týsdagur 14. oktober 2014síða 34

Mikudagur 15. oktober 2014 · Nr. 117 6 Sosialurin Føroysk framleiðsla Vilmund Jacobsen Tað var í 62009, at Sjógæti við Norð­skála veruliga byrjaði sítt virk­semi í egnum hølum. Fyri 2009 var í eina tíð eitt samstarv við tá­ ver­andi norsku eigararnar av bygn­ ing­inum. Stjóri í Sjógæta er Hans Marius í Byrgi. Hann eigur virksemið saman við Jóhannusi M. Olsen, reiðara á Toftum, sum eisini eigur og rekur Café Cibo í Saltangará. Bara í Føroyum Hans Marius sigur, at tey fyrstu árini royndi Sjógæti seg eisini á útlendska marknaðinum og útflutti ymiskar fiskavørur. – Tað var stríggið at arbeiða á út­lendska marknaðinum, og tað er tungt at royna at vera stórur, tá tú ert lítil, sum hann tekur til. Hann sigur, at tey seinnu 2-3 árini hevur Sjógæti bara arbeitt á føroyska marknaðinum, og hetta hevur ført við sær, at rakstrar­úr­ slitið er vorðið munandi betri enn árini frammanundan, sum roynd­ ust minni væl. – Í fjør arbeiddu vit bara á før­ oyska heimamarknaðinum, og sama er í ár. Úrslitið er vent frá halli til avlop, og alt bendir á, at soleiðis verður eisini í ár. Hans Marius vísir á, at Sjógæti hevur hálvt fjórða fólk í starvi, og hetta er umleið tað, sum fyritøkan ber. Forstoktar fiskafrikadellur Sjógæti fæst við at kalla alt úr fiski og við fiski, men høvuðssøluvøran er fars og forstoktar frikadellur úr gulllaksafarsi. – Vit hava eisini gjørt knettir, men tað er meira frikadellur, sum leggja okkum eftir. Stjórin vísir á, at hvørja viku selur Sjógæti umleið 800 kilo av farsi og frikadellum, harav størri helmingurin er fars. – Tá farsið verður keypt í handl­ un­um, er tað klárt at klamsa saman og leggja á pannina. Farsið er eisini vælegnað til knettir, og tá ber til at krydda eitt sindur meira við pipari, salti og tálg. Hann sigur, at tað serliga eru handlarnir, sum Poul Michelsen, heilsøla, samstarvar við, sum Sjó­ gæti selur sínar vørur til, eitt nú FK-handlarnir, Bónus og Miklagarð í SMS. – Vit hava annars flest allar fiskavørur í okkara vøruútboði, eitt nú tosk, hýsu, reyðsprøku, skrubbu, lira og kalva. Árstíðin merkist Framleiðslan hjá Sjógæta er ymiskt - alt eftir, hvat tað er, sum við­ skiftafólk vilja hava, bæði sum fryst ella fekst, men nakrar framleiðslur eru alla tíðina. Hans Marius í Byrgi vísir á, at Sjógæti hevur nakrar fastar fram­ leiðslur hvørja viku, og harumframt koma so aðrar nisjuvørur, sum fyri­ tøkan eisini hevur, tá tað letur seg gera, eitt nú lippur og kjálkar. – Árstíðin hevur eisini sín týdn­ ing fyri, hvussu nógv einstøku framleiðslurnar ella fiskavørurnar fylla í virkseminum. Um summarið fer nógv til matstovur, og nú heystið er, og konfirmatiónir verða hildnar, eru tað vørur knýttar at hesum, sum telja nokso fitt. Sama er til høgtíðirnar. Café Cibo selur Síðan Jóhannus M. Olsen læt upp Café Cibo, hevur Sjógæti eisini havt nakrar snotuligar diskar inni á gólvinum í hølunum í Saltangará, og her fáast bæði frystar og feskar vørur til døgurðamat. – Her er opið hvønn dag, og fólk eru hjartaliga vælkomin inn á gólvið at keypa sær leskiligan døg­ urða­mat. Ymiskt er, hvat liggur í kølidiskunum, og her kunnu fólk eitt nú keypa sær fekst fars, toska­ flak, lippur og kjálkar, umframt at ymiskar fiskavørur liggja í frysti­ diskunum, sigur Hans Marius í Byrgi, stjóri í Sjógæta. Síðan Sjógæti við Norðskála burtur av legði seg eftir føroyska marknaðinum, er hallið vent til avlop. - Tað er tungt at royna at vera stórur, tá tú ert lítil, sigur stjórin, Hans Marius í Byrgi bara á før­oyska marknaðinum - Sjógæti fæst við at kalla alt úr fiski og við fiski, men høvuðssøluvøran er fars og forstoktar frikadellur úr gulllaksafarsi, sigur Hans Marius í Byrgi, stjóri í Sjógæta Í Café Cibo hevur Sjógæti snotuligar diskar við ymiskum fiskavørum, bæði feskum og frystum Gulllaksafarsið kann bæði brúkast til frikadellur og knettir Havtaskuflak er eisini við í konseptinum hjá Sjógæta