týsdagur 10. februar 2015síða 10

Mikudagur 11. februar 2015 · Nr. 17 10 Sosialurin Hugskot og viðmerkingar – send sms til 225000 Eyðun Klakstein Samtakið Christian í Grót­inum hevur keypt góðskingar­virki í Týsklandi, sum skal gera tað møguligt hjá sam­takinum at víðari­ virka eitt nú makrel til ES markn­aðin uttan toll­áset­ ingar. Fyritøkan Larsen Seafood hevur seinnu árini havt hall á rakstrinum, og fyri jól fór felagið í gjaldssteðg. Arbeitt var við at bjarga felagnum, men samstundis lógu aðrar fyri­tøkur fram við at keypa Larsen Seafood. Tað gjørdist Christian í Grótinum, sum keypti Larsen Seafood, og sam­bært heimasíðuni Undercurrentnews.com var tað í kapping við eitt felag úr Lettlandi. Larsen Seafood hevur tvær framleiðslueindir í Týsk­landi. Virkið í Flensburg fram­leiðir serliga makrel í dósum, og har arbeiða umleið 160 fólk. Virkið í Bremen­haven virkar eitt nú alaska pollock og upsa, og har arbeiða 50 fólk. Vørur til ES marknaðin Reiðaríið Christian í Grót­ inum varð stovnað í 1972, og síðani 1992 hava Kristian Martin Ramussen, sum var ein av stovnarunum, og syn­ ir­nir Jón, Eyðun og Bogi átt og rikið felagið. Samtakið hevur skipini Christian í Grótinum, sum varð bygdur í 1998, og Norð­ borg, sum kom til landið í 2009 og var dýrasta fiskiskip í flotanum. Christian í Grótinum hevur í eina tíð arbeitt við hug­skotinum um at víðari­ virka fiskin hjá báðum skip­ unum, og ætlanin hevur verið at gera eitt góðskingar­ virki í Klaksvík. Trupulleikin við tí er, at verða vørurnar virk­aðar í Føroym, verður toll­ur lagdur á vørurnar, skulu tær á ES marknaðin. Tí hevur samtakið keypt virkið í Týsklandi. Verður før­oyski fiskurin víðar­virk­ aður har, kann hann sleppa á ES marknaðin uttan toll­ áset­ingar. Ætlanin er framvegis at gera eitt virki í Klaksvík, og við íløguni í týsku virk­ini roknar Christian í Grót­inum við at fáa vitan og royndir, sum skulu verða grundar­ lagið undir einum virki í Føroyum. Lønsemi Bogi Rasmussen er settur sum stjóri fyri virkseminum í Týsklandi, og Jan Petersen verður fíggjarleiðari. Claus Christensen, sum seinastu átta árini hevur starvast sum framleiðsluleiðari hjá Larsen Seafood, verður eisini partur av nýggju leiðsluni. Fyrsta uppgávan hjá teim­um verður at venda gongd­ini hjá felagnum og gera felagið lønsamt. Hetta skal gerast við at trimma fel­ ag­ið fíggjarliga og eisini at bøta um framleiðslu og sølu. Høvuðsframleiðslan verð­ ur framhaldandi makrelur í dós, og skipini í samtakinum hjá Christian í Grótinum kunnu lata rávøru til virkini. Larsen Seafood hevur virkað umleið 4000 tons av makreli, men ætlanin er at vaksa hesa virking upp í 8000 tons í 2016, veit Undercurrentnews at siga. Fram­leiðslu­kapasi­teturin á verk­smiðjuni í Flensburg er umleið 80 milliónir dósir um árið, og ætlan er at økja fram­ leiðsl­una upp á hetta støði næstu árini. – Hóast fyritøkan hevur givið undirskot seinastu tvey árini, so trúgva vit upp á, at hetta kann broytast, sigur sam­takið Christian í Grót­ inum í einari fráboðan. eydun@sosialurin.fo Samtakið Christian í Grótinum hevur keypt virki í Týsklandi, sum skal góðska eitt nú makrel til sølu á ES marknaðinum Føroyskur makrelur í dós í Týsklandi makrelur Fiskur hjá Christian í Grótinum og Norðborg skal frameftir víðarivirkast á virkjum í Týskandi, sum samtakið hevur keypt