týsdagur 17. februar 2015síða 26

lestrarblaðið 2015 2 Tað sum rørir seg innan lestrarheimin er í støðugari broyting. Føroyingar tíma væl at lesa, og eru teir undir hægri lestri í 20 ymiskum londum – flest teirra í Danmark, Bretlandi, Póllandi og USA. Tølini hjá Studna vísa, at talið av lesandi hevur verið støðugt vaksandi seinastu 10 árini. Hóast fleiri lesandi, eru færri sum fara út um Norðurlond at lesa. Støðan hjá næmingum, sum møta sálarligum avbjóðingum á miðnámi, er eisini í broyting. Mentamálaráðið hevur nevniliga sett pening av til sálarhjálp í ár. Áður hava næmingarnir ikki havt havt trygga havn, tá teir hava staðið á einum vegamóti - kanska við tørvi á ókeypis sálarligari hjálp. Hetta sær nú bjartari út, og næmingar reka vónandi ikki longur fyri vág og vind í viðkvomu tíðini á miðnámi. Handilsskúlin bjóðar eisini eitt nýtt tilboð til næmingar, sum ynskja miðnámsútbúgving á enskum. Hetta tilboðið er tíðarbært og kemur serliga nýføroyingum, sum hava trupult við danska undirvísingartilfarinum, og føroyingum, sum ynskja at nema sær útbúgving á enskttalandi universiteti til gagns. Samfelagið er í støðugari broyting, og í tráð við tørvirnar broytast eisini tilboðini til tey lesandi – og tað er sum tað eigur at vera. Redaktørur: Annika Kunoy Im Blaðfólk: Annika Kunoy Im Mortan Østerø Umbróting/snið: Pætur Eyð. Jensen Jón Tórður Einarsson Lýsingafólk: Birgir W. Høgnesen Frida Mellemgaard lestrarblaðið2015 Annika Kunoy Im Tíðirnar og tilboðini broytast www.fhk.fo dáma Føroya Handilsskúli á kambsdali · Dalsvegur 1, FO-530 Fuglafjørður · Tel +298 61 09 00 · Fax +298 44 49 01 · fhk@skulin.fo INTERNAT IONAL BUSINESS STUDIES Ert tú heimsborgari? dámar tær altjóða avbjóðingar? dugir tú væl enskt? · So er ein miðnámsútbúgving á enskum helst nakað fyri teg · Vit bjóða út Búskaparbreytina á enskum – International Business Studies (IBS) · Á IBS leggja vit dent á marknaðarføring, búskap, mál og mentanarfatan Fleiri upplýsingar og umsóknarblað er at finna á www.fhk.fo Umsóknarfreistin er 15. mars 2015