mánadagur 23. februar 2015síða 38

vika 9 l 23. februar 2015 6 vikustjórin Vilmund Jacobsen Tað var hin 1. oktober í fjør, at møðg­ urn­ar úr Norðragøtu, Turið Jo­hannesen og Mildrið Eivindsdóttir, yvir­tók blómu­ handilin Orkis frá Sámali Erik Djurhuus og Anette Sonne á Glyvr­um. Turið, sum er 25 ára gomul, er stjóri í felagnum, sum eigur handilin, og tær báðar eiga hvør sína helvt í hes­um felag. Turið er útbúgvin blomstur­dekora­ tør. Hon varð liðug at læra á sumri í 2013, og hon lærdi hjá Árstíðunum í Havn. Turið hevði tó frammanundan læru­ tíðini eisini arbeitt í Vakstrarhúsinum í Sandavági í eina rímiliga rúma tíð. Hon byrjaði eisini at læra í Sandavági, men valdi heldur at taka FHS - og fór so seinni aftur í læru hjá Árstíðunum. Turið dylur ikki fyri, at tað hevði stóran týdning fyri yvirtøkuna av Orkis, at Anette Sonne framvegis vildi vera knýtt at handlinum, eins og Sámal Erik Djurhuus eisini er tøkur til ymiskar uppgávur. Orkis hevur eisini lærling, Maritu Westergaard, og her er tað Anette Sonne, ið stendur sum lærumeistari. Turið sigur, at við sínum drúgvu roynd­um gjøgnum fleiri enn 30 ár er Anette Sonne nógv verd fyri fyri­ tøkuna. – Orkis er ein spennandi fyritøka við stórum og fjølbroyttum úrvali. Eg eri sera fegin um, at tað eydnaðist okkum at gerast eigarar av hesi fyritøku, og hóast tað kann vera strævið viðhvørt, havi eg onga løtu verið í iva um, at vit tóku eina rætta avgerð. Tað er deiligt at kunna arbeiða við tí til dagligt, sum tú hevur hug til. Turið sigur, at mamman, sum átti foreldur, ið róku handil í Gøtu, syrgir fyri bókhaldinum og hjálpir eisini til í aðrar mátar, tá mest er at gera. Øðrvísi blómuhandil Orkis er handilin við stórum útboði og tænastum, tá ræður um privatkundar, og tá talan er um eitt nú føðingardagar, konfirmatiónir, veitslur og onnur tiltøk hevur Orkis allar førleikar og royndir í at pynta og hugna um. Fyritøkan hevur eisini kransar og blómusamlingar til jarðarferðir og ymiskt at seta á ein gravstað, eins og tey bjóða seg fram til at pynta kirkjur, samkomuhús og hølir annars í hesum sambandi. Orkis fer út og pyntar kistu, kirkju, samkomuhús og onnur høli ókeypis, og koyrt verður eisini út ókeypis í nær­umhvørvinum, Eysturoy og Norð­ streymoy. – Orkis er ein øðrvísi blómuhandil, og her fært tú júst tey ynski uppfylt, sum tú hevur. Vit, sum starvast í fyri­ tøkuni, hava royndir við at gera øðr­ vísi kransar, dekoratónir og blómu­ samlingar, og tað er bara hugflogið, sum setir mørkini, sigur Turið Jo­hanne­ sen, annar av eigarunum og stjóri í fe­lagnum, sum eigur forvitnisliga blómu­handilin Orkis á Glyvrum. Deiligt at arbeiða við tí tú hevur hug til – Orkis er ein øðrvísi blómuhandil, og her fært tú júst tey ynski uppfylt, sum tú hevur. Vit, sum starvast í fyritøkuni, hava royndir við at gera øðrvísi kransar, dekoratónir og blómusamlingar, og tað er bara hugflogið, sum setir mørkini, sigur 25 ára gamla Turið Johannesen, stjóri í felagnum, sum eigur Orkis á Glyvrum Møðgurnar úr Norðragøtu, Turið og Mildrið, sum eiga blómuhandilin Orkis á Glyvrum. - Tað er deiligt at kunna arbeiða við tí til dagligt, sum tú hevur hug til, sigur ungi stjórin, Turið Johannesen