mánadagur 9. februar 2015síða 50

vika 7 l 9. februar 2015 Ókeypis lýsingarblað 18 Positiv fólk gera meg í góðum lag Lýs teg sjálvan við trimum orðum?          Virkin, rólig og b-menniskja, tó ikki um morgunin. Hvat merki er bilur tín? Toyota Auris.    Hvat merki er telefon tín? Sony. Hvør er tín besta summarfrítíðaruppliving?   Bulgaria við familjuni. Hvat orð ella hvønn setning nýtir tú oftast? »Hvar er taskan?«, »...fartelefonin?«, »...mappan?« Hvørjum hyggur tú at hjá hinum kyninum?    Haldi faktiskt, at útsjóndin hevur rættiliga lítið at siga.  So, tá ið tað bráðvakra er farið, lurti eg meira enn eg hyggi. Hvat ger teg í góðum lag?   Positiv fólk. Hvat stressar teg?   Teldutrupulleikar. Hvør er tín yndisrættur? Ræst kjøt og epli og røtur. Hvat gleðir teg?    Náttúran og ikki at gloyma humo­ ristiskt og positiv fólk . Hvat var seinasta ynskið, sum tú fekst uppfylt?   Tá ið eg fekk at vita, at eg var blivin frísk! Hvar arbeiðir tú? Fyri kunningartænastuna  Halló Norðurlond, sum heldur til hjá NORA. Hví valdi tú at arbeiða innan júst hesa vinnu ella øki?   Arbeiði mítt er at kunna um, hvussu tað føroyska samfelagið virkar. Tá ið mær dámar væl at samskifta við fólk og eg haldi meg kenna væl tað føroyska samfelagið, so fekk eg við starvinum tvær flugur í einum. Hvør er stuttligasta uppliving tín í starvinum?   Í millum alt álvarsemi er látur ofta at hoyra á NORA. Men talan er um so internar orsøkir, at eg velji onki at siga.    Hvørjum tónleiki lurtar tú eftir?    Um tey, sum spæla og  syngja, duga væl at spæla og syngja, so lurti eg.  Dugi tó ikki at taka nakað slag fram um eitt annað. Hvat er besta upp­ finningin og hví?   Tað eru alt ov fáar standmyndir reistar av teimum, sum funnu uppá hvítvør­ urnar.  Men hvør av hesum er hin besta uppfinningin, veit eg ikki. Hvat er besta íløgan, tú hevur gjørt?   Heimið, útbúgvingin og ferðir innan- og uttanlands. Hvat er títt besta heimaráð?   Hjúkla um smálutirnar! Men hang teg ikki í smátingini! Hevur tú nakað húsdjór?   Nei, ikki nú. Hvat hevði tú gjørt, um tú vanst eina millión? Fari at ferðast við familjuni.        Hvat hevði tú gjørt, um tú vanst tíggju milliónir? Rinda skuldina, fari at ferðast og annars stuðlað tí virksemi, sum er mær nær. Hvat er best við Føroyum og hví?   Tryggleikin hjá børnunum, sosialu familju- og vinarbondini, stuttu avstandirnir og stuttu køirnar og so ikki at gloyma veðurlagið. Vit sleppa so snikkaleys í mun til onnur lond, tá ið hugsað verður um hitabylgir, kulda, ødnir, turk, vatnmangul, og hvat veit eg. Jú, listin er langur! Men samanumtikið haldi eg, at tað besta við at búgva í Føroyum, er, at tað er so deiliga praktiskt!     Hvar ert tú um 10 ár?   Málið er at fáa flest føroyingar at draga somu línu við rætta miðið.  At lata skipið liggja við kai gevur ikki nógv! Navn: Annita á Fríðriksmørk Seinasta ynskið, eg fekk uppfylt, var, tá eg fekk at vita, at eg var blivin frísk