hósdagur 9. oktober 2014síða 34

Mentanarblaðið hjá Miðlahúsinum 6 • 10. oktober 2014 Hermann Jacobsen og Kyndaravalsurin Útgevari: Sosialurin Ritstjóri: Inger Smærup Sørensen Grafiskt snið: Pætur Eyðunsson Jensen Forsíða: Grafitti á Velbastað eftir dulnevnda listamannin Husk Mit Navn. Verkið er partur av framsýningina GISP!, sum letur upp í Norðurlandahúsinum 24. oktober. GISP! Setir sjóneykuna á norðurlendskar teknirøðir sum listarák. Mynd: Inger Smærup Sørensen Listamálarin Katsu úr New Yor er fyrsta listafólk, sum eg veit um, ið brúkar fjarstýrdar smátyrlur í síni list. Hann heldur, at fjarstýrdu smátyrlurnar geva kroppinum eina natúrliga eykalongd, sum eina eyka armur, sum røkkur hagar viðføddu armarnir ikki røkka. Eyguni røkka longur enn armarnir, og tað kennist honum sum ein lætti at skapa list, sum røkkur eins langt og eyguni og ikki er avmarkað av teimum í so stuttum limum, sum kroppurin annars er útgjørdur við. Langt er fráliðið síðani tøknin gjørdist partur av listini og mentist frá kinetiskari list, til ljóslist, lasaralist, holografiska list og frá videolist til interaktiva teldulist, og nú til smátyrlulist og tólmennislist. Og vit hava list, sum natúrliga arbeiðir saman við cyberestestikki, netverksgrundaðum intelligensi og virtual reality. Sostatt syndrast ímyndin av einari viðføddari andsøgn millum menniskja og maskinu, millum list og tøkni. Og enn einaferð vendir listin okkara veruleika­ mynd á høvdið. Viðurskiftini millum list og tøkni eru markleys, men tað er ikki bert innan tøknina, at listin kann skapa nýhugsan. Listin roynir seg á nógvum ymiskum økjum og møguleikarnir fyri menning eru endaleysir. So kundu vit sett okkum at bíða eftir, at politikararnir sóu møguleikarnar í listini, so tað bar til at gera pallar til nýggju listasløgini, men vit kunnu eisini bara gera tað sjálvi – skapa tað umhvørvið, sum krevst. Menningin hendir kortini ikki bara í mentaðu søvnunum og á mentarnarstovnunum, á blonku gólvunum millum hvítar veggir. Menningin skal eisini henda í undirgrundini, leys av fíggjarlógini og avmarkingunum, sum altíð eru knýttar at tí. Kanska kundu vit heldur enn – sum vit plaga – at knarra um politikararnar, hvør í sínum lag bjóða fram summarhús, bilhús, telur, vørubilar, suppugrønmeti og blaðsíður. Kanska hevði tað verið stuttligt – í felag – at gjørt hetta land til ein førandi pall til nýggj listasløg. ritstjóri Inger Smærup Sørensen Oddagrein Vei teirri tíð, ið hevur brúk fyri bókmentaligum idealistum Samrøða: E-bókin hóttir ikki bara pappírið Barnamentanarsíðan Listakviss Eg elski menniskju The Glasgow Miracle Evropeiskar ímyndir og sjálvsmynd okkara plakat eftir Una Árting Plakat: Stein Saks Pappír – Gips Video Papp Samrøða: ummæli: