mánadagur 7. juli 2014síða 28

8 nr. 6 I 7. juli 2014 Vinnublaðið hjá Miðlahúsinum bara í nógv minni skala. Og tá vit skulu loysa trupul­leikarnar og finna loysnirnar, kunnu vit gera tað við nógv minni fólki, tí tað er nógv skjótari og bíligari hjá okkum at koma fram til tað, onnur skulu brúka nógv størri orku og meira tilfeingi uppá. Tað er bara so um­ráðandi, at tað er tað almenna, ið gongur undan, tí tað er har, menningarmøguleikarnir eru, sum so aftur kunnu koma restini av vinnuni til góðar og gera, at tað breiðir seg sum ringar í vatninum. Kjartan hevur tosað seg heitan og tað merkist væl, at hetta eru tankar, hann veru­ liga brennir fyri og hevur hug til at fáa út. Og tá hann rundar prátið av, verður hann eisini verandi í tí sama og vísir á, at hann hevur fulla trúgv uppá, at Føroyar kunnu gerast eitt undangonguland innan KT, um bara hugurin og viljin er til tað. – Í Samteld gjørdu vit eina skipan til ÚS, sum á øllum økjum var fult kappingarfør við alt tað, sum danska SU hevði at arbeiða við, men av tí at vit eru smærri, kundu vit gera eina skipan, ið var so mikið nógv bíligari, at skuldi hon verið gjørd niðri, hevði hon kostað einar 15-20 ferðir so nógv. Tað sama er galdandi fyri lønarskipanina, sum í dag um­ situr allar lønir hjá landskassanum og onkrum av størru kommununum, sigur hann. – Eitt annað dømi um eina skipan, vit saktans kunnu kappast um at bjóða øðrum, er MínBoks, sum vit hava ment fyri eina upp­ hædd, onnur og størri lond neyvan kunnu kappast við, júst tí vit eru minni. Tað vísir seg eis­ini, at longu nú eru fleiri lond áhugað í at tosa nærri um samstarv innan júst hetta økið. Skulu vera fremst Kjartan Thomassen heldur, at eingin orsøk er til at halda seg aftur, tá talan er um at gera íløgur í KT, tí hesar verða sum oftast aftur­ goldnar mestsum beinanvegin og tað fleirfalt. – Ofta er tað so, at verður ein króna brúkt upp á KT, rindar hon seg aftur millum 20 og 50 ferðir. Tí eru perspektivini at gera íløgur í KT einastandandi, og Føroya land átti í veruleikanum á hvørjum ári at sett eina tvey- ella trýsiffraða upphædd av til upphæddir í KT, so vit tann vegin kundu økt okkara kappingar­føri, sigur hann og vísir aftur á, at hetta serliga átti at verið gjørt í teimum førum, tá møguleikar eru hjá føroyskum KT- fyri­tøkum at útflyta konseptini eru upplagdir. – Eg síggi fyri mær, at ymsar skipanir, sum í framtíðini verða mentar innan KT, kunnu útflytast sum frálíður, og tað ger so aftur sítt til, at váðin verður sera lítil, av tí at skipanin longu frammanundan er roynd á heima­ marknaðinum. Hugburðurin til KT er nakað, Kjartan Thomassen nevnir fleiri ferðir, og hann vísir á, at íløgu­hugurin innan KT kemur ikki bara av sær sjálvum, líka so lítið sum ær smáu fyri­ tøkur­nar fremja íløgurnar av sær sjálvum ella KT-talgilding hendir av sær sjálvum. – Allan vegin ígjøgnum er neyðugt, at tey, sum eru í fremstu røð, seta út í kortið og siga, hvønn veg tey ynskja, at Føroyar skulu flyta seg. Og so er sjálvandi eisini neyðugt, at tey síðani eisini gera neyðugu íløgurnar í ta kós, hetta landið og samfelagið skal halda. Nú havi eg fingið hetta starvið sum stjóri í Elektron, og her síggi eg soleiðis upp á tað, at mín leik­lutur verður umvegis mítt starv at byggja brýr millum tey, ið taka avgerðirnar, og KT- vinnuna, sigur Kjartan Thomassen. Og enn einaferð undirstrikar hann, at hann hevur eina fasta trúgv uppá, at Føroyar hava allar førleikar og eisini nógvar fyrimunir, tá tað snýr seg um at hava framgongd innan kunningar­tøkni og menning á økinum: – Eg skal ikki siga, at vit í Føroyum eru dugnaligari enn onnur, men av tí at vit hava nógv styttri arbeiðsgongdir, gevur tað okkum møgu­leika til á øllum økjum at vera minst líka dugnalig sum onnur. Og tað er eitt mál, sum eg haldi, at vit eiga at seta okkum, tí vit kunnu saktans ganga undan, um tað er tað, vit vilja. Profilurin: Kjartan Thomassen Tá vit skulu loysa trupulleikarnar og finna loysnirnar, kunnu vit gera tað við nógv minni fólki, tí tað er nógv skjótari og bíligari hjá okkum at koma fram til tað, onnur skulu brúka nógv størri orku og meira tilfeingi uppá Blá bók Kjartan Thomassen er føddur í Klaksvík á bartalsmessu í 1951 og er giftur við Frígerð Sundsskarð, somuleiðis úr Klaksvík. Tey eiga tríggjar synir, sum eru Mikkjal, Andras og Sjúrður, og munnu fleiri helst kennast við Mikkjal frá fótbóltinum og Sjúrð frá hondinum. Og ítrótturin fyllir eisini heilt fitt hjá Kjartani, sum síðani 2005 hevur sitið í nevndini hjá hondbóltsfelagnum Neistanum, harav sum formaður síðani 2007. Tað er hansara frítíðarítriv, og hóast hann ásannar, at tað fer við nógvari tíð, heldur hann tað vera stuttligt at kunna geva ungdóminum nakað, og hann sigur tað eisini vera hugaligt at staðfesta, at tey ungu eru takksom fyri tað, eisini um tey kanska ikki siga tað beinleiðis. Reint fakliga hevur Kjartan drúgvar royndir frá føroysku KT-vinnuni, tí hann byrjaði á P/F Data afturi í 1971, har hann frá 1973 til 1985 var tekniskur leiðari. Í 1985 bleiv hann stjóri á nýstovnaðu KT-fyritøkuni Samteld, sum Elektron keypti í 2007, og síðani tá hevur hann verið tekniskur leiðari á Elektron, og hevur eisini virkað sum fyribilsstjóri síðani 4. februar, til hann nú tók við starvinum sum Elektron-stjóri burturav. Mynd: hilmar jan hansen