týsdagur 24. februar 2015síða 46

14 fótbóltur 2015 Fótbóltsblaðið hjá miðlahúsinum Fyri Víking hevur málsetningurin seinni árini verið FM steypið. Tað hevur ikki eydnast enn, men felagið hevur nógv góð úrslit at vísa á. Tríggjar ferðir upp í slag hevur Víkingur vunnið steypakappingina, og fýra ferðir síðani LÍF og GÍ í 2008 blivu løgd saman til Víking Í Evropa hevur felagið skrivað søgu, tá tað í fjør kom til triða umfar í Europa League. Enn manglar tó FM steypið. – Eg havi ikki eina beinleiðis frágreiðing um hví so er. Eg haldi, at vit hava havt trupult við at vinna á lægri liðunum á stigatalvuni. Vit hava onkursvegna trupult við at skapa dystir, men tað arbeiða vit við, sigur Atli Gregersen, liðskipari hjá Víkingi. Hann nevnir eisini, at liðið í ov stóran mun hevur verið tengt at málunum hjá Finni Justinussen. Hetta bleiv eitt sindur broytt í fjør, har Súni Olsen, Hallur Hansson, Heðin Hansen og Hanus Jacobsen skutu fimm mál ella fleiri. Eisini tykjast niðurtúrarnir hjá Víkingi at verða størri enn hjá kappingarneytinum. – Tað kemur kanska av, at vit eru eitt kollektivt lið. Tað er sjáldan at eg spæla illa og Erling Jacobsen spælir væl, ella umvent. Tá vit spæla væl, so er tað alt liðið, sum spælir væl. Tíverri er tað eisini so, tá vit spæla illa, heldur Atli Gregersen fyri. Sikta høgt Málsetningurin í ár er aftur FM. Hetta kann verða vandamikið at melda út, men í Víkingi hugsa tey ikki slíkar tankar. – Um tú sum topplið ikki fert eftir FM, so skilji eg einki. Vit vilja heldur sikta høgt og so enda beint niðanfyri málið. Í fjør var málsetningurin tann sami. Vit rukku ikki málinum, men vunnu steypakappingina og skrivaðu søgu í Evropa, greiðir Atli Gregersen frá. Atli vil tó ikki siga, at Víkingur beinleiðis raðfestur FM hægri enn steypakappingina og Evropa. – Vit taka ikki forskot upp á nakað, so vit taka dystirnar so hvørt sum teir koma. Vit vilja fyrst og fremst hava FM steypið, men bæði steypakappingin og Europa er blivin ein partur av søguni í hesum felagnum, sigur Atli Gregersen. Skjótt seinasta útkall Fyri nakrar av eldru spælarunum í Víkingi er talan um skjótt seinasta útkall. Umframt Atla Gregersen sjálvan, sum er 32 ára gamal, so eru Geza Turi, 40 ár, Súni Olsen, 33 ár og Hans Jørgen Djurhuus, 35 ár, komnir so langt upp í árini í fótbóltssamanhangi, at tað nærkast seinasta útkalli at vinna FM. – Hendan genratiónini spælir ikki í trý ár afturat, so vit nærkast at tað er seinasta útkall, um vit skulu vinna FM, sigur Atli Gregersen at enda. FM steypið manglar  Lyklaspælarin Súni Olsen Ein tann evnaríkasti fótbóltsspælarin í føroyskari fót­ bólts­søgu er komin nakað upp í árini, men týdn­ing­urin av honum bara veksur á lið­num hjá Víkingi. Nú Hallur Hansson er farin til Danmarkar, so verður tað upp til Súna at skapa møguleikarnar og mál­ini á fram­rættaða miðvøllinum.  Gjøgnumbrotið Filip Djordjevic Tað er ongin ivi um evnini hjá Filip Djordjevic. Hann er tekniskt framúr væl fyri, men hann manglar framvegis at prógva, at hann kann spæla javnt gott í longri tíð. Úr Gøtu ljóðar, at Filip er væl fyri í uppstartinum. Kanska verður hetta árið, tá Filip slær til?  Venjarin Sigfríður Clementsen Tiltikin sum taktikkarin í føroyskum fótbólti, so tóktist at hansara flytingar í verjuni kost­ aðu dýrt í fyrsta triðinginum í fjør. Liðið manglar eisini tað seinasta, tá dystir skulu skap­ast. Tað eru tveir av trupulleikunum, sum Sigfríður skal loysa til komandi kappingarár.  Málið FM Víkingur hevur eitt mál – tað er at vinna FM. Trýstið er ikki eins stórt og í HB, men hvørt ár Víkingur ikki vinnur FM økist spenningur eitt sindur. Víkingur kann tó liva við einum steypa­ gulli, góðari luttøku í Evropa og topp 3. atli gregersen Vit vilja fyrst og fremst hava FM steypið!