mánadagur 20. oktober 2014síða 23

23 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 20. oktober 2014 · Nr. 119 ítróttur Hilmar Jan Hansen Fyri fyrstu ferð nakrantíð hevur besta kvinnuliðið hjá Kyndli um vikuskiftið spælt europeiskar dystir. Og hóast tað ikki eydnaðist at koma víðari, eigur Kyndil stóra æru fyri avrikið, tí ímóti belgiska Femina Vise, sum kemur úr býnum Liège, eydnaðist at vinna annan dystin, so bara málmunurin bar gestirnar víðari til triðja umfar í EHF Cup-kappingini. Í fyrra dystinum var Kyndil væl við fyrsta korterið og gott og væl tað, men so yvirtók Femina Vise og endaði við at vinna 22-15. Í seinna dystinum var tað hinvegin belgiska liðið, ið hevði munin í fyrra hálvleiki, men eftir steðgin gjørdi Kyndil tað gott og vann dystin 21-20. – Tað var ordiliga gott, at vit vunnu seinna dystin, og eg veit ikki, um øll høvdu roknað við tí, sigur Kyndils- málverjin, Tomma Petersen, sum í fyrra dystinum var ein stór orsøk til, at tapið ikki bleiv størri. – Vit vóru mentalt ikki ordiliga klárar til fyrra dystin, men til seinna dystin var geisturin nógv betri, og tað var kanska munurin. Tað var ordiliga fantastiskt, at vit kláraðu at hála ein sigur í hús. Tekniskir feilir Serliga vóru tað teknisku feilirnir, ið kostaðu í dyst­ inum leygardagin, staðfesti annar av venjar­unum hjá Kyndli, Sophus Dal- Christiansen, eftir seinna dystin í gjár. – Vit hugdu at upptøkum av dystinum og komu skjótt til ta niðurstøðu, at vit gjørdu alt ov nógvar tekn­ isk­ar feilir. Teir vóru 30 í tali, og tað er alt ov nógv, tá tú hevur í huga, at tú vanliga fært umleið 30 álop í einum hálv­leiki, sigur hann. – Men tað fingu vit so broytt til seinna dystin, tá teknisku feilirnir vóru nógv færri og vit tí fingu fleiri málkjansir. Í mun til leygar­dagin, tá tær slerdu út við ørmunum, tá tær vóru komnar afturum, brettu kvinn­urnar hjá Kyndli upp um armar í dag og koyrdu á. Hann heldur, at belgiska liðið hevur sínar fyrimunir, sum eisini eru munurin á liðunum báðum, men at tað skuldi vísa seg, at uppgávan slett ikki var ómøgulig. – Spælararnir hjá teimum eru eitt sindur hægri í snitt og eitt sindur tyngri, men hetta var eitt lið, vit saktans kundu spæla upp ímóti. Vit eru væl nøgdir við avrikið hjá spælarunum, sum av­ gjørt eisini mennast av at spæla tveir dystir ímóti so góðari mótstøðu, sum hetta belgiska liðið er. Hetta gevur nógv At mótstøðan var góð, kundi eisini strikuspælarin hjá Kyndli, Bjarta Osberg Johansen, staðfesta eftir teir báðar dystirnar: – Hetta var eitt gott lið, tí tá ein kom inn fyri eina aðra, var hon akkurát líka góð sum tann, ið fór út. Tær vóru kvikar og orkaðu væl, so hetta blivu tveir góðir og harðir dystir við eini heilt aðrari ferð, enn vit eru vanar við, segði hon. – Men sjálvt um vit serliga í fyrra dystinum gjørdu eina rúgvu av tekniskum feilum, koyrdi verjan væl, tí at fáa 22 mál ímóti sær er ikki nógv, sjálvt um tað illa ber til at vinna við 30 tekniskum feilum. Tíbetur megnaðu vit so at vinna seinna dystin og vísa, at vit eisini hava dygdir. At fáa tveir altjóða dystir mitt í føroysku kappingini, krevur sítt av liðnum hjá Kyndli, men Bjarta Osberg Johansen heldur, at tað so sann­iliga eisini gevur nakað: – Hetta er gott fyri sjálvs­ álitið hjá okkum, tí umframt eitt sindur av royndum, fáa vit eisini trúgv upp á okkum sjálvar. Men hetta mugur vit endiliga ikki blanda við lands­kappingina, tí tað er altso hana, vit fyrst og fremst fokusera uppá. hilmarjan@sosialurin.fo Gamaní, eydnaðist ikki Kyndli at koma víðari í EHF Cup-kappingini, tí belgisku gestirnir vunnu fyrra dystin við sjey málum, men í seinna dystinum vunnu Kyndils-kvinnur og fingu víst, at tær megnaðu at reisa seg aftur Kyndil reisti seg aftur Myndir: Álvur Haraldsen hondbóltur Kyndil - Femina Vise 15-22 (8-13) Kyndil Anna Brimnes 6, Randi Wardum 4, Ásleyg Súnadóttir 2, Turið Arge Samuelsen 1, Bára Hansen 1, Anna Sofía Mohr 1 Femina Vise Kristien Leonaers 5, Fien Boons 4, Sara Marteleur 3, Monia Masrouki 3, Véra Mennicken 3, Annelies Penders 2, Sabrine Masrouki 1, Iris Peeters 1 Dómarar: Maria Bennani & Safia Bennani (Svøríki) EHF-eygleiðari: Jørn Møller Nielsen (Danmark) Femina Vise - Kyndil 20-21 (11-8) Femina Vise: Annelies Penders 5, Sara Marteleur 4, Judith Franssen 3, Maude Jolly 3, Kristien Leonaers 2, Fien Boons 1, Sabrine Masrouki 1, Iris Peeters 1 Kyndil Anna Brimnes 8, Bjarta Osberg Johansen 4, Turið Arge Samuelsen 3, Marianna G. Eystberg 2, Randi Wardum 2, Bára Hansen 1, Ásleyg Súnadóttir 1 Dómarar: Maria Bennani & Safia Bennani (Svøríki) EHF-eygleiðari: Jørn Møller Nielsen (Danmark) Femina Vise vann samanlagt 42-36 og fer víðari til triðja umfar í EHF Cup-kappingini »Vistu einki um Føroyar« – Vit vistu einki um før­ oyskan hondbólt, áðrenn vit komu higar, so tí vistu vit heldur ikki, hvat fyri mótstøða bíðaði okkum, ásannaði venjarin hjá Femina Vise, Olivier Leleux, tá seinni dysturin ímóti Kyndli var liðugur í gjár. Hann var nøgdur við tað, hansara spælarar høvdu avrikað samanlagt, tí tað endaði við 42-26 sigri, sæð yvir báðar dystir­nar. Men hann við­ gongur, at hann sjálvandi var nøgdari við fyrra dystin, ið belgiska liðið vann. – Har eydnaðist okkum at vinna so mikið nógv, at vit nú eru komin víðari, hóast vit taptu seinna dystin. Tað var málið hjá okkum, sigur Olivier Leleux, ið rósti Kyndli fyri ser­liga seinna dystin. – Ja, í dag var eingin ivi, at Kyndil var betri enn vit. Sjálvandi vildu vit helst vunnið báðar dystir­ nar, men eg eri nøgdur allíkavæl. Í triðja umfari í EHF Cup-kappingini skal Femina Vise spæla ímóti Muratpasa Belediye SK úr Turkalandi. hilmarjan@sosialurin.fo