týsdagur 16. september 2014síða 4

Mikudagur 17. september 2014 · Nr. 105 4 Sosialurin Hugskot og viðmerkingar – send sms til 225000 tíðindi Jón Brian Hvidtfeldt Mánadagin vóru tvær vikur síða­ni Strandferðslan sendi sína umbøn um eykajáttan norð­ur um Suðuroyarfjørð, til arbeiðsgevaran sum er Vinnu­málaráðið. Framvegis fæst eingin at upplýsa, hvussu nógvar peng­ar Strandferðslan bið­ur um, men sambært stjóra­num er talan um ”nakrar millión­ ir.” Strandferðslan fær 141,5 milli­ón­ir krónur á fíggjar­lóg­ ini fyri í ár. Tá eru íroknað 1,5 milli­ón, sum er markað til at læk­ka ferða­seðla­kost­naðin við skipu­nu­m hjá Strand­ ferðslu­ni, um­framt hálv millión, sum er markað til at ”bet­ra sam­band­ið við út­ oyggj­ar.” Longu í summar var greitt, at játtanin fór ikki at halda, og nýggi strandferðslustjórin fór at fyrireika sína umbøn um eykajáttan. Sosialurin skilir, at einar fýra ella fimm or­søk­ir eru tí frágreiðing, sum strand­ ferðslustjórin sen­di Vinnu­ málaráðnum 1. sep­tem­ber. Orsøkir, ið til­samans grund­ geva fyri eyka­játtan­ar­um­bøn á nakrar milliónir. Innlit fæst ikki í skjølini, sum Vinnu­ mála­ráð­ið definerar sum lógar­fyrireikandi arbeiði. Men onnur skjøl, sum Sosial­urin hevur fingið inn­ lit í frá Strandferðsluni, vísa eyka útreiðslur fyri til­ samans 1,7 millión krónur, ið bein­leið­is kunnu metast sum av­leið­ing av tí ”upprudding”, sum Vinnumálaráðið setti í gongd í vetur. 17. desember í fjør varð stjórin á Strandferðsluni, Bogi Mortensen, sjúkra­meld­ a­ður í tríggjar vikur. Hann kom ongantíð aftur í stjóra­ sessin, tí 13. januar í ár gjørdi Vinnumálaráðið frá­faring­ar­ avtalu við Boga Morten­sen, ið fór heim við løn í eitt ár. 13. august fekk fíggjar­leið­ arin Hans Petur Joensen æt­ lanar­skriv um uppsøgn, og eisi­ni hann er sendur til hús við løn í eitt ár. Tað førir við sær nýggj­ ar lønarútreiðslur til nýggj­ ar stjórar. Hans Johan­ nes á Brúgv og Regin I. Jacob­sen hava báðir ver­ið fyri­bils­s­tjórar á Strand­ ferðslu­ni styttri tíðarskeið, áðr­enn Hilmar Eliasen í summ­ar setti seg í stjóra­ stól­in. Harumframt er Niels Juel Arge fyribils sett­ur fíggj­ar­leiðari við tí bundnu upp­gávu at taka sær av 2014-tølunum í rokn­skapi­ num hjá Strand­ferðslu­ ni. Løn­ir­nar til hesar fýra stjór­ar­n­ar kosta í ár Strand­ ferðslu­ni 1.028.140 krónur. Út­reiðslur, ið koma omaná lønir­nar til nú fyrrverandi stjóra og fíggjarstjóra. Vinnumálaráðið bað tíðliga í tilgongdini grann­ skoðara­fyritøkuna Januar um at fara inn í roknskapin hjá Strandferðsluni. Fyrst gjør­di Januar eina gjøgnum­ gongd av rokn­skapi­num fyri fyrstu 11 mánaðirnar av 2013, síðani varð ein víðkað grann­skoðan gjørd av øllum rokn­skapinum fyri 2013, og sum tað triðja hevur Januar gingið ígjøgnum roknskapin hjá Strandferðsluni fyrstu fimm mánaðirnar av 2014. Rokn­ingin fyri hesi arbeiði er