mánadagur 20. oktober 2014síða 26

Mánadagur 20. oktober 2014 · Nr. 119 26 Sosialurin Hugskot og viðmerkingar – send sms til 225000 ítróttur fótbóltur HB liðformaðurin heldur, at hann og liðfelagarnir kunnu takka sær sjálvum fyri, at tað ikki eydnaðíst at endurvinna FM heitið, hóast úrtøkan er størri í ár, enn hon var tað í fjør Jóannes Hansen Tað var so skjótt, at tað í Gunda­dali í gjár varð stað­ fest, at HB fór at tryggja sær trý stig og harvið eisini, at avgerðin, um tað verður NSÍ ella avbjóðararnir í EB/ Streymi og KÍ, sum fara at vinna kappingina um fjórða plássið, varð útsett. Nú verður tað ikki fyrr enn leygar­dagin, at greiða fæst á, hvør skal umboða Føroyar í europeisku kappingunum á sumri 2015 saman við meistarunum í B36, steypa­ vinnar­unum í Víkingi og silvur­vinnarunum í HB. NSÍ og EB/Streymur hava 37 stig, og KÍ hevur 36 stig. NSÍ hevur bestu kortini á hondini, tí málmunurin hjá NSÍ er +9, og hjá EB/ Streymi er hann +6. NSÍ fær leygardagin vitjan av ÍF, og EB/Streymur fær vitjan av KÍ. Um NSÍ ikki vinnur fulla úrtøku ímóti ÍF, so er møguleiki bæði hjá EB/ Streymi og KÍ at taka fjórða pláss­ið. Umframt europeisku atgongumerkini stendur eisini fimta plássið upp á spæl. Tað ber við sær rættin til ein eyka heimadyst. Fróði hevði ikki roknað við B68 HB liðformaðurin Fróði Benjaminsen var miðverji ímóti NSÍ. Fyrra partin av 1. hálv­leiki skoraði Jóan Sìmun Edmunsson tvey mál eftir innlegg, og inn ímillum skor­ aði Pál Mohr Joensen, sum hesaferð var millum teir fyrstu ellivu. NSÍ var rent heilt um koll. Trygvi Mortensen skifti út, tá ið ein hálvur tími var farin, men tað eydnaðist ongan­tíð at venda gongdini. Í HB skýlinum vóru tey upp­ tikin av, hvussu tað gekk á Svangaskarði, og í vestara skýlinum vóru NSÍ við­ halds­fólkini upptikin av, hvussu tað gekk í Fuglafirði og Klaksvík. Tað var næstan ov gott at vera satt, tá ið tað frættist, at B68 í fyrsta minutti hevði skorað ímóti B36, men so broyttist hetta, og gongdin á Toftum og trygga HB leiðslan bar við sær, at tað ikki var nakar spenningur í Gundadali: – Eg haldi ikki, at vit roknaðu við, at B68 fór at megna at gera nakað við B36, og tað vísti seg at vera so. Vit høvdu roknað við, at NSÍ fór at stríðast fyri at tryggja sær europeiska plássið longu í dag, men soleiðis vísti tað seg ikki at vera, so okkara uppgáva varð lættari, enn vit høvdu ímyndað okk­um framman­ undan, var viðmerkingin hjá HB liðformanninum. Hvat sigur tú um kapp­ ingarárið? – At vit ikki eru nøgdir við tvey silvurpláss. Stigatalvan sigur, at vit undan síðsta um­fari hava vunnið trý stig fleiri enn í fjør, tá ið vit vóru meistarar. Avrikið hjá okkum hevur verið gott, men tað hevur verið uppaftur betri hjá B36. Vit hava runnið aftan á mest sum alla tíðina, og vit hava vónað, at tað fór at kiksa hjá B36. Tá ið tað so endaliga gekk soleiðis, so kiksaðu vit uppaftur meiri, so vit kunnu ikki takka øðrum enn okkum sjálvum, at tað nú er greitt, at vit ikki verða meistarar. Sigursrómur á Svangaskarði Meðan teir í HB eftir triva­ liga sigurin á NSÍ stað­festu, at tað ikki verður meiri enn silvur í ár, so var fýrverk og FM rómur á Svanga­skarði, har nógv hundrað B36 við­ haldsfólk vóru eygna­vitni, tá ið teirra lið tryggjaði sær tíggjunda FM heitið. Tá ið fýrverkið í góð­veðr­ inum gelti yvir Svangaskarð, ásannaði sera fegni B36 venjarin, Sámal Erik Hentze, at hetta var strævnari, enn hann hevði vónað, at tað fór at verða: – Vit vóru alt ov spentir, og tað darvaði spælið. Tað var mótbrekka, tá ið B68 legði seg framum beinan­ vegin. Men vit vístu, hvør dugur er í okkum. Okkara arbeiddu væl og nógv, men spælið kundi verið betri. Fram ímóti endanum vóru røsku toftamenninir púra útlúgvaðir, men kortini dugdu vit ikki í dag at samanspæla soleiðis, sum vit fyrr í ár so ofta hava víst, at vit megna, staðfesti Sámal Erik Hentze. B36 formaðurin Heiðrikur Christiansen, sum stútt og støðugt alt árið hevur verið um liðið,  var ovurfegin. Hann helt tað var gott, at B68 skoraði beinanvegin: – Eg var ikki komin á vøllin, tá ið okkara lógu undir. Men vit høvdu stundir at venda