týsdagur 14. oktober 2014síða 32

Mikudagur 15. oktober 2014 · Nr. 117 4 Sosialurin Føroysk framleiðsla Annika Kunoy Im Myndir: Álvur Haraldsen Bunlom Srishin, vanliga nevnd Kob, er leiðari í køkinum í Etika. Hon er ein av teimum sjey ar­beiðs­ fólkunum í køkinum í Etika. Øll sjey eru tey úr Tailandi. Kob hevur búð í Føroyum í 11 ár, og hevur drúgvar royndir innan matgerð. Áðrenn hon flutti til Føroya arbeiddi hon í matstovu sum gjørdi tailendskan og skandinaviskan mat. Í Tailandi er sushi ikki vanligur matur, so tá Kob fekk bjóðað starv sum leiðari í køkinum í Etika var hon spent uppá at byrja upp á okkurt nýtt. Tað var danskur kokkur, sum kom til Føroya at læra tailendsku Kob upp í, hvussu ein ger sushi. Athaya Yenjai, vanliga nevnd Pond hevði eisini royndir innan matstovuvinnuna, áðrenn hon kom til til Føroya at arbeiða í Etika fyri fýra árum síðani. Tá hon flutti til Føroya, bjóðaði Kob henni arbeiði í Etika. Pond dámar væl at arbeiða sam­ an við tailendskum starvsfeløgum, tí hetta ger samskifti nemmari, tá hon er til arbeiðis, sigur hon. Hon býr á Langasandi og sigur, at bygdar­ lívið har minnir um tailendsku ment­anina. Hon kennir tað sum tey eru ein tætt knýtt familja og koma hvørjum øðrum við. Størsta av­bjóðingin er tó føroyska málið, sum er torført at læra, heldur hon. Tær greiða báðar frá, at í matin­ um sum er framleiddur í Etika er føroyskur laksur, kalvi, toskur, jomfrúhummari og annað. Tarin, sum verður ballaður uttan um rísið, tá ein ger sushi, er tó ikki føroyskur, greiðir Kob frá. Tey gjørdu eina roynd at nýta føroyskan tara, men hon miseydnaðist. Sjálv heldur Kob at tað gongur væl at nýta før­ oyska vøru, og tað hevur verið væl móttikið av kundunum. Hóast tey sjey sum arbeiða í køkinum í Etika øll eru úr Tai­ landi er hetta er ikki partur av hugtakinum hjá Etika, sigur Kob. Hon sigur at tailendsk arbeiðsfólk eru gyrðin og ágrýtin til arbeiðis, og tí hevur hon sett tey sjey í starv. Hetta dámar henni væl, tí arbeiðsdagarnir eru ofta langir, og arbeitt verður ofta uttan fyri vanliga arbeiðstíð. Í køkinum hevur Kob úr at gera. Tær eyðkendu sushi­eskjurnar skulu vera klárar at koyra út kl 11, tá Etika letur upp, og øll arbeiðs­fólkini í køkinum skulu vera klár, um nógv verður at gera, sigur Kob til endans. Tað er ikki so langt síðani at japanska orðið "sushi" var at kalla ókent í føroyska málinum. Nú er mat­stovan Etika vorðin ein væl umtókt matstova í Havnini, sum eisini útvagar sushi til handlar og fyritøkur kring landið. Yvirskipaða hugtakið er tó føroysk vøra og framleiðsla Føroysk fram­leiðsla úr tailendskum hondum Pond ger matin kláran til dagin. Nógv sushi skal gerast, bæði til eskjurnar í húsinum, og at koyra út um landið