týsdagur 24. februar 2015síða 58

26 fótbóltur 2015 Fótbóltsblaðið hjá miðlahúsinum Nú spennir KÍ aftur bogan Klaksvíkar Ítróttarfelag Í Klaksvík hjálpa fleiri fremmandir til, tí dreymurin um at vinna er tikin framum vónina um, at tað við lokalum fólki skal eydnast at menna lið, ið so við og við skal standa seg betri í kappingini um altjóða plássini og FM heitið, sum ikki er vunnið inn um Klakk síðani 1999 Tað varð roknað sum long – ógvuliga long – oyðimarkargongd, tá ið tað í Klaksvík varð bíðað eftir FM heitinum frá 1972 og fram til 1991. Nítjan ár uttan meistaraskap var leingi at bíða hjá felag, sum bæði í fimmti og seksti árunum vann seks ferðir, og sum fram­vegis eigur metið við flest meistara­ heit­um á rað – fimm ferðir í tíðar­skeiðnum 1966-1970. FM fagnaður hevur ikki verið í bláu og hvítu leguni síðani 1999. Fimtan ár eru farin uttan gull og skreyt, og tí er tað ikki so torført at skilja, at FM hungurin er stórur. Í hálvtannað ár varð dúvað upp á bíliga og lokala loysn við fleiri ungum og evna­ríkum spælarum á liðnum, sum vóru upp­vaksn­ir í felagnum, og við lokalum venjara, ið kendi spælararnar frá barnsbeini av, og tað gekk rætta vegin. Í fjør eydnaðist fleiri ferð­ ir at vinna ímóti teimum bestu. At tað ikki bar heiðursmerki við sær komst av soltnu úrs­litunum ímóti trimum teimum nið­astu á støðu­talvuni. Nær kósin við treyta­leysa lokala samleikanum hevði borið á mál fæst ikki at vita, tí nú hevur KÍ saðlað um. Sum altíð so eru klaksvíkingar og norð­ oy­ingar eldhugaðir stuðlar. Umframt at veita fíggjarligan stuðul hava vinnulívsmenn nú tikið størri ábyrgd á seg fyri raksturin av flagg­skipinum, og tað er eingin loyna, at vón­brotið verður stórt, um tað ikki eydnast at vinna atgongumerki til europeisku kapp­ ingina. Fyrrverandi meistaravenjarin í B36, Mikkjal Thomassen, hevur nú ábyrgdina. Pengar eru nýttir at professionaliserað karmarnar kring liðið, og fleiri útlendskir spæl­arar eru nú í Klaksvík. Verjuskansin Jonas Flindt Rasmussen, sum í fjør var nógv skaðadarvaður, er komin fyri seg aftur og er liðformaður. Mayowa Oladele Alli úr Nigeria er miðverji ella vinstri vong­ verji, Evrard Blé er miðvallari, og Kenan Hajdarevic er komin av Bakan at hjálpa til í álopinum. At fleiri fremmandir eru við í telvingini ber við sær, at kappingin verður tættari millum teir lokalu. Meinhard Joensen og Fríði Sigurðsson eru málverjar. Ísak Simonsen, Gunnar Christiansen og Sørmundur Kalsø eru saman við Jonas Flindt Rasmussen, Tórur Justesen, Heðin á Lakjuni boð upp á verjupláss. Á sentrala mið­vøllinum eru boðini umframt Blé Atli Danielsen, Ndende Adama Guéye, Ivan Joensen, Jákup B. Andreasen, Heðin Klakstein og Hjalgrím Elttør og Henry Heinesen. Hesir tríggir seinast nevndu kunnu eisini nýtast í borðunum. Páll A. Klettskarð er upplagda valið sum fremsti maður. Hann hevur leingi verið skaða­plág­ aður, og tí er Kenan Hajdarevic upplagt val, men Petur Andreasen hevur staðið seg væl í fyri­reik­ing­unum. Millum ungu menninar, sum hava víst máltev, eru Jóannes Bjartalíð og Jóannes Danielsen. KÍ vann Klaksvíkskappingina fyri fyrstu ferð síðani 2006. Tað skal ikki leggjast ov nógv í henda sigurin, men vónin um betri úrtøku í landskappingini enn nógvu tey sein­ astu árini livir í Klaksvík, har tey av álvara eru farin at leingjast eftir fyrsta meistara­ heitinum í hesum ára túsundinum. Meistari (17) 1942, 1945, 1952, 1953, 1954, 1956, 1957, 1958, 1961, 1966, 1967, 1968, 1969, 1970, 1972, 1991, 1999 Steypavinnari (5) 1966, 1967, 1990, 1994, 1999 Greipuvinnari (3) 1966, 1967, 1999 Í bestu deildini (72 ár) 1942-1943, 1945-2009, 2011- Í Europa (8) 1992, 1995, 1997, 1999, 2000, 2002, 2003, 2007 KÍ Stovnað 24. august 1904 Formaður Tummas Lervig 6 V i t t i p p a Hópurin Venjari Mikkjal Thomassen 1 Meinhardt Joensen 16 Fríði Sigurðsson 2 Gunnar Christiansen 3 Ísak Simonsen 4 Jonas Flindt Rasmussen 5 Mayowa Oladele Alli 6 Sørmundur Kalsø 18 Heðin á Lakjuni 7 Ivan Joensen 8 Evrard Ble 10 Hjalgrím Elttør 11 Atli Danielsen 12 Henry Heinesen 14 Tórður Justesen 15 Ndende Adama Guéye 21 Heðin Klakstein 22 Jákup B. Andreasen 9 Páll Klettskarð 13 Kenan Hajdarevic 17 Petur Andreasen 19 Jóannes Bjartalíð 20 Jóannes Kalsø Danielsen Tilgongd: Evrard Blé, Mayowa Oladele Alli, Kenan Hajdarevic Frágongd: Jóhan Jacobsen, Álvur Christiansen, Rodrigo Silva, Bárður J. Heinesen