týsdagur 24. februar 2015síða 50

18 fótbóltur 2015 Fótbóltsblaðið hjá miðlahúsinum – Tað er deiligt at vera kvinna í eini mannfólka verð, sigur Kinna Fritsdóttir Olsen, næstforkvinna í NSÍ. Hon skuldi upprunaliga verða eykalimur í nevndini, men endaði mitt í føroysku fótbóltsverðini Hon hevur staðið á odda fyri endur­bygg­ ingini av NSÍ, sum í 2012 tók avleiðingar av, at felagið hevði satsað ov nógv árini fyri. Hóast fótbólturheimurin er ein mann­ fólka­verð við nógv kenslum, og til tíðir hørðum orðadrátti, so hevur Kinna ongantíð merkt nakrar negativar fylgir av, at hon er ein kvinna í eini mannfólkaverð. – Eg havi aldrin uppliva negativar viðmekringar. Eg havi onkuntíð spurt okkurt býtt, sum eitt hvørt mannfólk veit, men eg havi altíð fingið ein virðiligt og konstruktivt aftursvar, sigur Kinna F. Olsen, sum var forkvinna í NSÍ frá 2011 til 2015, tá hon tók við sum næstforkvinna og kassa­ meisari. Kinna ásannar, at tað vóru nógv viður­ skifti hon skuldi seta seg inn í, tá hon brádliga bleiv forkvinna í NSÍ men tað var hon nú ikki einsamøll um. – Eg fann skjótt útav, at menninir vistu heldur ikki altíð so væl, sigur Kinna við ein­ um brosi. Hon er glað fyri royndirnar hon hevur fingið í fótbóltsheiminum, og heldur ikki at konufólk skulu halda seg aftur. – Aftanfyri hvønn fótbóltsspælara er ein mamma, dama ella kona. So vit eiga líka stóran lut í fótbóltinum, men tað má verða áhugin, ið drívur verkið, er boðskapurin hjá Kinnu til onnur konufólk, sum kundu hugsað sær at roynt seg í fótbóltsheiminum. Endurbyggingin ikki komin á mál Tað er ongin loyna, at NSÍ var í tungum sjógvi fíggjarliga, tá felagið í 2012 fór undir eina endurbygging. Hendan endurbyggingin stendur við enn, men felagið er á rættari kós. – Vit eru ikki komin á má enn við endur­ byggingini av NSÍ. Vit eru við aftur í ovaru hálvu, vit seta ungar spælarar við á besta liðnum, og ungdómsarbeiðið í felagnum er gott, sigur Kinna F. Olsen. NSÍ hevur eitt mál um at røkka fjórða plássinum aftur. Andy Olsen og Sjúrður Jacobsen eru farnir til ÍF, meðan Hákun Edmundsson, Jónleif Højgaard og Johan Jacobsen eru millum teir, ið eru komnir til. Hóast tað legst til við toftamonnum, so eru eisini fleiri lokalir spælarar, sum bíða eftir at fáa sítt gjøgnumbrot. Millum teirra eru Meinhardt E. Olsen, Peter Kundsen, Jákup Andrias Gaardbo, Michal Prybylski, Leivur Højgaard og Karstin Hansen, sum allir fingu minuttir á besta liðnum í fjør. – Hugurin hjá teimum ungu at venja er góður. Tá vit hava morgunvenjing í høllini møta eini 30 gentur og dreingir. Felagið stóð seg eisini væl í ungdómsdeildini í fjør, sigur Kinna F. Olsen, sum fegnast um at framtíðarútlitini eru so góð. NSÍ viðhaldsfólkini fáa í næstum tak út­yvir áskoðaraplássini, men tað verður ein tíð áðrenn felagshølir til NSÍ kemur upp á tal. Framgongdin í NSÍ er til at fáa eyga á, tí felagið skal aftur út í Evropa at spæla. Tað er eisini dreymurin fyri 2015. kvinna í eini mannfólka verð  Lyklaspælarin Klæmint A. Olsen Liðskiparin hevur verið toppskjútti í føroyskum fótbólti seinnu tvey árini. Tí ber ikki til at koma uttan áleyparan, sum í summum dystum hevur vunnið NSÍ stig einsamallur. Næstir honum kemur Árni Frederiksberg, sum tykist væl fyri í ár. Er lykilin til álopsspælið.  Gjøgnumbrotið Petur Kundsen Er ein av teimum størstu talentinum í føroyskum fótbólti. Er kanska ov ungur til at sláa í gjøgnum á besta liðnum akkurát, men hevur allar førleikar at blíva ein góður fótbóltsspælari. Spurningurin er bara um tað verður í NSÍ ella uttanfyri landoddarnar.  Venjarin Trygvi Mortensen Fekk eitt gott úrslit í fjør og vann felagnum luttøku í Europa League. NSÍ tykist tó hava langt upp til topp 3, tí teir fingu einki stig móti trimum teimum fremstu. Skal mennan liðið til at eisini fáa stig móti bestri mótstøðu.  Málið Evropa NSÍ kom í Europa League í fjør, og hópurin er lítið broyttur. Tí er málið tað sama í ár, men feløg sum ÍF og KÍ hava styrkt seg, meðan NSÍ heldur fast í sama leisti. Tí er Evropa ikki eitt krav, men heldur ein vón. kinna fritsdóttir olsen Eg havi onkuntíð spurt okkurt býtt, sum eitt hvørt mannfólk veit!