mánadagur 22. september 2014síða 18

2 nr. 7 I 22. september 2014 Vinnublaðið hjá Miðlahúsinum Serblað frá Sosialinum Ábyrgd: Eirikur Lindenskov Myndir: Álvur Haraldsen snið og umbróting: Pætur Eyðunsson Jensen, sosialurin Tað er fimtandi Vinnudagurin, sum hevur sett serligan dám á Vinnuna hesaferð. Vit hava hugt eftir, hvussu tað hevur gingist virkjum, sum hava fingið heiðurin sum Ársins Virki. Vit tosa við Maritu Rasmussen, stjóra í Vinnuhúsinum, um útlit – og vinnuprofilurin hesaferð er Regin W. Dalsgaard, sum greiðir frá, hvussu hann livir av hugskotum. Vinna hesuferð... tað hendir... Sveinur stjórnar Dimmalætting Hósdagin kunngjørdi Skráseting Føroya, at Sveinur Tróndarson verður maðurin, sum skal fáa nýggju Dimmalætting at hanga saman fíggjarliga. Sambært lýsing frá Skrásetingini, so er Poul Hansen advokatur, sum eigur Dimmalætting, farin frá sum stjóri. Innkomin sum stjóri er Sveinur Tróndarson, sum eisini hevur valdið at tekna felagið. Nevndarformaður og ein nevndarlimur kunnu eisini tekna felagið. Í nevndini í Dimmalætting sita nú Poul Hansen, sum er nevndarformaður, Leif Láadal, Erland Poulsen og Emil Lisberg Jacobsen, sum eru nevndarlimir. Sveinur Tróndarson hevur sagt, at Dimmalætting kemur útaftur í oktober í ár. Metstór tøka av laksi Havbúnaðarfelagið hevur síðani 2005 skrásett tøkuna av laksi viku fyri viku, men ongantíð áður hevur tøkan verið so stór, sum hon var í viku 36 frá 1. til 7. september í ár. Tikin vórðu 2.143 tons í kruvdari vekt, og miðalvektin var 5,50 kg, skrivar Vinnuhúsið. Frá 1. januar til 31. august í ár er tøkan økt við umleið 2,3 prosentum í mun til sama tíðarskeið í fjør. Samstundis er fiskagoymslan á sjónum í tonsum 16 prosent størri 31. august 2014, enn hon var fyri einum ári síðani. Tí kann væntast, at tøkan eisini fer at verða stór restina av 2014. Havbúnaðarfelagið skipar fyri vikuligu uppgerðina yvir tøkuna, sum verður løgd á heimasíðuna hjá Vinnuhúsinum her industry.fo Skipanin fyri útlendskar handverkarar virkar væl rbeiðsgevarafelagið talar nú og sigur, at skipnain virkar væl: – Róð verður fram undir, at trupulleikar eru í skipanini. Tað, sum verður borið fram, er tó ikki í tráð við veruleikan, sigur Arbeiðsgevarafelagið, sum lýsir veruleika soleiðis: – Tá ein arbeiðsgevari setur ein handverkara í starv, skal set­anin fráboðast til myndugleikarnar, áðrenn við­komandi byrjar, og tá skal viðleggjast skjal­prógv fyri, at viðkomandi hevur út­búgv­ ing sum handverkari. Handverkarar úr ES- lond­um, sum koma hendavegin skulu tí hava neyð­ugu pappírini. – Tað er eisini krav, at lønar- og arb­eiðs­ treytir hjá útlendsku handverkarunum ikki skulu vera verri enn tær, sum eru galdandi á føroyska arbeiðsmarknaðinum, so uppáhaldið um undirløntar handverkarar er neyvan eftir­farandi. Um føroyski arbeiðsgevarin ikki heldur tær treytir, sum eru settar í samband við góðkenningina, kann arbeiðsgevarin verða revs­aður við bót ella fongsul. – Einki fakfelag hevur sett seg í samband við Føroya Arbeiðsgevarafelag um, at arb­eiðs­ gevari ikki heldur galdandi treytir. – Flestu byggifyritøkur vilja helst hava før­oyskar handverkarar í starvi, og seta sum meg­in­reglu bert útlendskar handverkarar, um neyð­uga arbeiðsmegin ikki finst í Føroyum. Tað er tí lítið sannlíkt, at nøkur føroysk byggi­fyritøka skal hava sagt ein føroyskan hand­verkara upp fyri at seta ein handverkara úr einum ES-landi í staðin. Tó er tað sjálvandi bæði áðrenn og aftan á lógarbroytingina kom­ið fyri, at ein føroyskur handverkari er upp­sagdur, og orsøkirnar til hetta kunnu vera so nógvar, sigur Føroya Arbeiðsgevarafelag, sum vísir á, at 12 fyritøkur hava vent sær til Vinnu­húsið og biðið um at fáa limaprógv fyri lima­skap í arbeiðsgevarafelag. – Hetta er ein fortreyt fyri at seta ES- handverkarar í starv eftir nýggju skip­an­ ini. Nógv tann størsti parturin av før­oysku byggifyritøkunum hava tí ikki møgu­leika at seta útlendskar handverkarar í starv eftir nýggju skipanini, sigur Føroya Arb­eiðs­gev­ ara­felag. Bæði Aksel V. Johannesen úr Javn­að­ar­ flokkinum og Kári P. Højgaard úr Sjálv­stýr­ is­flokkinum hava reist málið, sum uttan iva verð­ur umrøtt í politisku skipanin í næstu fram­tíð. A Seinastu dagarnar hava bæði fakfelagsumboð og politikarar verið frammi í fjølmiðlunum við kritiskum útsøgnum og fyrispurningum um, hvussu nýggja skipanin við handverkarum úr ES-londum virkar. Eirikur Lindenskov Lógin, sum kom í gildi 1. Juli 2014, ger tað møguligt hjá arbeiðsgevarum, sum virka í byggivinnuni, at gerast undangóðkendir til at seta faklærdar handverkarar í starv, tá arbeiðsloysið í Føroyum er undir 6 prosent. Tað eru tríggjar treytir fyri at arbeiðsgevari kann fáa og varðveita hesa undangóðkenning: 1. Fyritøkan skal vera skrásett í Føroyum 2. Fyritøkan skal vera fevnd av kollektivum sáttmála á føroyska arbeiðs­ marknað­inum um lønar- og arbeiðsviðurskifti. 3. Fyritøkan skal verða skrásett hjá TAKS sum ávísingar­skyld­ug eftir føroysku skattalógini. Tá fyritøkan er vorðin undangóðkend, kann hon seta útbúnar handverkarar úr ES-londum í starv. Treytin fyri at fyritøkan kann seta ES-løntakara í starv er, at setanin fevnir um í minsta lagi 30 arbeiðstímar um vikuna, og at lønar- og arbeiðstreytir ikki eru verri enn ásett íkollektiva sáttmálanum. Fakta um nýggju skipanina