mánadagur 15. desember 2014síða 38

22 nr. 10 I 15. desember 2014 Vinnublaðið hjá Miðlahúsinum iskamarknaður Føroya hevur stívliga 21 ár á baki, og hesi árini er nógv hent innan føroyska fiski­ skipa­vinnu og sølu av fiski. Í dag hevur marknaðurin fýra heildagsstørv, og stjóri er toftamaðurin, Høgni Hansen. Høgni er gamal í garði á marknað­ inum, og tá stjórin seinastu árini, Jens Christian Olsen, gavst í starv­ inum fyri einum ári síðan, varð Høgni fyrst settur sum fyribilsstjóri. Í summar varð hann so settur stjóri á Fiskamarknaði Føroya. Eins og ráfiskatilgongdin er minkað seinnu árini, serliga við minkandi nøgdum av toski og hýsu, er talið av starvsfólkum á marknað­ inum eisini minkað. Tað var tann tíð, tá talið av heildags­ størvum á Fiskamarknaði Føroya táttaði í tað tví­falda av talinum, sum eru í dag. Hampiligt ár Árið í fjør royndist vánaligt hjá Fiskamarknaði Føroya - sæð á tann hátt, at nøgdirnar, sum seldar vórðu um marknaðin, vóru smáar. Í ár hevur gingið betri, og tað var serliga várið, sum royndist hampiliga gott. Upsaskipini eru flestu knýtt at fiska­ virkjum kring landið og virkini, sum eiga skipini ella hava eitt neyvt tilknýti til tey, keypa gjarna allan upsan sjálvi til virkingar. Tað, sum er høvuðsgrundarlagið undir Fiskamarknaði Føroya, er húkaflotin og ser­liga línu-og útróðrarflotin. Teir smáu trol­bátarnir og garnaskipini selja eisini meginpartin av tí, tey veiða, um søluna hjá marknað­inum. Vanliga verður fiskurin, sum er á marknað­ inum hvønn dagin sær, seldur klokkan 10 um morgnarnar, men liggur okkurt eftir, sum ikki varð selt um morgunin, verður av og á skipað fyri einari nýggjari sølu aftur seinnapartin, klokkan 13 ella 13.30. Nú veðrið seinastu tíðina hevur verið so ólagaligt, er eisini lítil fiskur komin upp á land. Flestu skip liggja, men onkur roynir at brúka tær løtur, ið eru. Í morgun vórðu nøgdirnar hjá onkrum útróðrarbátum seldar á marknaðinum, og haraftrat var toskur, longa og onnur hjáveiða hjá ísfiskatrolaranum Vesturtúgvu eisini seld. Tað hevði styrkt um marknaðin og hevði skapt meira virksemi rundan um søluliðið um ísfiska­trolararnir, sum veiða upsa, í størri mun seldu fiskin um Fiskamarknaðin Føroya. At hesi skip ikki brúka »mekanismuna«, sum marknaðurin hevur við sær, er ikki nýtt, tí soleiðis hevur tað verið í fleiri ár. Hinvegin mugu fiskimenn, sum sigla við hesum skipum, rokna við, at prísurin, sum fæst fyri upsan á tilknýttu fiskavirkjunum, svarar á leið til marknaðarprísin. Góðir fiskaprísir Um heystarnar eru fiskaprísirnir vanliga góðir, og soleiðis er eisini í ár. Á Fiskamarknaði Føroya lata tey í løtuni væl at prísunum á flestu fiskasløgum. Tó eru onkur fiskasløg, eitt nú kongafiskur, sum eru skiftandi í dygd – alt eftir, hvar tey eru veidd – sum kanska ikki fáa optimalan prís alla tíðina. Í aðrar mátar eru fiskaprísirnir góðir og ikki minst prísurin á toski og øðrum dýrari fiska­sløgum. lyft undir fiskaprísir í meira enn 21 ár F Fiskamarknaður Føroya hevur nú stívliga 21 ár á baki. Í dag eru fýra heildagsstørv á marknaðinum, men í sínari tíð, tá mest var at gera, vóru størvini út við tvífalt so mong. Myndir: Vilmund Jacobsen Á Fiskamarknaði Føroya lata tey í løtuni væl at prísunum á flestu fiska­sløgum, nú vit nærkast jólum. – Um heystarnar eru fiskaprísirnir vanliga góðir, siga tey á marknaðinum Vilmund Jacobsen Tað er serliga húkaflotin, smáu trol­bátarnir og garnaskipini, sum selja sína veiði um uppboðssøluna hjá Fiska­marknaði Føroya. Toftamaðurin Høgni Hansen, er stjóri á Fiskamarknaði Føroya