mánadagur 23. februar 2015síða 42

vika 9 l 23. februar 2015 10 vikutíðindi Føroyska upplivingarfyritøkan, sum er kend undir navninum CoastZone North Atlantic, skiftir nú samleika og eitur NAX, sum stendur fyri North Atlantic Xperience. Tað eru teir tríggir Eyðun Berg, Ólavur Thomsen og Hans Mikkelsen, sum eru nakrir av eigarunum og reka fyritøkuna. Fyritøkan bleiv upprunaliga stovnað saman við danska felagnum CoastZone, tí varð navnið av fyrstan tíð CoasZone North Atlantic. Seinastu tvey árini hevur fyritøkan ver­ið føroysk burturav, og tí var hildið rætt at geva fyritøkuni sín egna sam­leika. Navnið skuldi verða stutt, einfalt, annarleiðis og lætt at hand­ fara. Tað bleiv so NAX - ein stytting av North Atlantic Xperience. Búmerkið er Norðstjørnan við einum ringi rundan um. Norðstjørnan er álitið, hon vísir vegin og umboðar norðaru hálvkúlu, hetta er eisini tað NAX stendur inn fyri. Upplivingarfyritøka NAX skipar fyri tiltøkum og upp­liv­ ingum til fyritøkur, stovnar og bólkar innan ferðavinnuna. Fyri tað mesta úti í okkara vøkru og óspiltu náttúru. Fyritøkan hevur drúgvar royndir við at menna og optimera bólkar og lið. Tað kann vera árliga útferðin, at starvsfólkahópurin skal samansjóðast ella eitt ávíst endamál, ið virkið ar­ beiðir við. Skráin verður samansett so­leiðis, at øll kunnu vera við. NAX er ein mobil eind og skipar fyri tiltøkum um alt landið; soleiðis eru altíð nýggjar upplivingar ein val­ møguleiki. Dømi um upplivingar og avbjóðingar eru at síga og klatra, svimja í grottum, leypa á sjógv frá ymsum hæddum, rógva í kajakk, ríðitúrar, og vakrir og avbjóðandi gongutúrar umframt nógv ymiskt annað. Meira upplýsingar eru á heimasíðuni: www.nax.fo CoastZone eitur nú NAX Eyðun Berg, Ólavur Thomsen og Hans Mikkelsen frá NAX Mynd: Álvur Haraldsen