gongdini, og tað eydn­aðist. Hetta er úrslit av dyggum arbeiði av framúr venjara, góðum spælarum, og øllum teimum sum hava hjálpt til og øllum teimum mongu viðhaldsfólkunum, sigur fegni B36 formaðurin. – Einki er liðugt fyrr enn alt er liðugt, og eg tók ikki hendurnar úr lummanum og fegnaðist fyrr enn dóm­ ar­in hevði bríkslað fyri síðstu ferð. Onnur hava fyri­reikað nógv, um tað skuldi hent, at vit vunnu FM í dag, og tí verður tað opið hús í Gundadali í kvøld, har øll eru væl komin, var við­merkingin hjá Heiðriki Christiansen eftir síðsta bríksl á Svangaskarði í gjár. Liðformaðurin og hjálpar­ venjarin Jákup á Borg noydd­ist longu í 1. hálvleiki skadd­ur av vøllinum. Hann var við, tá ið B36 í 1997 vann FM fyri fyrstu ferð í 35 ár. Hann hevur vunnið FM fimm ferðir áður, men í gjár var hann ikki í iva: – Felagið hevur í dag vunnið tíggjunda FM heitið, og tað er tað størsta, sum eg havi verið við.   Hóast B68 skor­aði beinanvegin, so var eg ongantíð bangin fyri, at tað ikki skuldi eydnast at vinna og harvið at tryggja okk­um FM heitið. Tað hevur eydnast í Runavík og í Fugla­ firði, og tað eydnaðist í dag. Vit spældu við høvdinum undir arminum í 1. hálvleiki, men kortini vóru vit á odda. Hóast tað ikki gekk, sum vit høvdu ætlað og vón­að, so hava vit ongantíð verið róligari, enn vit vóru í steðg­ inum, tá ið vit gjørdu av at venda aftur til grundina, var við­merkingin hjá sera fegna Jákupi á Borg. Víkingur koblaði úr Fyrr í summar varð roknað við, at tað fór at koma aftur um brekku hjá Víkingi, at liðíð legði so nógv fyri í europeisku kappingini. Tað varð spátt, at aldudalurin fór at síggjast eftir steypa­ final­una. Soleiðis var tað ikki, men fram ímóti kapp­ ingarenda, tá ið tað var avgjørt, at Víkingur end­aði á bronsuplássi í lands­kapp­ ingini, hevur tað verið eitt sindur upp og niður. Eftir tap ímóti HB og 5-0 heimasigur ímóti ÍF var úrslitið á Skála 3-3. Skála var frammanundan flutt niður, men Skála legði seg ikki niður á heimavølli. Tá ið stórt korter var farið, var støðan 3-0 til heima­ liðið, og so var tað øgilig mót­brekka hjá Víkingi, sum hevði Elias Rasmussen mill­ um stólparnar, men annars spældi við sama liðnum, ið hevur staðið seg so væl. Tað eydnaðist tíggju min­ uttir undan leikloki at røkka javnleiki, men tað eydnaðist ikki hjá Víkingi at skjóta fleiri mál. Hjá Paula Poulsen og hansara monnum á Skála er tað kærkomið at hava enn ein javnleik ímóti Víkingi í viðførinum niður í 1. deild. EB/Streymur gjørdi sítt Fuglfirðingar megnaðu ikki á heimavølli at gera nakað við EB/Streym, sum við 2-0 sigri framvegis er við í kappingini um pláss í Europa. ÍF hevur møguleika at rætta teimum í Sundalagnum hjálpandi hond leygardagin, tá ið ÍF rundar kappingarárið av í Runavík Eftir innlegg frá Niels Paula Danielsen, sum man hava verið ein av mest støð­ ugu EB/Streyma monn­ unum í ár, setti Hans Pauli Samuelsen hol á. Í 2. hálvleiki varð Bartal Eliassen fluttur fram í ÍF álopið í roynd at fáa meiri tyngd í framrættaða partin, men tað eydnaðist ongan­tíð ÍF at fáa bóltin inn um René Tórgarð. Í staðin Allan Enghamar HB-fjeppari Klassamunur. HB sat á dystinum og vóru klassar betri. Tillukku við FM2014 B36. fjeppara sms Steingrím Jacobsen Skála-fjeppari Hóast Skála var á odda 3-0 í hálvleikinum, so er tað nokk góðtikið at fáa javnleik ímóti Víkingi. Annars vil eg ynskja B36 til lukku við meistaraheitinum! fjeppara sms Rúni Klein Joensen Víkinga-fjeppari Onki sigandi dystur og av tí orsøk sá eg ikki dystin á Skála. Men sum skilst var talan um aftur í dag um ein dyst sum vit áttu lættliga at vunni, men Skála skoraðu 3 mál,men tíverri hava teir ikki kent sína vitjunartíð og fara niður í 1 deild. Vónandi koma Skála uppaftur í 2016. Vit Koyra á ímóti B68 og sleppa síðani okkara menn í feriu eftir eitt fantastisk ár. WLYV fjeppara sms John Andersen NSÍ-fjeppari Ajaaa, hetta var ein avgreiðsluspurningur hjá HB. Leikandi lætt!! Spell at HB koyrdi venjaran í fjør, annars høvdu teir verið føroyameistarar í ár.. Hjartaliga til lukku við FM heitinum B36 fjeppara sms út í Europa Stórt stríð um at sleppa