týsdagur 25. november 2014síða 6

Mikudagur 26. november 2014 · Nr. 135 6 Sosialurin Hugskot og viðmerkingar – send sms til 225000 FRAMGONGD Skatturin í Vági lækkar næsta ár Fyri fyrstu ferð í eini 25 ár, fer skattaprosentið í Vági nú niður um 23 prosent Áki Bertholdsen Næsta ár lækkar kommunu­ skatturin í Vági. Tað samtykti Vágs Býráð einmælt í gjárkvøldið. Kommuskatturin er 23,15 prosent í ár, men næsta ár lækkar hann niður í 22,95 pro­sent. Vágs Býráð hevur sam­ tykt fíggjarætlanina fyri næsta ár og tað er í hesum sam­bandi, at tað er samtykt at lækka skattin. Hetta er fyrstu ferð í eini 25 ár, at skattaprosentið í Vági fer niður um 23 pro­ sent og hetta er annað árið á rað, skattaprosentið í Vági lækk­ar, tí í 2013 var skatta­ pro­sentið í Vági 3,25 prosent. Tað var í djúpu kreppuni fyrst í nítiárunum, at skatta­ prosentið í Vági reyk upp um 23 prosent og tað hevur ongantíð eydnast at fáa tað niður um aftur. Partvís hevur Vágs Komm­una havt stóra skuld at dragast við, men komm­ unan hevur eisini bygt nógv út, bæði vatnveiting, barna­ garð, sambýli, ellis- og røktar­ heim, eina stóra djúphavn og annað. Samstundis verður barna­ frádrátturin verandi 4.000 krónur fyri hvørt barnið, men barnaansingin er ein tann bíligasta í landinum. Í sambandi við fíggjar­ ætlanina, hevur Vágs Býráð samtykt at taka av einum til­boði frá Suðuroyar Spari­ kassa um at umfíggja skuld hjá býráðnum. Umfíggingin merkir, at kommunan skal rinda mun­andi minni í rentum og avdráttum. Stór sparing Í sambandi við fíggjar­ætlan­ ina hevur Vágs Býráð bjóðað fíggingina hjá kommununi út og tað útboðið vann Suður­oyar Sparikassi. Tað merkir eina munandi sparing hjá kommununi. Í ár rindar Vágs komm­ una einar 4,9 milliónir í av­ dráttum og 1,5 millión í rent­ um, men næstu árini verða avdráttirnir 2,3 milliónir krónur um árið og renturnar 600.000 krónur. Saman við fíggjarætlanini annars, gevur tað Vágs kommunu eitt rásarrúm upp á 4,6 til íløgur næsta ár og tær verða brúktar til nógv ymisk endamál, eitt nú vatnveiting, vegagerð, samstundis sum arbeiðið at fríðka um í mið­ býnum heldur fram, har nýtt býartorg skal gerast. Annars skulu ábøtur ger­ast á skúlan, har eisini nýtt spælipláss skal gerast, eins og ábøtur skulu gerast á bátahylin á Oyrunum og sjøtul verður settur á at gera kirkju­garðin størri. Næsta ár verða eisini nýggju tilboðunum um rørslu og ítrótt í dag­stovn­ inum Eiki­lund og í Vágs Skúla, ment enn meiri og í næst­um letur eisini ung­ dóms­hús í Vági og har­um­ framt verða ymisk tilboð til eldri eisini sett í verk. Hóast skattaprosentið lækk­ar, vera inntøkurnar hjá Vágs Kommunu næsta ár mettar at verða áleið tað sama sum í ár, ella 37,7 milliónir krónur Raksturin av Vágs kommunu verður í 2015 mettur at verða smáar 26,0 milliónir og tað eru góðar tvær milliónir krónur minni enn hann varð mettur at verða í fíggjar­ ætlanini í ár. aki@sosialurin.fo Taka óvanlig stig fyri at fáa inntøkur Áki Bertholdsen Vágs Kommuna hevur gjørt stórar íløgur í nýggja havn, men tað er Tórshavnar Kommuna sum fær allar