fríggjadagur 20. mars 2015síða 6

Fríggjadagur 20. mars 2015 sosialurin 33 6 Eilen Anthoniussen Í DR-býnum í Keypmannahavn hava tríggir føroyskir foto­graf­ ar sína dagligu gongd, Bárður Veihe, Jan Macdonald Arnskov og Bárður Thomsen. Tveir teirra, Bárður Veihe og Jan Macdonald Arnskov, eru útlærdir í Føroyum, og Bárður Thomsen hevur býtt sína lærutíð upp millum Kring­ varp Føroya og DR; ein lærutíð, ið síðani hevði fast starv sum fotografur í stóra miðlahúsinum við sær. Bárður Veihe og Jan valdu at søkja aðrar avbjóðingar um somu tíð og fóru við stuttum millumbili frá at vera alt-møguligt-teknikarar á sjón­varpsredaktiónini hjá Kvf til føst størv á tíðindadeildini hjá DR. Eftir at hava verið partur av dag­ligu framleiðsluni á tíðinda­ deild­ini hjá DR í eina tíð, eru bæði Bárður Veihe og Jan endaðir á seinu tíðinda­sendingini sunnukvøld, ið kallast 21 Søndag. Sendingin er ein víðkað tíðindasending, har journa­ list­arnir ofta fara í dýpdina við onkrum serligum evni, og ofta hevur sendingin eitt mentanarligt innslag, ið er størri í vavi enn vanlig tíðinda­ inn­sløg. – Tað inniber nógvar spennandi uppgávur. Eitt nú var eg herfyri í Hamburg og gjørdi eitt longri innslag um big band-komponistin James Last, ið fyllir 86 ár í apríl, og sum júst nú er á síni seinastu konsertferð. – Nógv tónleikakøn frá teimum eldru ættarliðunum kenna hann frá 1960-70 árunum, tá hann lá framman fyri so kend nøvn sum Elvis og The Beatles á altjóða hittlistunum. Okk­ ara ættarlið kennir hann sikkurt best frá Kill Bill filmunum, greiðir Bárður Veihe frá, meðan hann situr og klippir eitt innslag til komandi 21 Søndag. Er nakar teknikkur í húsinum? Bárður Thomsen starvast fast á »Det Fri Indland«, sum er ein gravandi redak­tión. Tann redaktiónin gravar djúpri í søgum og arbeiðir við meir tíðar­krevjandi innsløgum enn van­ ligu tíðindainnsløgini. Redaktiónin »Det Fri« er bert ein av teimum mongu redaktiónunum í hús­inum, ið arbeiðir tvørtur um plat­ form­arnar hjá DR, nevniliga sjónvarp, útvarp og internet. Tilsamans hevur DR seks sjón­ varps­rásir, 10 útvarpsrásir umframt tær 10 lokalu rásirnar runt um landið, net­miðilin dr.dk og tær ymisku app’irnar, ið støðugt verða mentar til ymisku konseptini. – Man merkir, at hetta er eitt størri apparat, sum fer í gongd, hvørja ferð ein sending skal framleiðast. Her eri eg bara ein út av fleiri fotografum. Eri eg ikki til arbeiðis ella fái eg ikki gjørt eina uppgávu, er tað ein annar, sum stendur klárur. –  Tað er eisini greitt definerað, hvørjar uppgávur eg havi. Tað er munandi øðrvísið enn í Føroyum, har eg kundi verða settur til hvat tað skuldi vera. Har var eg bara »eitt teknikk«, og tað bleiv bara spurt: Er nakar teknikkur í húsinum, sigur Bárður Thomsen flennandi. Eg havi tikið skeið í, hvussu tú skalt flyta teg millum minur, upp­føra teg í eini gísla­støðu við einum posa yvir høvdið, meðan tú verður tveittur í eitt við­førisrúm og annað slíkt« Jan Macdonald Arnskov persónssøga Um tú hyggur eftir tíðindasendingunum hjá DR, hevur tú helst lagt merki til føroysk nøvn á innsløgunum ella í rullitekst­unum. Við í dagligu framleiðsluni eru nevniliga tríggir føroyskir fotografar, ið hava skift arbeiðsdagin á eini lítlari føroyskari redaktión út við ein gerandisdag millum teir heilt tungu dreingirnar innan danska miðlaframleiðslu Visti tú? DR varð stovnað sum ein royndar­ verkætlan 1. apríl 1925 Teir tríggir foto­- graf­arnir Til arbeiðis á DR Mynd: dr