týsdagur 24. februar 2015síða 12

Mikudagur 25. februar 2015 · Nr. 23 12 Sosialurin Hugskot og viðmerkingar – send sms til 225000 tíðindi Eirikur Lindenskov Føroyingar hava góðan tokka til írskan fólkatónleik, og nógvir av írsku sangunum eru vorðnir felagssangir í Føroyum. Molly Malone, The Wild Rover og Whiskey In The Jar eru kendastu írsku sangirnir, og ein viðvirkandi orsøk til, at hesir sangir eru spreiddir út um heimin er bólkurin The Dubliners. Eftir at The Dubliners, sum vóru virknir í 50 ár, góvust av spæla live í 2012, gjørdu tveir av tónleikarunum nýggjan bólk, sum skuldu føra arvin víðari. The Dublin Legends vóru veruleiki, og teir hava síð­ ani ferðast kring Europa og spælt teir góðu, gomlu fólka­ sangirnar við nýggjari orku og fingið framúr ummæli. Nú koma The Dublin Legends á Summar Festivalin at geva føroyingum eitt ógloym­andi kvøld við øll­um teimum størstu írsku fólka­ sang­unum. Manningin Tónleikararnir í The Dubl­in Legends eru Sean Can­non, Eamonn Campbell, Gerry O’Connor og Paul Watc­horn. Teir hava allir verið týð­andi partur av írska fólka­tón­leik­ inum í eitt langt tíðar­skeið. Sean Cannon og Eamonn Campbell spældu í næstan 30 ár við The Dubliners, og Gerry O’Connor var eis­ ini við í bólkinum, tá ið teir høvdu sína tiltiknu 50 ára konsertferð í 2012. Tá ið stovnarin av The Dublin­ers, »Banjo, Barney McKenna doyði sama ár, valdu hinir tónleikararnir í bólk­in­um at gevast at spæla undir navninum The Dublin­ers – bólkurin varð pen­sjón­erað­ ur. Sean, Eamon og Gerry høvdu hug at halda fram við konsertframførslunum, og nú føra teir arvin víðari við The Dublin Legends. Dublin legendur á Vágsbø Molly Malone, The Wild Rover og Whiskey In The Jar fara at runga á Vágsbøi í august, tá ið tónleikarar úr The Dubliners fara at framføra Tveir av hesum tónleikarunum hava áður vitjað í Føroyum við The Dubliners – nú skulu teir spæla við The Dublin Legends á Summar Festivalinum Rógvi fer at siga børnum søgu sum sólar­myrking – Í samband við sólar­ myrkingina 20. mars ynski eg at vitja barnagarðar og stovnar í øllum landinum við søguni um »Brand, ið heldur at sólin slóknar«. Á ein øðrvísi og stuttligan hátt verða børnini undir­ hildin samstundis, sum tey læra eina rúgvu um sólar­myrkingina. Soleiðis sigur Rógvi B. Dam um søguna, hann ætl­ar at siga børnum. – Við at brúka hattar, brillur og annað gerast per­sónarnir í søguni liv­ andi hjá børnunum. Um­ framt at læra um sjálva sólarmyrkingina, so verða børnini eisini kunnað og mint á týdningin av at verja eyguni við røtt­um verndarbrillum. Søg­an er ætlað barna­garðs-, for­ skúla- og frí­tíðar­skúla­ børn­um, og tekur 25-30 min at siga frá, sigur hann. Orsøkin til at hann ger hetta, er tí at hann heldur, at tað hevur stóran týdn­ ing, at fyrireika børnini til hesa »once in a lifetime« hendingina. – Sólarmyrkingin er eitt fyribrigdi, ið ikki hendir serligani ofta – sein­astu ferð var í 1954, og tað eru nøkur hundrað ár til næstu ferð. Eg eri vísur í, at øll gera sítt besta til at fyrireika børnini til sólarmyrkingina, og eg vil gjarna hjálpa til við søg­uni um Baldur, sum heldur at sólin slóknar. – Eg vóni við hesi leik­ ferð, at øll børn í Føroyum skulu hava møguleikan at síggja, hvussu serligt hetta fyribrigdið er, og hvussu serlig vit øll eru við at verða til akkurát nú – og betra um upplivingina 20. mars. Rógvi B. Dam vónar, at tikið verður væl undir við verkætlanini, og hann ætlar sær at koma so víða um sum gjørligt, og tí vónar hann, at nógv­ ir stovnar bjóða sær ein túr forbí til ein »sólar­ myrkingar dag«.