týsdagur 20. januar 2015síða 62

vika 4 l 19. januar 2015 30 Heilsa vikutema Mong eru tey, sum gerast troytt av brillum og linsum og leingjast eftir aftur at hava fullkomna sjón. Og nú er tað gjørligt hjá teimum flestu. Fleiri og fleiri føroyingar hava seinastu árini ferðast uttanlands fyri at fáa eygnaviðgerð og nú bjóða føroysku ferðaskrivstovurnar eisini túrar til viðgerðarstovur í Íslandi. Vanliga fer ein av landinum mánadag, og fer beinleiðis til kanningar. Týsdagin er sjálv viðgerðin, mikudag ein eftir­ kanning og so heim til Føroya, við nýggjari sjón, fríggjadag. – Tað er ein javnur streymur av fólki, ið fer til Íslands at taka hesa viðgerðina, sigur Sakaris Fredriksen, sølu- og marknaðarleiðari á Fonn Flog, ið er ein av ferðaskrivstovunum, ið bjóðar slíkar túrar. Sakaris Fredriksen sigur, at tað góða við einum slíkum túri til Íslands er, at ein hevur góðar møguleikar at njóta Ísland eisini. – Kanningarnar eru ikki so drúgvar og sjálv skurðviðgerðin tekur einans nakrar minuttir. Tað gongur ein góð­ ur tími, frá at viðgerðin byrjar, til tú verður útskrivaður aftur. So kann ein fara og njóta Reykjavík restina av degnum. Og hósdagin er einki á skrá, so tá hevur ein frælsi at fara onkran dagstúr eisini, sigur Sakaris Fredriksen. – Fyri teirra, sum ikki kunnu verða burtur frá arbeiði í eina viku, bjóða vit eisini vikuskiftistúrar, við fráferð fríggjadag, viðgerð leygardag og heim­komu mánadag, sigur hann. Áhugin fyri slíkum viðgerðum er stórur. Herfyri skipaði Fonn Flog fyri fyrilestrum í Havn og í Klaksvík, við vitjan av fólki frá viðgerðarstovuni í Íslandi. Yvir hundrað fólk møttu til hvønn av fyrilestrunum og tað var eyðsæð, at áhugin fyri slíkum við­gerð­ um var stórur. Tann vanligasta skurðviðgerðin fyri sjónveik er geislaviðgerð. Fram­ ferðarhátturin er tann, at fyrst verður eygað doyvt við eygnadropum. Eygað verður hildið opið av tólum, soleiðis at tær ikki er gjørligt at blunka undir viðgerðini. Síðani taka teldustýrdu geislarnir yvir. Geislarnir broyta bugin á horn­ hinnu eygans við at guva burtur horn­ hinnuvevnað. Hvør einstakur sjúklingur fær eina viðgerð lagað eftir sínum tørvi. Og nakrar minuttir seinni er viðgerðin liðug. Umleið hálvan annan tíma eftir, er viðgerðin liðug. Eyguni eru eitt sindur eym, men einki forðar tær at fara ein spákitúr ella at shoppa í Reykjavík. Á Sjónlag, sum er íslendska við­ gerðarstovan, sum Fonn Flog sam­ starvar við, bjóða tey eisini aðrar eygna­viðgerðir. Her ber til at fáa við­ gerð fyri eygnastar og eisini at skifta linsuna. Hetta seinasta kann vera ein betri loysn enn geislaviðgerð hjá teimum, sum eru langsýnd og hjá eldri fólki. Men hvat um undankanningin á viðgerðarstovuni vísir, at ein ikki er egnaður til slíka viðgerð? – Tað er sjálvandi ein vandi fyri tí. Hóast ein kann fáa slíkar undan­ kanningar í Føroyum, so er tað tann, sum verður gjørd í Íslandi, sum er avgerandi. Vísir hon, at tú ikki ert egn­ aður til slíka viðgerð, ella at tú skalt koma aftur seinni, so verður kostn­að­ urin av sjálvari skurðviðgerðini sjálv­ andi endurgoldin. So veður tað sum ein vanligur vikutúrur í Íslandi, sigur Sakaris Fredriksen. Tey gerast