mánadagur 7. juli 2014síða 50

30 nr. 6 I 7. juli 2014 Vinnublaðið hjá Miðlahúsinum ann er í dag 37 ára gamal, og hevur staðið í einum køki síðani hann var 11. – Eg fór tíðliga út úr skúlanum, og fór í læru á einum matstað. Í veru­ leikanum byrjaði eg longu sum 11 ára gamal sum uppvaskari, og longu eitt ár seinni byrjaði eg so smátt í køkinum, sigur Jock Zonfrillo. Hann er føddur og uppvaksin í Skotlandi, nærri staðfest í Glasgow. Pápin er italiu­ maður, meðan mamman er skotsk. Seinni flutti hann til Australia, har hann hevur eina matstovu. – Talan er um tvær matstovur, onnur nevnist Street-ADL, sum meiri er til tann skjóta verðan, og so er ein onnur og fínari matstova uppi á, ið nevnist Orana, sigur Jock Zonfrillo. Hann fór sum nevnt í læru í nøkur ár, og fór síðani at arbeiða á Michelin matstovum, inntil hann sum nevnt læt sína egnu matstovu upp í býnum Adelaide. Hetta við matsendingum á Discovery er nakað heilt nýtt, og Zonfrillo fekk til uppgávu at velja út 10 støð í heiminum, har ein matsending skuldi gerast. – Sum nevnt eri eg uppvaksin í Skotlandi, og tí kendi eg til Føroyar framman undan, sjávt um eg ongantíð áður hevi verið her. Mín vitan um Føroyar gjørdi, at tað varð eitt av støðunum, eg valdi út, og eitt annað eru Hebridurnar, sum eg eisini kenni væl, sigur Jock Zonfrillo. Discovery setti seg so í samband við fyritøkuna, Solea, hjá Elsu Mariu Olsen, at fyriskipa túrin til Føroya, og valið fall rættiliga náttúrligt á Suðuroynna. – Tað var sum at koma heim at koma til Suðuroyar. Landslagið var líka sum í Skotlandi, og fólkini vóru eins fitt og blíð, sum tú ert vanur við heimanífrá, sigur Jock Zonfrillo. Royndi alt Í Suðuroynni var Jock við til at veiða bæði fugl og fisk. – Mær dámar væl at veiða, og eg eri vanur við at skjóta vilini djór, men eg má siga, at eg havi ongantíð roynt at fanga fugl við neti áður, sigur Jock Zonfrillo. Hann heldur tað vera ógvuliga hug- takandi at vita í einum fleygasessi, væl vitandi, at har hava føroyingar sitið í hundraðtals árum. – Tað er eisini við til at vísa á tað mentan, sum hevur livað í hundraðtals ár í Føroyum. Fyri meg var tað við blandaðum kenslum, at eg skudi fanga og tilgera lunda, tí einpápabeiggi mín brúkti 10 ár av sínum livi at bjarga júst lundanum á einari oyggj út fyri Skotlandi, sigur Jock Zonfrillo. Oyggin var illa plága av rottu, og hon hevði næstan útoytt lundastovnin á oynni. Tí var tað, at hesin pápabeiggin setti sær fyri at týna rottuna, og harvið bjarga lundanum. – Men eg veit, hvussu stóran týdning lundin hevur fyri føroyingar, og tí beit eg tað í meg og gjørdi ein lundarætt í Vági, sigur Jock Zonfrillo. Hann sigur, at soleiðis gongur tað fyri seg alla staðni í teimum 10 londunum, hann vitjar í sambandi við matsendingarnar. – Eg eri við til at veiða tað, ið veiðast skal í øllum londunum, og soleiðis eigur tað eisini at vera, sigur Jock Zonfrillo. Hann fór av landinum aftur seinasta mikudag, og tá gekk leiðin suður til Spania, ið eisini er eitt av teimum 10 londunum, har hann skal gera eina matsending. Sterk mentan Elsa Maria Olsen, ið eigur fyritøkuna Solea, er systir til Anniku Olsen, landsstýriskvinnu í almannamálum, og hana hevði Jock Zonfrillo eisini møguleika at heilsa upp á. – Hon var heilt líkatil og hevði bæði bein­ ini fast plantað á jørðini. So tað var ein frægd at heilsa upp á hana. Tá tú sær ráðharrar i øðrum longum, so hava teir nøsina eitt sindur upp í ský, men Annika Olsen var púra náttúrlig, sigur Jock Zonfrillo. Hann sigur, at føroyingar hava eina sterka mentan, og partur av hesari mentan er grindahvalurin. – Tit hava dripið grind í øldir, og eg skilji, hvussu stóran týdning tað hevur fyri tykkum. Tað er eins og í Australia, har the aboriginals – uppruna australiumenn – eisini hava loyvi at drepa eitt nú skjaldbøkur og onnur djór, sum vanlig hvít fólk ikki hava loyvi til, sigur Jock Zonfrillo. Tað er tí greitt, at ein av matskráðunum er grindakjøt. – Og eg havi eisini roynt at eti grind og spik, tí eg haldi tað vera mína skyldu at royna lokalu rættirnar, sum eg tilgeri, sigur Jock Zonfrillo. Honum líkar sera væl at gera mat, og honum líkar eisini at gera sendingar um mat, men honum líkar illa, at hesar sendingar fara at gera hann meira kendan, enn hann framan undan er. – Tað er ein av óhepnu fylgjunum av at gera hesar matsendingarnar, og eisini nakað, eg fegin hevði verið fyri uttan. Men tað er ikki alt ringt við at gerast kendur sum kokkur í sjón­varpinum, sigur Jock Zonfrillo. Hann vísir á stóra arbeiðið, sum Jamie Oliver ger í køkinum. – Hann hevur víst onglendingum á, hvussu tú kanst gera góðan mat við vanligum tilfari. Tað var komið hartil, at ungir onglendingar duga ikki at gera mat, og har hjálpir Jamie Oliver teimum, sigur Jock Zonfrillo. Hann kennir væl Jamie Oliver, og sigur, at hann er ein framúr maður. – Hann er ógvuliga fittur, og hevur ongar nykkir. Hann er ein framúr kokkur, sigur Jock Zonfrillo. Sendingarnar, sum Jock Zonfrillo nú ger fyri Discovery, verða sendar eina fer milum september og desember í ár. Tað sigur heimskendi kokkurin, Jock Zonfrillo, um ferðina til Føroyar og Suðuroynna í sambandi við eina matsending, hann ger fyri sjónvarpsrásina, Discovery Leo Poulsen Tað er sum at koma heim H – Tað var sum at koma heim at koma til Suðuroyar. Landslagið var líka sum í Skotlandi, og fólkini vóru eins fitt og blíð, sum tú ert vanur við heimanífrá, sigur Jock Zonfrillo Mynd: álvur haraldsen