týsdagur 2. desember 2014síða 12

Mikudagur 3. desember 2014 · Nr. 138 12 Sosialurin Hugskot og viðmerkingar – send sms til 225000 tíðindi Vilmund Jacobsen KJ Hydraulik er nú av álvara farið út um landoddarnar við sínum aliringum, og sátt­ máli er eisini gjørdur við het­lendingar um ein alibát av teimum størstu. – Tað nýggjasta er, sigur Jóannes Mørkøre, søluleiðari, at KJ nú hevur fingið sátt­ mála um 14 aliringar til ali­ fyritøkuna Grieg Seafood Shetland í Hetlandi. Hetta er eitt felag, sum norðmenn eiga, og Grieg-samtakið hevur eisini aling í Orknoyggjunum og Kanada. – Alt søluarbeiði tekur tíð, og tað eru nøkur ár síðan, at partarnir fyrstu ferð tosaðu saman. Fyrr í heyst vóru eg og stjórin í KJ, Ólavur A. Olsen, í Hetlandi, og síðan hava stjóri og alileiðari í Grieg Seafood Shetland verið í Føroyum. Væl móttiknir í Føroyum Jóannes Mørkøre sigur, at meðan stjóri og alileiðari í Grieg Seafood Shetland vitj­ aðu í Føroyum, fingu teir eisini høvi at vitja føroyskar alarar, og eitt nú vitjaðu teir Bakkafrost. – Eg haldi, at tað hevði sín stóra týdning fyri avtaluna, vit fingu við alifelagið, at stjórin og alileiðarin hjá Grieg vórðu so væl móttiknir og at teir, sum standa aftanfyri Bakkafrost-samtakið, vóru so vinarligir og opnir um viður­skifti kring felagið og aliútbúnaðin hjá felagnum. Hann vísir á, at á ferðini í Føroyum fingu umboðini fyri Grieg Seafood Shetland kunning um føroysku ali­ vinnuna, eins og teir deildu út av teirra vitan um sítt ali­ virksemi. – Orsøkin til, at teir vilja keypa 14 aliringar frá KJ er, at teimum dámar styrkina í okkara ringum og mátan, teir eru gjørdir uppá. Jóannes Mørkøre vísir á, at teir 14 ringarnir, sum sáttmáli nú er gjørdur um, eru 100 metrar í ummál, og tað gevur eitt tvørmát á 31,8 metrar. – Hetta eru ikki stórir aliringar í okkara verð, men Grieg Seafood Shetland velur hesar ringar, tí tað er ikki so djúpt, har alingin hjá teimum fer fram, og við smærri ring­ um stingur nótin heldur ikki so djúpt sum í teimum stóru ringunum. Søluleiðarin vísir á, at teir størstu ringarnir, sum KJ framleiðir, eru 160 metrar í ummál. – Í ár hava vit framleitt 32 aliringar tilsamans, flestu ávikavist 128 og 160 metrar í ummál. Jóannes Mørkøre heldur tað ikki vera óhugsandi, at KJ fer at fáa fyrispurningar um fleiri ringar til Grieg- samtakið. – Gongst, sum vit rokna við, koma vit at framleiða í minsta lagi líka nógvar aliringar í 2015, sum vit hava framleitt í ár, tí longu nú eru fleiri ringar umbidnir til føroyskar alarar við levering í 2015, leggur hann aftrat. Alibátur til Cook Salmon Sum vit áður hava nevnt, hevur KJ Hydraulik eisini fingið sáttmála um ein stór­ an alibát til felagið Cook Salmon í Hetlandi. Báturin, sum verður 14 metrar langur og sjey metrar breiður, skal leverast í apríl 2015. – Cook Salmon er eitt kanadiskt felag, sum hevur aling í Hetlandi, og tað er ikki óhugsandi, at talan kann gerast um fleiri enn henda eina alibátin. Jóannes Mørkøre sigur, at alibáturin, sum felagið fer at byggja til Cook Salmon, er av sama slagi sum teir bátar, ið felagið áður hevur bygt til føroysku alararnar - og í ár eru hesir ikki færri enn seks í tali, harav hin seinasti í røðini verður leveraður fyrst í komandi ári. – Alibáturin, sum fer til Hetlands, verður útgjørdur og innrættaður júst sum teir bátar, ið vit annars byggja til føroysku alivinnuna. Í Cook Salmon eru teir hugtiknir av dygdini í hesum bátum, sum hava eitt dekspláss á heilar 80 fermetrar, eins og báturin er útgjørdur við góðum motori og stórum krana og koppum, sigur søluleiðarin hjá KJ Hydraulik, Jóannes Mørkøre, sum væntar, at alibáturin til Cook Salmon ikki verður hin einasti, sum KJ fer at byggja til útlandið. KJ Hydraulik gjørt sáttmála um 14 aliringar til Hetlands - Í ár hava vit framleitt 32 aliringar tilsamans, og tað er ikki óhugsandi, at KJ fer at fáa fyrispurningar um fleiri ringar til Hetlands. Gongst, sum vit rokna við, koma vit at framleiða í minsta lagi líka nógvar aliringar í 2015, sum vit hava framleitt í ár, sigur søluleiðarin hjá KJ, Jóannes Mørkøre Tveir fegnir KJ-menn, Jóannes Mørkøre, søluleiðari, og Ólavur A. Olsen, stjóri í KJ, sum fyrr í heyst vitjaðu í Hetlandi Jóannes Mørkøre, søluleiðari hjá KJ, væntar, at hesir 14 aliringarnir, sum felagið nú hevur gjørt sáttmála um, bara eru byrjanin