mánadagur 27. oktober 2014síða 34

2 nr. 8 I 27. oktober 2014 Vinnublaðið hjá Miðlahúsinum Serblað frá Sosialinum Ábyrgd: Eirikur Lindenskov Myndir: Álvur Haraldsen snið og umbróting: Pætur Eyðunsson Jensen, sosialurin Hesaferð spyrja vit útflutningsvinnuna, um tørvur er á slíkari verkætlan, sum einum altjóða flogvølli á Flesjunum fyri 5,5 milliardir krónur. Vit kanna útbúgvingarstøðið hjá okkara fólkavaldu og meta saman við fólkið í Føroyum – og við útbúgvingarstøði hjá starvsfeløgum teirra í øðrum londum. Vinnu­ profilurin hesaferð er virkisráðgevin, Símun Hammer. Vinna hesuferð... tað hendir... Vænta trolfisk sum vikan gongur Eitt partrolarapar landar í dag, og nøkur landa seinni í vikuni. Fiskiskapurin er smáligur. - Fleiri pør liggja við bryggju, men helst fer onkur út aftur í næstum.  Fríggjadagin vóru fimm djúpvatnstrolarar til fiskiskap. Tveir fiska svartkalva, annar frystur, meðan hin er á ísfiskaveiðu og landar helst síðst í vikuni. - Flestu djúpvatnstrolarar eru í løtuni á grynri vatni og fiska mest upsa og nakað av toski og øðrum. Teir koma inn at landa, sum vikan gongur.  Fríggjadagin lógu allir teir smáu trolbátarnir við bryggju. Borgara- fundur í Havn Í sambandi við at Tórshavnar kommuna hevur gjørt eina komm­ unu­ætlan, sum stingur út í kortið, hvussu kommunan er sær út um 15 ár, verður borgarafundur hildin í skúlanum við Løgmannabreyt 5. nov­ember 2014 kl.19.00. Á fundinum fara kommunustjórin, trivn­aðarstjórin, tekniski stjórin og borgarstjórin at greiða frá komm­unuætlanini. Borgarin fær samstundis høvi at siga sína hugs­an um Tórshavnar kommunu í fram­ tíðini. Komm­unuætlanin er politiska skjal­ ið hjá kommununi um menningina fram ímóti 2030. Í ritinum eru tank­ar­nir hjá býráðnum um yvir­ skip­að­ar visjónir og stevnumið fyri Tórs­havnar kommunu. Áður hevur verið boðað frá, at fund­ur­in verður 29. oktober. Men tað verður hann ikki. Fundurin er flutt­ur til 5. november 2014 kl.19.00. Øll eru vælkomin. Annars er kommunuætlanin vorðin al­menn. Talan er um 120 síður í trim­um frágreiðingum. Hon kann tak­ast niður á heimasíðuni hjá Tórs­havnar kommunu, torshavn.fo. Eis­ini ber til at lesa hana ymisk støð í kommununi. Eitt eintak liggur eitt nú á Bókasavninum í Kollafirði og eitt eintak er til taks í Snarskivuni. Opið hús í nýggjum húsum Talan er um stór og snotulig hús, sum eru bygd til endamálið. Seinastu árini hevur Vinnuhúsið hildið til í einum stórum sethúsum í Smærugøtu í Havn. Hóast stór hús, so ser talan um sethús, sum ikki eru bygd til skrivstovuendamál. Men tað eru nýggju húsini. Móttøkan verður fríggjadagin 7. november klokkan 15. Á skránni verður gott føroyskt ábit og føroyskur tónleikur og onkrar stuttar røðu, siga tey í Vinnuhúsinum sum heilsa, at limir og samstarvsfelagar eru hjartaliga vælkomin! T Fríggjadagin í næstu viku, 7. november, bjóða Føroya Arbeiðsgevarafelag og Havnar Handverksmeistarafelag limum og samstarvsfeløgum annars at síggja nýggja Vinnuhúsið, sum er bygt á Óðinshædd 7 í Havn. Eirikur Lindenskov