týsdagur 9. september 2014síða 18

Mikudagur 10. september 2014 · Nr. 102 18 Sosialurin Mentanarvikan í Sunda Kommunu Danjal av Rana Sunda kommuna bjóðar aftur í ár til mentanarviku. Hetta er fimta árið, at kommunan skipar fyri hesum tiltakinum, sum í ár er størri enn nakrantíð fyrr. – Fyrstu árini vardi tiltakið nakrar fáar dagar, men við tíðini er tað voksið í vavi, so at í ár byrjar mentanarvikan hósdagin 11. septembur og varar líka til leygar­ dagin 20. septembur, sigur Heðin Zachariasen, borgarstjóri í Sunda kommunu. Tað var í 2005, at Hósvíkar, Hval­víkar, Haldórsvíkar og Sunda kommunur løgdu sam­an við bygdunum Gjógv og Saks­un í nýggju Sunda komm­unu. Høv­uðs­ endamálið við saman­leggingini var, at Sundalagið skuldi taka tey tungu tøkini í felag. Heðin Zachariasen metir, at hetta hevur eydnast til fulnar. – Í dag hava vit alt tað, sum ein kommuna eigur at bjóða í dagsins samfelag. Hetta hevði ikki, haldi eg, verið gjørligt hvør sær. Vit hava í dag eina góða og sterka kommunala umsiting, ið er nógv meiri pro­fessio­ nell enn áðrenn. Størstu fram­ brotini, áðrenn vit løgdu saman, komu eisini, tá vit lyftu í felag, so sum røktarheimið Mørkin og felagsskúlin á Oyrarbakka. Heðin Zachariasen metir, at bygdirnar í kommununi eru vorð­ nar væl betur samansjóðaðar, hesi skjótt 10 árini síðani kommunu­ samanleggingina. Bygdirnar hava altíð havt nógv samskifti síná­ millum, eisini áðrenn brúgvin um Streymin varð tikin í nýtslu í 1973, men Heðin Zachariasen heldur, at tað er týðiligt, at tað nú er talan um eina eind og ikki 11 einstakar bygdir ella fimm-seks kommunur, sum fyrr. – Mentanarvikan er grundfest í hesum, at tað nú er ein størri kommuna. Hon spælir eisini ein stóran týdning í tí, at samansjóða bygdirnar og fólkið, her býr, sigur Heðin Zachariasen. Fá, men virkin – Hetta er jú ein spjadd kommuna, og avbjóðingin hjá okkum er at forankra tiltakið í fólkinum, so at øll kenna seg eiga ein lut í mentanarvikuni. Tað haldi eg, vit hava megnað, sigur hann og vísir á ta stóru undirtøkuna, sum tiltakið fær. So gott sum øll áhugafeløgini í økinum taka lut í mentanarvikuni á ein ella annan hátt, eins og at skipað verður fyri tiltøkum í øllum bygdunum í kommununi. – Mentanarvikan hevur fingið størri og størri undirtøku frá fólkinum og verður betur og betur vitjað fyri hvørt ár, sigur Heðin Zachariasen. Vit leggja dent á, at fáa so nógv fólk sum møguligt at taka lut á ein ella annan hátt, og tað, haldi eg, eydnast væl. Tó at vit einans eru 1700 íbúgvar í kommununi, so er tað eitt virkið fólk. Heðin Zachariasen sigur, at nógv verður gjørt, fyri at fáa borgararnar at taka lut í fyrireikingunum. – Skúlin og barnagarðarnir ar­beiða saman um tiltøkini. Ment­anarvikan verður nýtt sum evnisdagar í skúlanum, og á hendan hátt arbeiða tey við onkr­um, sum er viðkomandi fyri kommununa og nærumhvørvi, sigur Heðin Zachariasen. Endaliga úrslitið verður so víst fram á mentanarvikuni. – Tað, at stuðulin frá borgarunum er so góður, gevur okkum í bý­ ráðnum eyka megi at halda á og at menna mentanarvikuna. – Vit miðja hvørt ár eftir, at mentanarvikan skal fevna so breitt sum til ber. Tí fegnast vit um, at í ár hava vit tiltøk í øllum ellivu bygd­ unum í kommununi, sigur Heðin Zachariasen. – Tað er av alstórum týdningi, at mentanarvikan og onnur tiltøk, vit skipa fyri í kommununi, er forankrað í lokaløkinum, sigur borgarstjórin í Sunda kommunu. Vit leggja okkum veruliga í selarnar eftir, at fáa allar bygdirnar at luttaka og at tryggja okkum, at vit hava eitt breitt tilboð til allar borgararnar. Mentanin og vinnan hoyra saman – Tað er eisini av stórum týdningi fyri okkum, at vinnan í kommununi tekur lut í mentanardegnum. Ment­ anin í økinum hevur í stóran mun grundfesti í vinnuni í økinum, sum veitir stuðul til feløg og tiltøk. Heðin Zachariasen er serliga spentur upp á vinnukvøldið, ið verð­ur í Eydnuni á Oyrarbakka mána­kvøldið 15. septembur. – Vit hava avgjørt, at nýta hetta høvi, at seta sjóneykuna á vinnuna í kommununi. Í ár er tað ferðavinnan, sum verður sett í miðdepilin. Guðr­ ið Højgaard, stjóri í Visit Faroe Islands, Eirik Suni Danielsen, eigari av Gjáargarði og Magni Arge, fyrrverandi stjóri á Atlantsflog, fara at hava framløgur undir heitinum “Ferðavinnan – vinnumøguleiki”, sigur Heðin Zachariasen. Hann vísir á, at Sunda kommuna allarhelst er ein hin mest vitjaða komm­una í landinum, hvat ferða­ fólkum viðvíkur. – Vit plaga at siga, at ferðafólk í Føroyum vitja antin Saksun, Gjógv ella Tjørnuvík. Øll hesi trý støðini liggja í Sunda kommunu. Og um fólk ikki steðgar á her, so eru tey nógv, sum koyra um brúnna og ígjøgnum tunnilin. Ferðavinnan er ein vaksandi vinna í Føroyum, og vit í Sunda kommunu vilja gjarna vera við, har tað hendir, sigur borgarstjórin. Mentanarvikan spælir ein stóran leiklut í at samansjóða bygdirnar og fólkið, her býr, sigur Heðin Zachariasen, borgarstjóri í Sunda kommunu Heðin Zachariasen, borgarstjóri Øll eiga lut í mentanarvikuni