alsamt fleiri, ið halda at venjing er um at gerast ov torgreidd. Alskyns aðrir hentleikar eru farnir at stjala fokus frá sjálvari venjingini. Tey eru tí farin at gera alt meiri einfalt aftur. Í nýggja venjingardeplinum Tvør­megi eru tí eingir flatskermar, tól, spegl ella tráðleyst internet – bara venj­ing. Har verður farið burtur frá tøknini og aftur til upprunan. – Her skulu vit venja og einki annað fjas, sigur Heini Hátún, ein av stig­takarunum handan Tvørmegi. Í Tvørmegi íðka tey vitjandi tað, sum kallast CrossFit. CrossFit byggir á nátúrligu rørslurnar – at standa, sita, kasta, toga, lyfta, skumpa, klintra, renna og leypa. Allar rørslurnar gag­ nnýta fleiri kroppsliðir og vøddar. Funktionellar rørslur stimbra kroppin sjótari og meira heildarliga enn venjing av einstøkum vøddum. Tvørmegi er ein føroyskan av orðinum CrossFit. Í Tvørmegi siga tey, at øll kunnu vera við uttan myn til aldur, kyn ella venjingarstøði. Venjingin byggir á nátúrligar rørslur. – Kroppurin er í sær sjálvum eitt sera gott venjingartól, sigur Heini Hátún. Tí verður dentur lagdur á nátúr­ligar rørslur, tó verða nógv ymisk amboð nýtt, ið eru serliga hóskandi til funktionella venjing, so sum vekt­ stengur, fimleikaringar, bóltar og hoppi­bond. Tvørmegi byrjaði í apríl 2013 og hevur sostatt skjótt tvey ár á baki. Venjingin í Tvørmegi fer fram í bólkum, tó stuðla venjararnir altíð tí einstaka. – Vit venja saman og venjingin verður alla tíðina tillagað í mun til stigið, tann einstaki er á. Talan er um eina búningartilgongd bæði í mun til før­leikar at fremja CrossFit fyri fullum út­blástri og í mun til hugburð um at venja saman, sigur Heini Hátún. Hann sigur, at tey, ið venja í Tvør­ megi eru sera ymisk og hava ymiska ítróttarbakgrund. – Tað eru fólk við ymsum førleikum og royndum, sum hittast, kvinnur og menn, yngri og eldri, úr ymsum sam­ felagsløgum. Her er ein opin tilgongd, har fólk læra saman. Tvørmegi leggur dent á dygga og stutta venjing. Dygg venjing gevur betri úrslit og tí eru rørslurnar í CrossFit sera krevjandi og sum við all­ari venjing er týdningarmikið, at rørsl­urnar verða gjørdar rætt. – Góðska, rættar og tryggar rørslur er aðalmálið. Vit merkja stór framstig í støðinum hjá limum og byrjanin av eini jaligari ringrás merkist. Ikki minst so síggja vit fleiri og fleiri dømi um fólk, ið fáa ein heilsubetri dagligdag. At gerast sterkari, fimari og at fáa størri orku er beinleiðis útrykk fyri eina betri heilsustøðu, sigur Heini Hátún. Heini Hátún greiðir frá, at framtíðin hjá Tvørmegi særbjørt út. Talan er um at skipa fyri regluligum kappingum og í juli skipaði Tvørmegi fyri fyrstu crossfitkappingini í Føroyum. Eisini er talan um at stovna nýggjar ítrótt­ ar­greinar, so sum olympiska vekt­ lyfting. – Orkan, intensiteturin og jaliga ring­rásin, sum stendst av at fleiri ger­ast betri og kasta sítt íkast inn í heildina merkist væl nú, sigur Heini Hátún. Hann greiðir frá, at Tvør­megi venur sínar egnu venjarar, men at slík menning tekur tíð og krevur ein miðvísan innsats, bæði av starvs­ fólkum og av limum í Tvørmegi, sigur Heini Hátún at enda. Bara venjing Við Fonn Flog til Íslands at gera eyguni