mánadagur 22. desember 2014síða 24

Mánadagur 22. desember 2014 · Nr. 146 24 Sosialurin Hugskot og viðmerkingar – send sms til 225000 ítróttur menn hondbóltur Enn sum áður hevur VÍF beina kós móti FM-finaluni. Kyndil og H71 kappast um seinna plássið H71 skapar spenningin Jákup Mørk Tað er sagt fyrr, og tað tolir helst eina endurtøku:0 VÍF verður uttan iva annað av lið­unum í FM-finaluni. Vestmenningar hava í allan vetur verið í einum flokki fyri seg, men tá teir fyri stuttum taptu tvær ferð­ir upp í slag, fóru summi kanska at ivast í, um teir gulu høvdu mist stevið. Svarið góvu spælararnir sjálvir, tá teir vendu skútuni við sigri á Team Klaksvík, og sunnudagin fekk StÍF somu viðferð. Hesa ferð var talan um sannførandi sigur, sum varð grundlagdur longu fyrstu min­uttirnar av dystinum. Tá leyp VÍF avstað, og tað eydn­ aðist ongan tíð gestunum at skapa tað minsta vetið av spenn­ingi í dystinum. Kyndil er í løtuni liðið, sum liggur best fyri at fylgja vestmenningum í finaluna, og teir greiddu sína skyldu, tá Team Klaksvík var á vitjan. Klaksvíkingar hava verið botnlið alt árið, og uttan Dusko Petrovic, sum ikki longur er partur av hópinum, tykist liðið ikki at hava heilt tað sama bitið, sum onkra tíð hevur argað ovaru liðini. Tað vísti seg eisini, at Kyndil ikki hevði stórvegis trupul­leikar av gestunum, sum vórðu sendir til Klaks­ víkar við greiðum tapi. Spenningur í hálvan tíma Hoyvíkingar eru teir, sum kunnu hótta Kyndil. Tá teir fóru á vøllin sunnukvøldið, vistu teir av, at Kyndil hevði vunnið greiðan sigur, og tí var treytaleyst krav um tvey stig, tá dysturin hjá H71 móti Neistanum varð blástur ígongd. Tað eydnaðist eisini hoy­ víkingunum at vinna, men tað var ikki uttan bit og slit. Fyrsta hálva tíman var millum lítil og eingin munur á liðunum, men í seinna hálv­ leiki skrædnaði full­komu­ liga. Millum lítið og einki bar til hjá Neistanum fyrstu drúgvu løtuna av seinna hálv­leiki, og tað gaggnýttu vertir­nir til fulnar. Tað ber við sær, at mun­ urin frá H71 upp til Kyndil framvegis bara er tvey stig. Hoyvíkingarnir hava eis­ ini spælt ein dyst færri enn Kyndil, og verður tann dyst­ urin vunnin, stendur altso púrasta á jøvnum. Nú verður drúgvur steðg­ ur í mans­hond­bóltinum, tí U21-landsliðið skal royna seg í altjóða avbjóðingum. Men tá farið verður ígongd aftur, verður talan um sanna próvtøku hjá H71 og finalu­ dreyminum hjá teimum. 1. februar spæla teir á útivølli móti VÍF, og tvær vikur seinni kemur Kyndil á vitjan í Hoy­víkarhøllini í einum dysti, sum longu nú tykist verða eitt satt brak. jakup@sosialurin.fo Atlantic Airways-deildin d v - j - t + mál -mál málmunur stig 1 VÍF 14 11 - 0 - 3 396 335 61 22 2 Kyndil 14 9 - 1 - 4 322 284 38 19 3 H71 13 8 - 1 - 4 332 285 47 17 4 KÍF 13 6 - 1 - 6 347 347 0 13 5 Neistin 14 5 - 2 - 7 340 369 -29 12 6 StÍF 14 3 - 1 - 10 341 379 -38 7 7 Team Klaks 13 3 - 0 - 10 309 388 -79 6 Kyndil - Team Klaksvík 36-20 (19-11) 10 min: 8-4 20 min: 14-5 40 min: 24-13 50 min: 31-16 Kyndil: David Edvardsen 6, Hjalti Bachmann 5, Birgir Poulsen 4, Frank B. Askildsen 4, Julian Johansen 3(1), Høgni Klein Olsen 3, Bartal Klein Olsen 3(1), Rógvi Dal-Christiansen 3, Ludvík Súnason 2, Rúni Olsen 2, Andrias B. Sólsker 1 Team Klaksvík: Sámal á Tjaldrafløtti 6, Jens Pauli Mohr 5(1), Beinir Johannesen 3, Andrias Ellingsgaard 3, Leivur Petersen 1, Vilhelm Vilhelmsen 1 Brotskøst: Kyndil 3/3, Team Klaksvík 3/1 Útvísingar: Kyndil 2, Team Klaksvík 4 Dómarar: Eyðun Samuelsen & Thomas Juul Thomsen VÍF - StÍF 30-22 (18-11) 10 min: 7-5 20 min: 12-7 40 min: 21-17 50 min: 26-20 VÍF: Filip Jojic 12(4), Julian Olsen 3, Andrias Eriksen 3, Hanus Christophersen 3, Sjúrður Olsen 2, Teis H. Rasmussen 2, Sjúrður Nielsen 2, Áki Egilsnes 1, Heini Hanusarson 1, Mads Eriksen 1 StÍF: Eyðbjørn Eriksen 5, Kjartan Johansen 4(3), Sveinur Justinussen 3, Marius Joensen 2, Pætur Johansen 2, Jógvan G. Joensen 2, Steinar A. Prestá 2, Jón Rasmussen 1, Jákup Johansen 1 Brotskøst: VÍF 5/4, StÍF 3/3 Útvísingar: VÍF 4, StÍF 5 Dómarar: Heri Petersen & Kári Hansen H71 - Neistin 33-26 (13-12) 10 min: 2-3 20 min: 6-7 40 min: 22-16 50 min: 27-23 H71: Hallur Biskopstø 8(2), Mark Lauser Marcher 8, Rúni V. Højgaard 5, Sigmundur Nolsø 3, Djóni V. Højgaard 2, Hans Kári Hansen 2, Jesper Pedersen 2, Pætur Thomsen 1, Oddur Bech 1, Tróndur Arge 1 Neistin: Aleks Buha 8(4), John í Innistovu 4, Tommy Fletcher 4, Rói Berg Hansen 4(1), Sjúrður Thomassen 2, Jugoslav Djumic 2, Andras Joensen 1, Herbjørn Lava 1 Brotskøst: H71 3/3, Neistin 6/5 Útvísingar: H71 5, Neistin 3 Dómarar: Gert Hansen & Arnar Dam Myndir: Sigmar Mørkøre