hósdagur 10. juli 2014síða 14

nr. 78 · 11. juli 2014 2 VIKUSKIFTI Leygardagin verður á fyrsta sinni skipað fyri einum konsertdegi á Oyrabakka. Tónleikatiltakið hevur fingið heitið Við Brúnna og fer fram á økinum við Felagsskúlan, Norðskála-Oyrar skúla og Eydnuna. Oman fyri 15 føroyskir bólkar og einstaklingar fara at framføra á útipalli frá klokkan 15 leygardagin og líka til klokkan 03 um náttina. Eisini verður café tjald við livandi tónleiki, dansur í Eydnuni og felagssangur á skránni. Á økinum eru ymiskir básar, við ymiskum undirhaldi, har til ber at keypa sær ein bita og okkurt leskandi afturvið. Børnini verða heldur ikki forsømd, tí eitt nú verður upplestur, skemt, spøl og barnadiskotek til teir yngry gestirnar á tónleikadegnum við StreyminAnnað undirhald enn tónleikur verður fyri børnum og ungum m.a. upplestur, skemt, spøl og barnadiskotek. – Málið er at skapa eina góða uppliving og eitt umhvørvi fyri ung sum eldri, har tónleikur og hugni er í hásæti, siga fyrireikararnir av tí fyrsta Við Brúnna tiltakinum. Adidas Summar Cup Leygardagin 12. juli 2014 verður stórur fótbólts- og ítróttardagur í Tórshavn, tá B36 skipar fyri Adidas Summar Cup fyri U6 til U16/U17. Allir luttakarar fáa eina flotta Adidas t-shirt, luttøkuskjal, frukt og sunkist. Samstundis sum møguleiki er at hugna sær á event økinum, har tað verður hoppiborg, blindafótbóltur, FIFA14 og so er eisini ókeypis svimjing. Leygardagin 12. Juli, Kl. 10.00 Matiné í Havnar Kirkju Leygardagin fer Helgi Breiner-Petersen at spæla til matiné í Havnar kirkju saman við floytuspælaranum Ib Westergaard. Helgi hevur útbúgving frá Kgl. Danska musikkonservatoriinum og hevur verið millum annað verið organistur í Frederikssund kirkju á Sjællandi. Helgi og Ib hava mynda donsk- føroysku duoina Duo Di Chiesa, og høvdu fyrr í ár konsert i Hans Egedes Kirke, har føroyska kirkjuliðið í Keypmannhavn nú heldur til. Teir báðir spæla lættan summarligan tónleik av Bach, Händel, Grieg og improvisatiónir yvir gomul føroysk sálmaløg. Leygardagin 12. Juli, Kl. 11.30 Baðilandið letur uppaftur Leygardagin letur Klaksvíkar Svimjihøll og harvið baðilandið uppaftur. Høllin hevur verið verið stongd síðani oktober mánað, soleiðis at ymsar umfatandi umvælingar kundu gerast. Í sambandi við at svimjihøllin og baðilandið lata upp aftur verður skipað fyri móttøku klokkan 10, og klokkan 11 er høllin opin fyri almenninginum. Nógv verður gjørt burturúr, og eisini verður »høgguslokkurin« í tí stóra hylinum. Leygardagin 12. Juli, Kl. 10.00 Mentanarnátt á Tvøroyri Fríggjadagin 11.juli verður mentanarnátt á Tvøroyri. Tað er Tvøroyrar kommuna, ið stendur fyri mentanarnáttini. Fleiri málningaframsýningar og aðrar framsýningar eru á skránni, eins og ítróttarfeløgini skipa fyri tiltøkum. Millum annað skipar TB fyri uppboðssølu, meðan FSR skipar fyri rógvikapping. Eisini er gjørligt at keypa sær okkurt til matna ella eitt heimagjørt plagg. Mentanarnáttin endar við stórdansi í Klubbanum. Fríggjadagin 11. juli Konsertdagurin Við Brúnna Summar redaktør: Rannvá G. Fossaberg, rannva@sosialurin.fo Forsíðumynd: Álvur Haraldsen