mánadagur 16. mars 2015síða 56

vika 12 • 16. mars 2015 16 Ókeypis lýsingarblað TEMA Runavík Forvitnislig veitslu­- stova á Glyvrum Café Cibo og Storm Boutique undir somu lon Café Cibo í Saltangará hevur fingið kokk. Maðurin er Kristian Eli Holmsund. Kokkurin ger ymiskar spennandi og forvitnisligar rættir, sum viðskiftafólk rættiliga hava lagt til merkis. Í ovaru hæddini í sama bygningi er forvitnisligi handilin – Storm Boutique – við føroyskum designarum Vilmund Jacobsen Ø ll marknaðarføring tekur tíð, og so­leiðis er eisini innan mat­stovu-og handils­vinnuna. Café Cibo í Saltangará, sum hevur lut­falsliga stutta tíð á baki, hevur verið eitt gott høvi hjá fólki og fam­ iljum at vitja. Síðan Jóhannus M. Olsen, sum eigur fyritøkuna, læt dyrnar upp, eru tey mong, sum hava verið inni á gólvinum og fingið sær ein kaffi­ munn ella ein góðan bita. Nýggjur kokkur Seinastu tíðina hevur Café Cibo rættiliga fingið vind í seglini, og nú er javnan, at fólk sita við flestu borð á kafé’ini. Soleiðis var eisini týsdagin og mikudagin, tá Vikublaðið vitjaði inni á gólvinum. Uppsetingin av borðum og stólum í hølunum er broytt, og atmosferan er sera hugnalig. Café Cibo hevur eisini fingið kokk. Maðurin er Kristian Eli Holmsund, sum er ættaður úr Suðuroy, men býr í Runavíkar-økinum. Kokkurin ger ymiskar spennandi og forvitnisligar rættir, sum við­ skifta­fólk rættiliga hava lagt til merkis. Longa á borðiski Ein av nýggju rættunum er longa, og tað var henda rætt, ið vit, sum vitj­ aðu kafé’ina í síðstu viku, fingu. Sera vælsmakkandi, má sigast. Umframt at hava ymiskt áhuga­ vert á matarskránni, hevur Café Cibo eis­ini barnamenu’ir, og millum hesar eru eitt nú fiskafrikdellur, kjøt­frika­ dellur við grønmeti. Á matarskránni hjá Café Cibo eru eisini heimagjørdir burgarar, har kokkurin sjálvur setir saman farsið til kjøtið í burgarunum. Hesir burgarar fáast bæði við høsnakjøti og oksa­ kjøti. Í Café Cibo eru eisini snotuligir diskar, har vørur hjá Sjógæta kunnu keyp­ast, og her er eitt fitt útboð av ymisk­um fiskamati, eins og fiskafars fæst til keyps, tá latið verður upp mána­dagar og fríggjadagar. Café Cibo hevur opið allar dagar í vikuni frá klokkan 11.30 til 21. Eisini handil Í sama bygningi, sum Café Cibo hús­ ast, er eisini forvitnisligi handilin Storm Boutique – handilin við før­ oysk­um designarum – sum Jóhannus M. Olsen eisini eigur. Alt, sum handilin selur, er skapt av designarum, sum flestu í Føroyum áður hava hoyrt um. Talan er bæði um klædnavørur, glas­vørur, smúkkur og ymiskir aðrir gávu­lutir. Handilin – Storm Boutiq – er avgjørt eina vitjan verdur, og opið er van­ligar dagar frá klokkan 12 til 17.30 og leygardag frá klokkan 10 til 14. vilmund@sosialurin.fo Nú konfirmatiónir stunda til, og nógv brúdleyp liggja fyri framman, hevur blómuhandilin Orkis á Glyvrum skipað eina hugnaliga veitslustovu í kjallarahæddini Vilmund Jacobsen O rkis á Glyvrum, sum á so ymiskan hátt er ein øðrvísi blómu­handil við stórum og fjøl­ broytt­um útboði, veitir eisini ymiskar tæn­astur til síni viðskiftafólk. Ein av hesum