mánadagur 29. september 2014síða 28

Mánadagur 29. september 2014 · Nr. 110 28 Sosialurin Hugskot og viðmerkingar – send sms til 225000 ítróttur Jóannes Hansen Nú mugu tit syrgja fyri, at okkurt felag bjóðar KÍ kvinn­ unum av, so tær ikki verða so einaráðandi, sum tær hava verið síðani túsund ára skift­ið. Nakað soleiðis orð­aði Sepp Blatter seg, tá ið hann vitjaði í Føroyum fyri tveim­ um árum síðani. FIFA forsetin var væl pirkaður. Tað vakti ans, at hann visti so væl at siga um før­oyskan kvinnu­fót­bólt, men tað er so eiðasørt, at nakar megnar at gera nakað við áheitanina hjá honum. Í 2012 vunnu KÍ kvinnurnar FM sjey stig frammanfyri B36. Í fjør vunnu tær FM fýra stig framman­fyri EBS/Skála. Tá var tað heilt spennandi, inntil KÍ í 17. umfari, sum var 11. september, vann 1-0 á heima­vølli ímóti EBS/Skála. Í gjár tryggjaði KÍ sær enn eina ferð FM heitið. Meistara­heitið er komið upp á pláss, hóast tað fram­vegis eru trý umfør eftir at spæla. KÍ er fjúrtan stig framman­ fyri EBS/Skála, sum í útsettu uppgerðini ímóti B36 hós­ kvøldið hevur møguleika at minka um munin fram til odda­liðið til ellivu stig. Kort­ini er tað greitt, at KÍ er meist­ari, tí tað eru bara trý um­før og harvið níggju stig eftir at spæla um. Meistaraheitið er merkis­ vert, tí hetta er fimtanda ferðin á rað, at KÍ vinnur kvinnu­kappingina. Harvið er heims­metið veruleiki, sum KÍ hevur havt kós fram ímóti í fleiri ár. Tað verður skrásett hjá Sepp Blatter og FIFA, og tað verður skrásett í Guiness Book of Record! Sum vera man, so stór­ fegn­aðust spælararnir saman við trúgvu áskoð­ ar­unum í gjár, eftir at KÍ á heima­vølli hevði vunnið 7-2 ímóti ÍF/Víkingi, og tað har­ við var greitt, at FM heitið er komið til høldar. Síðsta um­ farið verður leygardagin 18. oktober. Eftir heimadystin ímóti B36 fara KÍ kvinnurnar at fáa handað FM steypið og gull­krónurnar. Veteranarnir Hetta var fimtanda ferðin á rað, at KÍ vann FM, og hetta er sekstanda ferðin í alt, at kvinnurnar úr Klaksvík eru meistarar. Fyrsta FM heitið vunnu tær í 1997, og síðani 2000 hava tær hvørja ferð staðið við FM steypinum. Tríggir spælarar hava verið stuðlar á liðnum mest sum alla tíðina: 37 ára gamli liðfor­mað­ urin, Malena Josephsen, var fyrstu ferð á liðnum í 1994. Í landskappingini, steypa­ kapp­ingini og europeisku kapp­ingini hevur hon 459 ferðir! umboðað KÍ, og hon hevur spælt 38 landsdystir. 41 ára gamla Bára S. Klak­stein var fyrstu ferð á besta KÍ liðnum longu í 1991 ella fyri 23 árum síðani. Burtursæð frá lestrartíðini á flatlondum og tá ið hon hevur verið burturi frá orsaka av barnsburðum, so hevur hon verið við mest sum alla tíðina. Samlaða dystar­talið hjá henni á fremsta KÍ liðnum er 313, og so hevur hon spælt 20 lands­ dystir. 33 ára gamla Rannvá B. Andreasen hevur umboðað barndómsfelagið í 428 dyst­ um, síðani hon í 1995 royndi seg fyri fyrstu ferð. Hon hev­ ur verið við øll árini, og hon hevur spælt 37 landsdystir. Tví­bura systir hennara, Ragna, varð skift inn í 2. hálv­leiki í gjár. Seinnu árini hevur hon ikki spællt so nógv, men hon eigur sín lut í met­inum. Ragna hevur síð­ani 1995 umboðað KÍ 340 ferð­ir, og hon hevur spælt sekstan landsdystir. Seta sær nýggj mál Saman við omanfyri nevndu veteranum hava nógvar verið við til at vunnið tey fimt­an FM heitini, sum KÍ hevur vunnið síðani 2000. Sam­bært Malenu Josephsen, so fara tær allar at fáa boð um at møta leygardagin 18. oktober, tá ið síðsti lands­ kapp­ingar­dysturin verður á skránni: – Ofta plaga vit sjálvar at vera uppi í fyrireikingunum, men soleiðis verður tað ikki hesa ferð. Eg havi skilt tað soleiðis, at KÍ og kommunan fara at skipa fyri rimmar tiltaki henda dagin, tá ið kvinnur fótbóltur Malena: Nógv stríð liggur aftanfyri heimsmetið Superveteranar staðfestu í gjár saman við yngri spælarum heimsmetið, sum KÍ kvinnurnar hava rokkið, nú tær tryggjaðu sær 15. FM heitið á rað