týsdagur 17. februar 2015síða 8

Mikudagur 18. februar 2015 · Nr. 20 8 Sosialurin Hugskot og viðmerkingar – send sms til 225000 meldurin Barbara Holm Í hugnaligu skrivstovuni á Niels Finsensgøtu í mið­ bý­num í Havn, situr 35 ára gamla Siri Sørensen umgird av teimum mongu Kvinnu bløð­unum, sum hon hevur staðið á odda fyri seinastu árini. Litríki blaðstjórin er ein kvinna við stóra K, og er ógvu­liga tilvitað um, at henn­ara kvinnu­ligheit er ein styrki og ikki ein veikleiki. Við einum kaffikoppi hug­ leiðir blað­stjórin um hvussu javn­støðu­rørøslan er fyri í dag. – Tíverri haldi eg ikki, at kvinnurørslan í Føroyum stend­ur sterk í dag. Tað krev­ ur, at nýggjar kvinnur koma til og yvirtaka stríðið, sigur Siri Sørensen, sum uttan iva brennur fyri júst kvinnu­ rætt­indum. Men er javnstøðustríðið ikki ein farin tíð? Nei, ikki um tú spyrt Siri Sørensen. – Tað er eingin ivi um, at vit enn hava nakað at berjast fyri, sigur Siri Sørensen. Størsta avbjóðingin hjá kvinnum og feministum í dag er, at teir sosialu norm­ ar­nir, tær ósjónligu skipan­ irnar liggja so djúpt í okkum, at tað er trupult at broyta. Og tað viðførir álvarsamar av­leið­ingar fyri kvinnur. – Kvinnur fara niður við strongd tí tær kenna tað sum sína ábyrgd at arbeiða fulla tíð, og standa á odda fyri tí hús­liga. Tað gevur bara onga meining longur, at kvinnur og menn arbeiða fulla tíð, meðan tað húsliga framvegis liggur bert hjá kvinnum í summum førum, vísur Siri Sørensen á. Vil geva íblástur til kvinnur Kreativ størv, sum sessurin sum blaðstjóri á Kvinnu er, skulu vera avmarkað. Tað er ikki eitt lívslangt starv, tí tað er umráðandi at skifta út, og at fáa nýggja orku inn í fyritøkuna. Tí er Siri Sørensen tilvitað um, at henn­ara núverandi karriera fer at fáa ein enda fyrr ella seinni. Men inntil tá ætlar Siri sær at leggja nógva orku í at geva føroyskum kvinn­ um íblástur umvegis blaðið Kvinnu. – Tað innihaldið vit seta í blaðið er ógvuliga tilvitað valt fyri at varpa ljós á við­ kvom evnið, og soleiðis vísa teimum kvinnum sum eru í truplari støðu, at tær ikki eru einsamallar, sigur Siri Sørensen. Tað er kanska einki nýtt við evnum sum harðskapur, neyð­tøka, sálarsjúka og so framvegis, men blaðstjórin vil tryggja, at vit ikki gloyma tey fólkini, sum hava stórar av­bjóðingar at stríðast við. Siri Sørensen hevur trupult við at síggja fyri sær hvat hon skal takast við, tá ið starvsleiðin á Kvinnu er av, tí henni dámar so væl starv­ ið. Men hon væntar, at hon fer at varpa ljós á kvinnu­ rørsl­una í landinum, tá ið pro­fessi­onella leiðin gongir víðari. – Eg kundi ímynda mær, at tað eg fari at takast við hev­ur eitt hvørt við kvinnu­ rørsluna at gera, sigur Siri Sørensen. Hvussu verður og ikki er í øllum førum greitt, at kvinn­an við stóra K í dag ger nógv fyri at veita ráð, stuðul og íblástur fyri føroyskar kvinnur, og hon vónar, at hon framvegis kann gera tað, tá ið hon takkar fyri seg á Kvinnu. Mánadagin var Siri Sørensen gestur í nýggju sending­ini á Rás2 við heit­ inum »Mítt Arbeiðslív«, sum verður send beinleiðis hvønn mánadag millum 11 og 12 á Rás2. Sendingin við Siri Sørensen kann hoyrast í full­um líki á in.fo. barbara@sosialurin.fo Fjaldu sosialu normarnir ávirka framvegis kvinnur Kvinnurørslan verður mangan løgd undir at hoyra fortíðini til. Stríðið er vunnið, og fullkomin javnstøða er í Føroyum, siga summi. – Men tað er eingin ivi um, at fleiri av fjaldu normunum í samfelagnum framvegis hava eina neiliga ávirkan á kvinnur, sigur Siri Sørensen, blaðstjóri á Kvinnu – Tíverri haldi eg ikki, at kvinnurørslan í Føroyum stend­ur sterk í dag, sigur Siri Sørensen Mynd: Eydbii Myndir