merkist, at før­oy­ ingar ferðast meira í egnum landi. - Tað er ein sannroynd, og skulu vit verða við har er neyðugt, at vit tillaga okkum. Neyðugt er við góðari kunning, og vit miða heilt greitt fram ímóti, at Suðuroyggin skal verða staðið, har føroyingar ferð­ast innanlands, sigur Hans Fróði. Hann sigur, at Suðuroyggin lon­ gu sum er hevur so ógvuliga nógv at bjóða fram og vísa á. - Vit eru einasta oyggj, sum hev­ ur kolaminur, og vit hava eisini fyrsta føroyska flaggið her suðuri. Og so hava vit eisini savnið eftir Ruth Smith, sum er nakað heilt fyri seg, sigur Hans Fróði. Og tað standa nýggir eg sera spenna­ndi møguleikar fyri framm­ an eisini. - Langhylurin í Vági verður liðug­ur í heyst, og tað verður ein upp­living fyri alla familjuna. Har verður møgueiki at svimja, har verð­ur møguleiki fyri gosbaði, ja, ein spenandi uppliving, sigur Hans Fróði. Og so ikki minst Saltsiloin, sum fer at standa klár komandi ár. - Hon er longu eitt trekkplástur utt­an fyri landoddarnar, og fer sanni­liga eisini at draga føroyingar suð­ur hendan vegin, sigur Hans Fróði Hansen. Tað er sjálvandi ein avbjóðing, at seta alt hetta út í lívið, men tað er upp til suðuroyingar sjálvar, um tað eydnast. - Spania hevur sínar ferða­ oyggj­ar, sum t.d. Ibiza, Mallorca og Tenerife. Danmark hevur t.d Born­ holm og Samsø. So hví skuldu Før­ oy­ar ikki havt Suðuroy sum sína ferða­oyggj, sigur Hans Fróði at enda. Suðuroy farin undir ferðavinnuætlan Hans Fróði Hansen er menningarleiðari av ferðavinnuni í Suðuroy, og málið er heilt greitt: Suðuroy skal frameftir gerast ferðavinnumálið hjá føroyingum innanlands Mynd: Bjartur Vest ferðast