hósdagur 11. desember 2014síða 26

Mentanarblaðið hjá Miðlahúsinum 8 • 12. desember 2014 Forsíðumynd: Norska listamannin Lars Kjemphol vitjar í Føroyum i vetur, og heitir á allar føroyingar at taka lut í sínum listaverki. Mynd Lars Kjemphol. Útgevari: Sosialurin Ritstjóri: Inger Smærup Sørensen Grafiskt snið: Pætur Eyðunsson Jensen Seinastu tíðini hava vit havt nógvar stórar listarligar upplivingar. Stórar upplivingar, sum spreiða gleði, stóran íblástur og stóra meining, men ofta stórar upplivingar, sum í fyrstu atløgu tykjast evarska lítlar. Sum løtumyndin, tá ljósið var tendrað á ljósframsýningini í Norðurlandahúsinum, ein stemningur undir framførsluni av Stovugentunum í Kommandørhúsinum, ein setningur sagdur á Bókadøgunum, ein óvæntaður steðgur í tónleikinum. Tað er so einfalt og sjávsagt, men kanska er kortini vert at minna seg á: at tað, sum hevur stóran týdning er ikki altíð stórt. Tað eru heldur ikki altíð, at politikarar, sum teinkja stórt, fáa størstu ávirkanin og størsta týdningin. Í roynd og veru – haldi eg – at okkum tørvar politikarar, sum duga at teinkja smátt. At gera okkurt týðandi fyri mentan og list, sum ikki nýtist at kosta milliónir av krónum og tekur hundrað ár at fyrireika. Í kommununi, har eg búgvi – Tórshavnar Kommunu – standa fleiri tóm hús. Stundum hoyri eg, at kommunan ætlar at umbyggja onkur hús til mentanarhús, stór og flott, men sjáldan hoyri eg nakran tosa um okkurt smátt og einfalt. Til dømis eitt stað, har listafólk kunnu hittast tvørtur um listamørk. Eitt rúm, har ikki nógv annað enn kaffi er á kannuni, ein prentari, eitt ljósborð ella eitthvørt, sum er snilt hjá listafólki at læna. Eitt stað, har høvi er at hitta nýggj fólk, práta saman, fáa íblástur og kanska kveikja samarbeiði tvørtur um listamørk. Eitt stað, sum er favnandi heldur enn útihýsandi, eitt stað, har latið verður upp millum menniskju, og garðar millum listagreinar verða niðurlagaðir. List er samskifti, er sambond, er tankar, sum stinga seg upp í samrøðum, er óformliga løtan, tá tú møtir tí fremmanda. List er alla tíðina at víðka sjónarringin, sleppa vanahugsan og hyggja við nýggjum eygum. Kanska kundi onkur, sum dugur at hugsa smátt, funnið eitt stað, har list tvørtur um listamørk kundi trivist. Eg haldi, at tað hevði gjørt mun. ritstjóri Inger Smærup Sørensen Oddagrein Regin Dahl – tónaskald í útlegd Barnamentanarsíðan Listakviss Kirkjulist – at mála tað, ið hjartað sær Lat tínar egnu lutir umskapast til list NÆRRI MÍN GUD TIL TÍN stuttsøga eftir Hanus Kamban ummæli: Menning heldur enn stagnatión samrøða: Plakat eftir Oddfríður Marni Rasmussen YYrkingina á talvuni hevur Steinbjørn B. Jacobsen skrivað plakat: Á bókasavinum Søgur fram úr myrkri