týsdagur 24. februar 2015síða 44

12 fótbóltur 2015 Fótbóltsblaðið hjá miðlahúsinum Fyrstu umførini stóran týdning Víkingur Eftir at lyklaspælarin í fjør er burtur skal miðvøllurin skipast av nýggjum hjá væl mannaðu steypavinnarunum í Víkingi, sum ikki vóru við í kappingini um meistaraheitið og endaðu á bronsuplássinum, tí tað fyrra partin av kappingini so ofta endaði við javnleiki Tað hevur gingið framúr, síðani leirvíkingar og gøtumenn undan kappingarbyrjan í 2008 saðlaðu um og kastaðu saman, so LÍF og GÍ vórðu til Víking. Tølini tala: Sigrar í kappingini um løgmanssteypið í 2009, 2012, 2013 og 2014, tríggjar ferðir bronsukrónur í landskappingini – 2009, 2011 og 2014 – og avrik í europeisku kappingini, sum bera virðing við sær út um land­oddarnar. Stóra krúnan á verkinum restar fram­ vegis, og nú leggja víkingarnir til brots einaferð aftrat í vón og áliti á, at tað hesa ferð skal eydnast at vinna FM heitið. Sigfríður Clementsen stendur framvegis við endan. Manningin líkist nógv sær sjálvari, og tí hevði tað verið so upplagt at hildið fram, har kappingin endaði í fjør. Soleiðis verður tað tó ikki. Orsøkin er tann, at Hallur Hansson, sum í fjør var ein tann eyðsýndasti av øllum í kappingini, er farin av landinum. Hann arbeiddi fyri fleiri, og tað var kring hann, at framrættaða spælið snaraði. At Hallur ikki er við longur ber við sær, at neyðugt er við nýggjum samansetingum. Í fjør gekk tað av skriðuni í nógvu teimum fyrstu umførunum. Tað var orsøkin til, at málmurin í landskappingini ikki varð fínari enn úr bronsu. Um tað skal eydnast at røkka hægri upp og fram, so er avgerandi, at úrslitini tíðliga í kappingini verða betri, enn tey vóru í fjør. Avbjóðingin hjá venjaranum er at fáa heildina at svinga saman. Einasti nýggi er Gert Hansen, sum røkir høgra vongverja. Tað ber við sær, at góðu framrættaðu evnini hjá Bárði Hansen kunnu brúkast fremri á vøllinum. Geza Turi hevur vart málið í Sarpu­ gerði síðani 2006. Í sigrinum í stór­steypa­ dystinum ímóti B36 sunnudagin var hann fyri 287. ferð millum stólparnar! Atli Gregersen og Erling Jacobsen eru sjálvskrivaðir miðverjar. Í fjør var Dánjal Pauli Lervig skaddur og spældi lítið. Tað bant Hanus Jacobsen afturi á vøllinum. Nú er Dánjal Pauli komin seg, og harvið eru fleiri møguleikar at nýta Hanus Jacobsen. Súni Olsen og Hans Jørgen Djurhuus eru upplagdir sentralir miðvallarar, og Philip Djordjevic, Sámal Jákup Joensen og Heðin Hansen eru góð boð upp á ódnirnar í borðunum. Finnur Justinussen er sjálvskrivaður fremsti maður. Í fjør vóru Andreas Lava Olsen og Sølvi Vatnhamar ikki orduliga við fyrrenn eftir summarsteðgin. Sølvi er væl fyri og kann brúkast í fleiri plássum, eisini tí tóma eftir Hall Hansson. Andreas Lava Olsen var nógv skaðaplágaður í fjør. Heldur ikki higartil í ár er hann sloppin undan skaðum. Hugagóðir og evnaríkir spælarar bíða eftir at fáa møguleikan, og í fleiri førum er talan um kend fótbóltseftirnøvn í Leirvík og Gøtu. Her verður eitt nú hugsað um Elias Rasmussen, Bergur Gregersen, Hjalta Strømsten, Jákup V. Olsen, Fannhard A. Skoradal, Inga Sørensen, Gunnar Vatn­ hamar, Magnus Jarnskor og Hjartvard Hansen. Meistari (0) Ongantíð Steypavinnari (4) 2009, 2012, 2013, 2014 Greipuvinnari (0) Ongantíð Í bestu deildini (8 ár) 2008- Í Europa (4) 2010, 2012, 2013, 2014 Víkingur Stovnað 14. januar 2008 Formaður Brandur Jacobsen 1 V i t t i p p a Hópurin Venjari Sigfríður Skaale Clementsen 1 Geza Turi 27 Elias Rasmussen 3 Hanus Jacobsen 4 Atli Gregersen 5 Dánjal Pauli Lervig 13 Erling Dávasson Jacobsen 19 Bergur Gregersen 20 Hjalti Strømsten 21 Gert Aage Hansen 6 Sámal Jákup Joensen 7 Súni Olsen 8 Heðin Hansen 10 Sølvi Vatnhamar 12 Bárður Jógvansson Hansen 15 Jákup Vatnhamar Olsen 16 Hans Jørgen Djurhuus 18 Fannhard Antonsson Skoradal 22 Ingi Sørensen 24 Gunnar Vatnhamar 2 Andreas Lava Olsen 9 Filip Djordjevic 14 Magnus Jarnskor 17 Finnur Justinussen 25 Hjartvard Hansen Tilgongd: Gert Aage Hansen Frágongd: Hallur Hansson