til­samans 618.321 krónur, og hana skal Strandferðslan sjálv gjalda fyri. Leggjast skal afturat, at talan er um somu grannskoðarafyritøku, ið hevur grannskoðað rokn­ skapin hjá Strandferðsluni øll árini síðani 2008, tá stovn­ur­in varð lagdur undir Vinnu­mála­ráðið. Tilsamans er talan um 1.646.462 krónur í beinleiðis, eyka útreiðslum til stjórar og grann­skoðan, sum Strand­ ferðsl­an sjálv skal gjalda fyri. Afturat hesi upphædd eru aðr­ar útreiðslur áveg. Talan er um advokatútreiðslur í sam­band við at fíggj­ar­leið­ ar­in varð sagdur úr starvi. Politikkurin Fíggjarliga ódnarveðrið kom inn yvir Strandferðsluna, tá nú fyrrverandi fíggjar­leið­ ar­in í vetur vendi sær bein­ leiðis til fíggjarnevndina hjá løgtinginum fyri har at fortelja sína søgu um støðu­na á stovninum. Við útmeld­ingini hjá fíggjar­ leiðara­num harðnaði tónin mill­um Strandferðsluna og Vinnu­málaráðið. Stjórin varð send­ur til hús, og í februar í ár staðfesti grannskoðaði rokn­skapurin eina meir­ nýtslu á 4,4 milliónir krónur í mun til játtanina fyri 2013. Í maj mánað komu løg­ tings­grannskoðararnir við hvøss­um viðmerkingum til rokn­skapin hjá Strand­ ferðslu­ni fyri 2013. Í síni niður­støðu átala løgtings­ grann­skoðararnir hvass­liga, at landsstýrismaðurin ikki kunnaði løgtingið ella bað løg­ting­ið um eykajáttan, hóast hann var vitandi um, at játtanin til stovnin fór ikki at halda. Frágreiðingin hjá løg­ tingsgrannskoðarunum før­ir við sær, at Tjóðveldi, Javn­að­ ar­flokkurin, Framsókn og Sjálv­stýrisflokkurin í felag kær­du landsstýrismannin í vinnumálum til Lands­stýris­ málanevndina. Tann kæran verð­ur væntandi avgreidd síðst í hesum mánaðinum. Í Tinganesi heldur telv­ ing­in um tølini á eyka­játt­a­n­ ar­lógini fyri september fram. Flestu av aðalráðunum hava ynski um fleiri pengar, og verða øll gingin á møti, økjast út­reiðslurnar á fíggjarlógini fyri 2014 við okkurt um 50 milliónum krónum. Tað kem­ ur ikki upp á tal, sam­bært Jørgeni Niclasen. Fyrstu sjey mánaðirnar av 2014 hevur Strandferðslan brúkt 84,6 milliónir krónur av síni játtan, svarandi til stívliga 60 prosent av játtan­ ini, sum aftur kann tulkast sum meirnýtsla á smá tvey pro­sent. Stór sveiggj eru tó í út­reiðslunum hjá stovninum, mán­að fyri mánað, og tí skulu tølini takast við ávís­ um fyrivarni. Rumbul fyri 1,7 mió Fíggjarligu brotasjógvarnir, sum hava skolað inn yvir Strandferðsluna síðani í vetur, hava higartil kostað sperda stovninum 1,7 millión krónur í eyka útreiðslum, ið tyngja frammanundan sprongdu fíggjarætlanina uppaftur meira 1. september bað Strandferðslan um eykajáttan á ”nakrar milliónir.” Síðani tá hava Vinnumálaráðið og hini aðalráðini hildið fram við telvingini um tølini á eykajáttanarlógini fyri september Afturat øðrum, fíggjarligum avbjóðingum kosta eyka stjóralønir og grannskoðararokningar Strandferðsluni 1,7 millión krónur í ár