týsdagur 24. februar 2015síða 60

28 fótbóltur 2015 Fótbóltsblaðið hjá miðlahúsinum Hvørt ár undan kappingarbyrjan sprutlar av fótbóltsspenningi í Klaksvík. Tað ger tað eisini í ár. KÍ viðhaldsfólk eru tiltikin fyri sín áhuga fyri fótbólti og KÍ. Tað er ikki nógva staðni, at tosað verður meiri um fótbólt enn í Klaksvík  Lyklaspælarin Jonas Flindt Rasmussen Verjukletturin hevur fingið ábyrgdina av at skipa nýggju verjuna hjá KÍ. KÍ hevur havt trupult við at finna eina javnvág á liðnum. Her skal Jonas leggja grundina undir einum KÍ liðið, sum í framtíðini skal bjóða meiri av í oddinum.  Gjøgnumbrotið Tórur Justesen Tórur spældi í fjør við í 18 dystum hjá KÍ. Avrikini vóu á góðari leið, men talan var ikki um eitt beinleiðis gjøgnumbrot fyri U-landsliðsspælaran. Miðvallarin bleiv eisini brúktur á vinstra bakki, men okkurt bendir á, at Tórur í ár kann fáa sítt gjøgnumbrot.  Venjarin Mikkjal Thomassen At vera venjari hjá KÍ er ikki nøkur løtt uppgáva. Vónirnar og dreymarnir eru ikki altíð í samsvar við veruleikan hjá núverandi KÍ liðunum. Umframt at halda vónunum og dreymunum í skák, so er ein avbjóðing eisini, at fáa KÍ at avrika yvir eitt heilt kappingarár.  Málið Evropa Hóast formaðurin ikki vil leggja trýst á eitt pláss í Evropa, so tykist greitt, at KÍ ynskir at okkurt skal henda á stigatalvuni. KÍ var nær við í fjør, og helst munnu tey flestu í KÍ ynskja at KÍ í ár røkkur Evropa. Tummas Lervig Um vit enda á einum fjórða plássi, so er talan um eitt gott kappingarár! sprutlar aftur av spenningi Í ár er einki undantak, men hóast KÍ hevur fingið spælarar og venjara til uttanfyri býin, so er felagið lokalt og hevur bæði beinini á jørðini. – Viðhaldsfólkini ynskja altíð betri úrslit, men sannleikin er, at vit í prinsippinum hava mist fýra spælarar og fingið tríggjar nýggjar inn. Vit ynskja, at felagið skal halda fram við at menna seg, men eg vil ikki siga at vit satsa so nógv meiri í ár, sigur Tummas Lervig, formaður í KÍ og vísir á, at Johan Jacobsen, Álvur F. Christiansen, Rodrigo Silva og Bárður J. Heinesen ikki eru í hópinum í ár, meðan Evrard Ble, Mayowa Alli og Kenan Hajdarevic eru komnir til. KÍ hevur síðani tað í 2011 kom aftur í Effo-deildina, havt ein varnan fíggjar­ politikk, og liðið hevur fyri tað mesta verið mann­að av lokalum spælarum. – Tað var ikki ein tilætla ætlan hjá okkum. Tað var meiri av tilvild, at vit høvdu so nógvar egnar spælarar. Vit hava aldrin latið hurðina aftur fyri spælarum útifrá. So vit hava sum so ikki skift strategi, greiðir Tummar Lervig frá. Evropa ikki eitt krav Hóast KÍ hevur fingið tríggjar útlendingar inn, so er Evropa ikki eitt krav. – Tað broytir nakað, tá spælararnir, ið kom inn, ikki hava uppruna búðstað í Klaks­ vík, men Evropa er ikki eitt krav fyri at fáa fíggjarætlanina at halda. Vit eru innan­fyri mark, sigur Tummas Lervig. Mikkjal Thomassen, sum hevur vunnið FM við B36, er nýggjur maður við róðrið. Hann tekur við eftir Eyðuni Klakstein, sum nú er venjari hjá B36. Søgan sigur, at KÍ mangan hevur tað torført undir venjarum, ið eru úr Klaksvík. – Eg veit ikki um so er, ella hvat tað er. Her er stórur áhugi fyri fótbólti, so kanska tað kann ávirka nakað, sigur Tummas Lervig. Formaðurin vil tók ikki leggja nakað stórt trýst á nýggja venjaran undan hesum kappingarárinum. Vónin er, at liðið røkkur fjórða plássinum og Evropa, men tað er ikki eitt krav. – Um vit enda á einum fjórða plássi, so er talan um eitt gott kappingarár. Málið er at verða í bólk­inum undir topp trý, sum tey flestu meta blíva B36, HB og Víkingur, sigur Tummas Lervig. KÍ stríðist nakað við hølistrupulleikar, nú kommunan umbyggir í KÍ-høllini, so at felag­ið hevur ongi felagshølir. KÍ hevur tó góðar umstøður viðvíkjandi skiftirúmi í kjallar­inum í KÍ høllini, so tað kemur ikki at ávirka 1. liðið til dystir og venjing. – Vónandi kemur tað upp í rætt lag aftur, áðrenn hetta kappingarárið er komið at enda. Vit hava annars nógv góð fólk kring felagið, so vit finna eina fyribilsloysn, sigur Tummas Lervig at enda. KÍ hevur ikki livað upp til søguna seinnu árini, men okkurt bendir á, at vit aftur koma at síggja KÍ í einum stríði um heiðursmerki í framtíðini.