týsdagur 2. september 2014síða 4

Mikudagur 3. september 2014 · Nr. 99 4 Sosialurin Hugskot og viðmerkingar – send sms til 225000 sea shepherd Jógvan Páll Lassen, verji hjá Sea Shepherd umboðunum í Føroyum, er ikki blíður, tá tosað verður um myndirnar, sum Sea Shepherdumboðini tóku av grindadrápinum á Sandi leygardagin. - Hetta er rein plágan, segði hann í rættinum. Jóg­ van Páll Lassen er ónøgdur við, at mismunur verður gjørdur á umboðum frá Sea Shepherd og øðrum, sum vóru á sandinum. Hald er lagd á myndirnar, tí at tær eru "billeder af strafbar handling." - Hví hevur løgreglan ikki lagd hald á myndirnar hjá øllum hinum, sum vóru á sandinum leygardagin, spyr Jógvan Páll Lassen. Eisini vísir Jógvan Páll Lassen á, at Sea Shepherdfólkini ikki vóru tey einastu, sum vóru farin inn um gyrðingina um grindaøkið. - Bæði børn og onnur, ið ikki høvdu við drápið at gera, gingu innan fyri gyrðingina. Jógvan Páll Lassen sigur, at hetta er enn eitt dømi um, at rættarskipanin revsar útlendingar sum heild, og Sea Shepherd umboð serliga, harðari enn føroyingar. Danjal av Rana Tey seks Sea Shepherd fólk­ ini á Sandi noktað seg sek í ákærunum um, at hava lagt upp í eitt grindadráp. Mánadagin vóru tey seks Sea Shepherd fólkini, ið vóru handtikin á sandinum á Sandi, fyri Føroya Rætti. Tey noktaðu at taka við sektaruppskotinum frá løgregluni, og máttu tí møta í rættinum. Har noktaðu tey seg sek í ákæruni um, at hava órógva almenna reglulagið, og at hava roynt at forða fyri einum grindadrápi, við at renna út í vatnið, larma, og sláa á metallrør í eini roynd at fáa hvalin at venda, hóast tey vóru biðin um at fara úr økinum. Tey játtaðu øll seks, at tey høvdu verið á sandinum, tá grindin varð rikin inn. Tey játtaðu eisini, at tey høvdu verið úti í vatninum og roynt at bjarga hvalunum. Men tá ákærin vildi hava tey at greiða frá, hvat tey høvdu gjørt fyri at bjarga hvalunum, svaraðu tey einans: “Vit eru her fyri at bjarga hvalunum.” Tá ákærin spurdi, um tey høvdu larmað, fyri at fáa grindina at venda, var svarið aftur: “Vit eru her fyri at bjarga hvalunum.” Tey høvdu verið á sandinum, nøkur teirra høvdu tikið myndir og video, men annað høvdu tey ikki gjørt, søgdu tey. Ákærin royndi at stað­ festa, hvørt tey vóru farin inn á frámerkt grindaøki. Sea Shepherd fólkini vildu vera við, at einki var frámerkt, tá tey komu, og í hesum fingu tey eisini stuðul frá Karl Vidtfeldt, ið eisini var innkallaður sum vitni. Hann segði, at tey vóru komin oman á sandin, innan økið var vorðið frámerkt. Hvør larmaði mest Tað var eyðsæð, at týðandi partur av verjuni hjá Jógvan Pálli Lassen, verja hjá teimum ákærdu, snúði seg um, hvørt tey veruliga larma so illa. Jógvan Páll Lassen vísti á, at har varð málageipan frá fólki, bátarnir ruku enn grindina og larmaðu tí nógv, eins og at ikki minni enn tvær tyrlur flugu yvir økinum. - Heldur tú, at tey seks Sea Shepherdfólkini, sum eru 100 metrar frá grindini, larma meira enn teir gott og væl 30 bátarnir, sum liggja beint aftanfyri grindina, ella tyrlan, sum lendir 200 metrar frá grindini, ella hin tyrlan, sum sveimar yvir sandinum, spyr Jógvan Páll Lassen tá. Hótt við byrsu Undir avhoyringunum av Sea Shepherd fólkunum, ið vóru tikin á sandinum á San­ di leygardagin, greiddu tey frá hóttanunum, tey fingu. - Ein maður umborð á ein­um báti hótti okkum við byrsu. Onnur róptu, at tey skuldu myrða okkum og ein bát­ur mundi siglt á meg, greid­di ein kvinna frá. - Børn og vaksin róptu ókvæmis­orð eftir okkum og gjør­du ósømilig tekin móti okk­um. Eg føldi meg ótrygga til tíðir, segði ein teirra. Tey róptu eftir okkum alla tíðina og hóttu okkum, bæði tey umborð og tey á landi. Tað gjørdist tó ongantíð áfast ímillum sandingar og Sea Shepherd. Løgreglan á Sandi megnaði at sissa bygda­fólkini, meðan teir royn­du at fáa Sea Shepherd fólk­ini úr vatninum, men Karl Vidtfeldt ásannaði í rætti­num, at tað var gott, at løg­reglan úr Havnini kom, tá hon kom, tí fólkið var farið at ótoln­ast eftir at byrja drápið. Vit eru her fyri at bjarga hvalunum Gera mismun á fólki