tænastum er, at blómu­handilin leigar út stakar, vasar, ymiskar fløskur, kúlur (bollar) og ymisk gløs sum borðprýði til konfirmatiónir, brúd­leyp, veitslur og onnur serstøk høvi, har pyntast skal. Aftrat hesum hevur handilin eisini glasplátur, sum kunnu leggjast á borð ella annað til eitt nú buffét’ir. – Tað er nógv bíligari at leiga hesar lutir og pynt heldur enn at keypa, og í flestu førum er eingin orsøk hjá fólki, sum skulu hava veitslur, at eiga alt hetta. Tað sigur Turið Johannesen, sum saman við mammu síni, Mildrið Eivinds­dóttir, eigur og rekur Orkis á Glyvrum. Sjálv er Turið útbúgvin blomstur­ dekoratør. Hon lærdi hjá Árstíðunum í Havn, har hon varð liðug at læra á sumri í 2013. Veitslustova Tað er altíð forkunnugt at vitja í Orkis, og tað er ikki minni forvitnis­ligt, nú tey hava sett upp eina snotu­liga og vakra brúðarstovu/ konfirmatións­ stovu í hugnaligu niðaru hæddini í bygn­ing­inum, har øll, sum vitja handilin, eru vælkomin at hyggja innar og fáa íblástur. – Hetta er ein stova, har vit vísa fram ymiskt av tí, sum vit kunnu leiga út til ymisk veitsluhøvi. Vit kunnu rópa hetta eina brúðarstovu, kon­firma­ tións­stovu – ella bara eina veitslu­ stovu. Turið sigur, at við at vitja stovuna og skifta orð við starvsfólk í Orkis, kunnu mong góð hugskot spyrjast burt­ur úr til veitsluna, sum stundar til. – Tað eru nógv, sum hava hug at gera nakað meira burtur úr pyntinum, men sum ikki rættiliga duga at ímynda sær, hvørjir møguleikar eru. Vit eru altíð til reiðar við hugskotum og veg­ leiðing, og tí hava vit hesa stovuna, sum verður opin til einaferð út á summarið. Turið leggur aftrat, at umframt nevndu ting og lutir, sum Orkis leigar út til viðskiftafólk, hava tey eis­ini kertuljós og serviettar, og blómu­ handilin er til reiðar at vegleiða og ráð­geva bæði um størri og smærri tiltøk, eins og tey eisini eru til reiðar at fara út at pynta veitsluhølini fyri við­skifta­fólk. – Vit hava eisini ljósakrónur, ið kunnu pyntast við greinum, og tað er bara hugflogið, ið setir mørkini. Hetta er tað, sum vit duga, og sum vit eru von við at gera. Vit hava pyntað stóru Løkshøll, og vit hava pyntað smærri veitslu­høli. Alt hetta er okkara borð, og við­skiftafólk skulu ikki halda seg aftur við at spyrja og vitja inn á gólvið. Brúðarlín og Miðberg Turið Johannesen sigur, at við á fram­ sýn­ingini í Orkis er eisini Brúðarlín, sum hevur eina framsýning við kon­firma­tións­kjólum, dópskjólum, klæðum til brúðargentur, skógvum og undir­klæðum, sum tey selja. – Haraftrat hevur Miðberg Bakarí eina brúðarkøku, sum eisini kann bíleggjast til ymisk høvi. Eg haldi, at tað er áhugavert við slíkum sam­starvi og »flættingum«, soleiðis at kon­ septið í síni heild verður betri og enn meira forvitnisligt. Slíkt skapar eisini ein ávísan stemning, tá tú sært fram­ sýn­ingina, sigur Turið Johannesen í Orkis á Glyvrum. vilmund@sosialurin.fo – Tað skapar ein serligan stemning, tá fleiri eru við. Í Orkis er eisini Brúðarlín, og her er køka, sum Miðberg Bakarí kann levera, sigur Turið Johannesen. Mynd: Vilmund Jacobsen