týsdagur 18. november 2014síða 10

Mikudagur 19. november 2014 · Nr. 132 10 Sosialurin Hugskot og viðmerkingar – send sms til 225000 Ein sterk privat útvarpsstøð Áki Bertholdsen Útvarpsrásirnar Rás2, Vox­ Pop og KissFM hava gjørt av at leggja saman. Tað merkir, at sama felag framyvir fer at reka tær tríggjar út­varps­ rásirnar, Rás2, VoxPop og KissFM. Tað eru dóttir­fe­ lagið hjá Sosialinum, Sp/F Miðlavarpið og Vox Enter­ tain­ment, sum nú hvør eiga 50 prosent í nýggja felag­ num. Ætlanin við saman­legg­ ingini er at gera øðrvísi og betri útvarp á øllum trimum útvarpsflatunum. – Endamálið er greitt – at gera útvarp til lurtararnar og útvarp til tíðina, sum vit eru í nú. Við trimum útvarpsrásum kemur nýggja felagið at hava enn størri møguleika at raka teir ymiskum málbólkarnar í samfelagnum til gagns fyri bæði lurtarar og lýsarar. Hetta letur eisini upp fyri, at tað í størri mun verður lurtarin, sum sleppur gera av, hvat hann vil hoyra. Tað sigur Jonhard Hamm­ er, stjóri á Rás2. Hóast nýggja felagið ikki formelt er skipað við leiðslu enn, so er nýggja felagið longu farið til verka. – Tað er júst við enda­ málinum at arbeiða saman, at hendan ætlan er vorðin veruleiki. Saman standa vit nógv sterkari í kappingini á lýsingarmarkanðinum, sigur Petur Slyne, sum er ein av monnum aftan fyri Sp/F Vox Entertainment, sum nú eigur helvtina í nýggja felagnum. Nýggju samstarvs­fe­lag­ arnir dylja heldur ikki, at tað hevur birt undir áhug­an at leggja støðirnar sam­an, at løgtingið hevur í um­búna at broyta lógina um kringvarp soleiðis, at almenna Kring­ varpið ikki verður so aktivt á lýs­ingar­markn­aðinum, sum tað hevur verið. Eis­ini hevur landsstýrið í fíggjar­lógar­ uppskotinum fyri næsta ár skotið upp at veita ein fjøl­ miðlastuðul, og á hesa konto eru settar tvær milliónir krón­ur. Hetta eru tiltøk, sum fær útvarpsfólkini á privata fjøl­miðlamarknaðinum at gera enn meira til tess at fáa tað at bera til við eini muna­ dyggari privatari útvarps­ støð. Sum er hoyrist Rás2 kring so at siga alt landið og á netinum, meðan VoxPop og KissFM hoyrist í Tórshavn, á Skálafjørðinum og á netinum. Fyrsta stóra betringin verður, at VoxPop og KissFM innan fáar dagar eisini verður at hoyra í Klakvsík. – Vit skulu vera mótvekt til alemnna Kringvarpið. Vit eru eisini ein partur av tí, sum vit populert kalla tað fjórða statsvaldið. Vit skulu gera radio til allar før­ oyingar, bæði heima og á arbeiðsplássum. Vit skulu gera tað stuttligari at búgva í Føroyum, siga teir báðir, Pet­ ur Slyne og Jonhard Hamm­ er. Við tað meina teir, at nýggja felagið skal gera út­ varp við fólksligum inni­ haldi. Ein fyrimunur við trim­um rásum er eisini, at til ber at røkka fleiri málbólkar samstundis. Við at leggja saman lurtaratølini hjá øllum rásunum, so verður nýggja útvarpsstøðin uttan iva støð­ in við flestu lurtarum. Fyri lýsarar hevur tað eisini tann fyrimun, at lýsarar kunnu lýsa við somu lýsing á fleiri fleiri rásum samstundis – og harvið eisini røkka fleiri málbólkum í senn. – Við samanleggingini fáa vit eisini gagnnýtt vitan hvør hjá øðrum og soleiðis brúkt styrkir hvør hjá øðrum. Tað snýr seg bæði um sølu, um framleiðslu, um tónleik, um mentan, um politikk og so framvegis, sigur Petur Slyne. – Vit fara at fokusera nógv upp á tíðindi, upp á ítrótt og upp á politikk, og vit fara at nýta styrkina hjá báðum feløgunum hvør sær og gera eitt heilt nýtt konsept til allar rásirnar, sigur Petur Slyne. – Saman kunnu vit lyfta mát­an, vit gera útvarp upp­á, upp á eitt hægri stig. Sum partur av einum størri miðlasamtaki, sum Miðla­ hús­inum, so fáa vit gagnnýtt allar miðlapallarnar enn bet­ ur, sigur hann. – Og vit eru sum nevnt ein privat fyritøka. Her er ikki so høgt frá høvur til tá, og tí er tað lættari at fáa nakað at henda og fáa gjørt tær broytingar, sum eru neyðugar, sigur Petur Slyne. Jonhard Hammer sigur, at farið verður til verka alt fyri eitt. – Vit gera nakrar til­lag­ ingar nú beinanvegin, hóast tær stóru broytingarnar ikki verða at síggja fyrr enn næsta ár. Vit gera eina jóla­ skrá nú, og so nýta vit tíðina til jóla at leggja til rættis, hvussu rásirnar verða skip­ aðar eftir nýggjár, sigur Jon­ hard Hammer. – Vit ivast ikki í, at vit sam­an kunnu fáa ein sterkan miðil, sum kann gera betri tilfar, enn tað, sum vit hava kunna framleitt hvør sær, sigur Jonhard Hammer, stjóri á Rás2. aki@sosialurin.fo tíðindi – Saman standa vit nógv sterkari. Vit røkka fleiri málbólkum og vit verða útvarpsstøðin við flestu lurtarunum, siga eigararnir av Rás2, VoxPop og KissFM, sum nú eru í sama felag FAKTA Sp/F Vox Entertainment og Sp/F Miðlavarpið eiga hvør sína helvt at nýggja rakstarfelagnum hjá øllum trimum rásunum. Eigarar í Sp/F Vox Entertainment eru Petur Slyne, Rúni M. Djurhuus og Hálvdan Haldansen við feløgum sínum. Sp/F Miðlavarpið (Rás2) er dóttirfelag hjá Sosialinum og partur av Miðlahúsinum í Vágsbotni. Petur Slyne, Jonhard Hammer, Rúni M. Djurhuus og Eirikur Vilmundsen