inn­tøkurnar. Fyri nøkrum árum síðani gjørdi Vágs Kommuna stór­ ar íløgur í eina djúp­havn í Vági. Tað varð gjørt við tí fyri eyga at skapa virksemi í býnum og endamálið var eisini, at djúphavnin skuldi geva Vágs Kommuna inn­ tøkur frá vøru- og havnar­ gjaldi av tí, sum verður loss­að og lastað umvegis havn­ina. Men tað er ikki hent, tí at kalla allur farmur verður uppskipaður og avskipaður í Havnini. – Sostatt skal øll fiska­ fram­leiðsla, og onnur fram­ leiðsla, sum verður út­flutt úr Vági, fyrst førast til Havnar við Smyrli og hað­ ani verður hon so flutt av land­inum. Sama støða ger seg galdandi næstan allastaðni í Føroyum, tí næstan allur farmaflutningur til og úr Føroyum verður mið­savn­ aður í Havnini. Tað merkir, at tað er Tórshavnar Havn, sum fær næstan inntøkurnar av vøru­gjaldi og havnargjaldi av øllum útflutningi úr Føroy­um, sama hvar vøran er fram­leidd. Samstundis fær Tórshavnar Havn at kalla allar inntøkurnar av øll­um innflutningi til Føroyar, sama hvagar í land­ inum hann skal. Ongar inntøkur Støðan er tann, at flutnings­ feløgini eru givin at koma kring landið eftir vøru og við vøru, tí nú skal alt mið­ savnast í Havn og sostatt missa havnirnar kring landið stórar inntøkur í vøru­gjaldi o.s.fr. – Hetta hevur havt stóra ávirkan á inntøkurnar hjá havnunum kring landið, eisini hjá Vágs Havn, segði Dennis Holm, borgarstjóri á býráðsfundi í gjárkvøldið. Spurningurin er so, hvussu vit kunnu tryggja Vágs Havn fáa nakrar inn­ tøkur, hóast út- og inn­flutn­ ingur ikki fer um bryggju­ kantin her. Dennis Holm sigur, at hendan spurningin hava tey viðgjørt í eina tíð, eisini saman við serkønum. Tí samtykti Býráðið í gjár­kvøldið, at Vágs Havn skal leggja eitt avgjald upp á 10,75 krónur á hvørt tons av vøru, sum verður framleitt í Vági og sum verður flutt aðra­staðir. – Tað merkir, at seta flutn­ings­feløg bingjur á Vágs Havn at fylla vørur í, skulu tey rinda 10,75 krónur í av­gjaldi fyri hvørt tons, sum fer í bingjurnar, sigur Dennis Holm. Hann sigur, at hetta er ikki galdandi, tá ið skip og bátar koma til Vágs at av­reiða fisk, sum síðani verður fluttur aðrastaðir, tí tað er ein skipan, sum hevur verið galdandi leingi. Borgarstjórin sigur, at hann hevur tosað við vinnu­virki og tey siga, at tey skilja væl støðuna. – Sum støðan er nú, fær skattgjaldarin í Vági ongar inntøkur burtur úr øllum teimum íløgunum, hann hevur gjørt í havnarlagið, tí tað er Tórshavnar Komm­ una, sum fer við øllum inn­tøk­unum, legði Dánjal Bjark­hamar, býráðslimur afturat. Tað er framleiðsla, sum er skapt kring landið, sum fíggjar tað stóru havnar­ út­byggingina, Tórshavnar Býráð nú ætlar sær undir, siga býráðslimir í Vági. Vágs Býráð var ikki full­ samt um hetta, tí teir báðir býráðslimirnir á lista A, Heri Hjelm og Olgar Morten­sen, sum hevði sæti í býráð­ num fyri Conrad Gaard Joensen, hildu, at hetta var steinur oman á byrðu hjá vinnulívinum. aki@sosialurin.fo 4,6 milliónir Næsta ár verða íløgur gjørdar fyri 4,6 milliónir krónur og ein stórur partur av tí fer til trivnaðin hjá vágbingum