týsdagur 28. oktober 2014síða 38

Mikudagur 29. oktober 2014 · Nr. 123 38 Sosialurin Hugskot og viðmerkingar – send sms til 225000 ítróttur fótbóltur »Hetta hava verið nøkur góð ár« Hilmar Jan Hansen Tá dysturin við Margáir leyg­ ar­dagin millum EB/Streym og KÍ var bríkslaður av, endaði samstundis eitt hálvt­ tíggjunda ára langt tíðar­ skeið hjá René Tórgarð sum málverja hjá EB/Streymi. Til­samans hevur hann spælt 285 dystir fyri unga felagið í Norðstreymoy, og hevur hann verið partur av tí nógva, tey í EB/Streymi hava upp­livað hesi árini. – Eg havi upplivað eitt sindur av hvørjum hesi árini, har vit fyrst høvdu heima­ vøll á Eiði og síðani í Streym­ nesi. Sum hjá teimum flestu hevur tað sjálvandi eisini hjá okkum verið eitt sindur upp og niður, men vit hava verið við í nógvum finalum og stór­um dystum, og vit hava vunnið eisini nógv, sigur René, nú hann lítur aftur á árini við EB/Streymi. – Samanumtikið hava vit kapp­ast í toppinum av før­ oysk­um fótbólti mestsum alla tíðina, og tí hevur tað sjálv­andi verið tað stuttligari eis­ini. Og so hevur tað eisini gjørt upplivilsið uppaftur størri, at eg saman við hinum á lið­num havi verið við til at vunn­ið øll hesi heitini fyri fyrstu ferð, tí felagið einki hevði vunnið áðrenn. Nøgdur við tíðina Nøgdsemi er eisini eyðsæð, nú vit tosa við René um hesi næstan tíggju árini í Sunda­ lagnum og har norðuri í Eystur­oynni, og hóast hann hevur verið við til at vunnið tvey føroyameistaraheiti og fýra ferðir hevur verið steypa­vinnari, umframt at hava spælt europeiskan fót­ bólt í átta ár upp í slag, kundi hann upp á ein máta havt hugsað sær at fingið enn meira burturúr. – Eg kann ikki siga nakað annað, enn at eg havi verið nøgd­ur við tíðina í EB/ Streymi, men skal tað vera nakað at viðmerkja, so má tað vera, at eg sjálvandi kundi hugsað mær at vunnið eitt føroya­meistaraheiti aftrat. Men tað bleiv tað so ikki til, sigur 35 ára gamli mál­verjin. At tey somuleiðis hava ver­ið glað fyri René Tórgarð, vístu heimaáskoðararnir og fjepp­ararnir hjá EB/Streymi eis­ini, tí undan dystinum leygar­dagin varð hann fagnaður og fekk eina stóra tøkk fyri tíðina, nú hann so hevur valt at gevast. – Tað er ikki, tí eg fari til nakað annað felag, at eg havi valt at gevast í EB/Streymi, men tí eg havi ikki stundir at gera so nógv við fótbóltin. Eg ætli mær at konsentrera meg um skúlagongdina, nú eg hava eitt ár eftir, til eg fái maskinmeistaraprógv. Tað krevur meira og meira tíð, so eg mátti velja okkurt frá, tí annars bleiv tað ov nógv, sigur hann. – Eg skal ikki siga, at tað kanska verður eitt sindur av hugnafótbólti onkunstaðni, men tað verður so í øllum før­um ikki á hægsta stigi, at eg fari at spæla fótbólt. Snoddað til landsliðið Síni fyrstu ár sum fótbólts­ spælari hevði René Tórgarð í B36, og umframt eitt hálvt ár á Argjum, hevur hann ann­ars bara verið við EB/ Streymi. Har hevur hann eis­ini vart málið trúliga alla tíðina, burtursæð frá ein­um parti av 2009, tá hann var hevði ein skaða at stríð­ast við. Hagtølini hjá FaroeSoccer vísa, at hesi árini hevur René spælt 247 dystir í Effo­deildini, 47 steypa­dystir, fimm stór­ steypa­dystir, 15 europeiskar dystir og tríggjar landsdystir. Umframt at hava spælt við ungdómslandsliðum seinnu hálvu av 90-unum, hev­ur hann tríggjar ferðir vart málið á A-landsliðnum. Fyrstu ferð var í einum venj­ingar­dysti í 2008 ímóti Portugal, og so var hann í EM-undan­kappingini tvær ferðir mál­maður í 2011 – á heima­vølli ímóti Italia og á úti­vølli ímóti Serbia. – Eg hevði ikki sagt nei takk, um eg kundi sloppið at spælt nakrar landsdystir aftrat, men har var altso ein ann­ar góður málverji framman­undan, Jákup Mikkelsen, sum var ringur at taka. Men eg fekk snoddað til tað og eri fegin um tað, sigur René Tórgarð. Enn havnarmaður Nú hann hevur sagt farvæl og skal hugsa meira um skúlan enn bóltin, er tað við nøgd­semi og takksemi, at hann takkar fyri seg. Men bygda­maður er hann tó ikki blivin eftir hesi árini í EB/ Streymi. – Hóast tað kanska var eitt sindur øðrvísi enn tað, eg var vanur við, tá eg kom úr Havn og norður til Eiðis, so hevur tað verið ótrúliga gott. Eg havi bara alt gott at bera spælarunum og øllum fólk­ inum rundan um felagið, tí hetta hava verið nøkur sera góð ár, sigur René, ið sjálvur hevur røtur í økinum hjá EB/ Streymi, tí hann hevur ein abba av Eiði og eina ommu frá Gjógv. – Men eg eri bæði føddur og uppvaksin í Havn, so fyri tað um eg havi spælt øll hesi árini við EB/Streymi, føli eg meg framvegis sum ein stór­ an havnarmann. Tað fer so ongan veg. hilmarjan@sosialurin.fo Eftir smá tíggju ár sum málverji hjá EB/Streymi, hevur René Tórgarð nú takkað fyri seg. – Eg havi alt gott at bera spælarunum og øllum fólkinum rundan um felagið, sigur René, ið sjálvur hevur røtur í økinum hjá EB/Streymi, tí hann hevur ein abba av Eiði og eina ommu frá Gjógv – Eg havi ikki stundir at gera so nógv við fótbóltin, tí skúlagongdin krevur meira og meira tíð. Eg mátti velja okkurt frá, tí annars bleiv tað ov nógv, sigur René Tórgarð, sum nú gevst í EB/Streymi Mynd: Álvur Haraldsen