mánadagur 16. mars 2015síða 64

VIKA 12 • 16. MARS 2015 24 ÓKEYPIS LÝSINGARBLAÐ TEMA Sólarmyrking T að verður ein heilt serlig fram­ sýning á torginum í SMS hesa vik­una í sambandi við, at tað verð­ur full sólarmyrking fríggja­morg­ unin. SMS hevur givið kenda listar­mann­ inum Edward Fuglø púrasta fríar teymar til eina heilt serliga fram­sýn­ing. SunMoonShadow Eyðkennini í listarverkunum hjá Ed­ ward Fuglø eru fuglar, fuglameingi og onnur djór í føroysku náttúruni, og tað fer so sanniliga eisini at merkja stóra framsýningina í SMS, sum hevur fingið heitið SunMoonShadow, stytt SMS. Stóra framsýningin hjá listar­ mann­inum úr Klaksvík fer at innihalda fuglar, planetur, mánar, sól og so fram­vegis. Framsýningin verður í allari mið­hæddini og á sjálvum torginum í SMS, og hetta verður alt gjørt fyri at varpa ljós á sólarmyrkingina fríggja­ morgunin. Umframt at verða ætlað øllum før­oyingum, vónar SMS eisini, at teir okkurt um 8.000 útlendingarnir, ið koma á vitjan í Føroyum í sambandi við sólarmyrkingina, eisini koma at vitja framsýningina. Nógv tiltøk Rúgvismikla skráin hjá SMS hesa vik­ una byrjar longu mánamorgunin, tá ið ein teknikapping, sum ber heitið »Tekna sólarmyrking í Føroyum« byrj­ ar. Hendan kappingin fer fram á Torg­ inum við pennum og blýantum, har børn kunnu tekna. SMS hevur eisini útvegað eina rúgvu av ókeypis brillum og SunMoon­ Shadow plakatum, og hesi verða at fáa, tá ið fernisering verður klokk­an 16 mánadagin. Hjá teimum, ið hava áhuga fyri foto­grafering, ber til at koma í SMS týs­dagin klokkan 17, har man í Expert/ Punkt1 kann fáa vegleiðing í, hvussu man fotograferar eina sólar­myrking. Eisini verður samstundis ein fyri­ lestur í Rit og Rák um sólar­myrking. Tað er Dr. Kate Russo, ið heldur fyri­ lesturin. Hjá børnunum verður forkunnugt at koma á vitjan í SMS mikudagin, har Rógvi Dam hevur framførsluna »Slóknar sólin«, sum er ein fram­ førsla ætlað børnum upp til fram­ halds­deildina. Hósdagin hevur Hanus Kamban ein fyrilestur um sólarmyrking í bók­ mentahøpi, og eisini fer Greta Svabo Bech at syngja á Torginum hósdagin. Sjálvan fríggjadagin er einki á skránni fyrr enn seinnapartin, tá ið Mein­hard Jensen fer at spæla mána­ tón­leik. Forkunnuga sólarmyrkingarvikan í SMS endar leygardagin, tá ið vinnarin av teknikappingini verður funnin. Stórt tiltak um sólarmyrking í SMS Í sambandi við fullu sólarmyrkingina fríggjamorgunin hevur SMS stórt tiltak á torginum alla vikuna Edward Fuglø og hansara hjálparfólk hava í rúma tíð fyrireikað framsýnininga í SMS, sum verður at síggja hesa vikuna Mynd: Álvur Haraldsen