mánadagur 14. juli 2014síða 8

Mánadagur 14. juli 2014 · Nr. 79 8 Sosialurin Hugskot og viðmerkingar – send sms til 225000 Á skránni vóru kend nøvn sum Páll Finnur Páll, Hanus G. Johansen, Jens Marni Hansen og Tinganest, men eisini minni kend nøvn úr økinum, sum Ester Kristiansen og Marni Kruse. “Av og á”, ið ikki hava verið á palli í 20 ár, vóru eisini á palli við Brúnna. Serliga Tinganest fekk lív í fjøldina, kanska tí fólk frøddust um, at tað endiliga gavst at regna. Sangurin gekk av tí allarbesta, tá Tinganest spældu sínar gomlu slagarar sum "Upp á Tá" og "Vágagellan". Flestu sungu við, og onkur dittaði sær enntá at taka ein dans. Hans Olivur Joensen, fyri­ reikari av “við Brúnna,” er sera væl nøgdur við tiltakið. - Tað eru ov fáir pallir til nýggjar tónleikarar, sigur Hans Olivur Joensen. Tí var eg glaður fyri, at hava møguleikan at bjóða ókendum nøvnum úr økinum á pall hjá okkum. Tað burdu heilt vist verið fleiri møguleikar hjá ungum, óroyndum tónleikarum at spælt, heldur hann. - Tá eg hugsi um programmið, so eri eg sera væl nøgdur. Har var eitt sindur av hvørjum, okkurt til nærum allar aldursbólkar. Sum nevnt, so var tað ein góð blanding av tí lokala og fólkum aðrastaðni frá. Eg kann uttan iva siga, at øll, sum vóru á palli, høvdu uppiborið at verið har, tað var eingin, sum fekk ein at hugsa, at hetta tiltakið var ov stórt til teirra. við brúnna Eini 700-800 fólk høvdu leitað sær til tónleikatiltakið “við Brúnna” á Oyrarbakka leygardagin. 700-800 við