týsdagur 24. februar 2015síða 66

34 fótbóltur 2015 Fótbóltsblaðið hjá miðlahúsinum Verjuparturin skal verða betri Argja Bóltfelag Vánirnar hjá AB at sleppa undan stríðnum um niðurflyting eru treytaðar av, um tað eydnast Oddbirni Joensen og hansara monnum at syrgja fyri endastøðu, sum vísir málmun, har argjamenn fyri fyrstu ferð hava skorað fleiri mál, enn tað eru farin ígjøgnum Á Argjum halda teir seg eiga felag og at hava nóg gott fólk til at kappast í miðjuni í bestu deildini. Higartil hevur tað ongan­tíð eydnast at vinna atgongumerki til euro­ peisku kappingarnar. Tað er ikki veru­ leikafjart at rokna við, at tann dreymurin skal verða veruleiki. Um tað skal eydnast, so er fyrsta treytin, at tað verður betri javn­vág í málroknskapinum – at fleiri mál verða skorað og at færri mál fara ígjøgnum. Argjamenn hava verið í bestu deildini í fimm ár. Higartil hevur tað ongantíð eydn­ast eftir 27 umfør at hava positivan málmun. Allar fimm ferðirnar eru fleiri mál farin ígjøgnum, enn AB hevur megnað at skora. Besta úrslitið var í 2009, tá ið tað endaði við 6. plássi. Eisini tá var mál­ munurin negativur – 29-35. Í fjør varð undan kappingarbyrjan roknað við, at tað skuldi bera til at kappast um annað enn at sleppa undan niður­flyting. Tað sá gott út, tá ið tað í fyrsta um­fari eydnaðist at vinna 2-0 í Gøtu, men so var soltið, tí í sjey umførum var saman­talda úrtøkan eitt stig. Møguleikin fyri niður­ flyting spøkti leingi, og tað var ikki fyrrenn eftir sigur á Svangaskarði í fjórði síðsta um­ fari, at tað varð greitt, at tað aftur í 2015 verður sunnudagsfótbóltur á Argjum. Oddbjørn Joensen tók við ábyrgdini undan fimta umfari í fjør, og hann hevur fram­vegis ábyrgdina. Í strembanini at betra fyritreytirnar at vera við í miðjuni eru royndu bóltspælararnir Kristin R. Mouritsen, Álvur F. Christiansen og Rógvi Poulsen lagstir aftrat, meðan Sorin Anghel, sum tey bæði seinastu árini hevur verið eyð­sýndasti spælarin og málskjúttin, ikki longur er á listanum. Heðin Stenberg er sjálvskrivaður málverji. Superveteranur í miðverjuni er Dmitrije Jankovic. Andras Brixen Vágsheyg og Sørin Samuelsen eru saman við Teituri Jóannesarson onnur boð, og í borðunum eiga Gert Drangastein, Beinir Ellefsen og Jónas Stenberg nógvar royndir. Saman við Kristini R. Mouritsen og Rógva Poulsen eru tað bæði royndir og minni royndir spælarar, ið kappast um plássini. Veteranarnir eru Jobin Drangastein, Kári Nielsen og Bárður Olsen. Mikkjal Hentze, Hørður Mohr og Magnus Egilsson vóru í fjør ofta á besta liðnum, og so eru tað Tóki á Lofti og Álvur F. Christiansen, ið áður hava víst gott máltev, Dan í Soylu og Dánjal Jákup Hansen. Fleiri av miðvallarunum kunnu væl nýt­ ast í fremstu røð, har tað bara eru tveir á list­anum – Nikolaj Eriksen og Jógvan Skeel Nolsøe. Merkisvert er tað, at Sorin Anghel í 2014 var AB toppskjútti við sjey málum, at mið­vallarin Hørður Mohr var honum næstur við fýra málum, at Jobin Dranga­ stein skoraði trý mál, og at teir báðir, sum nú eru skrásettir at vera teir einastu í fremstu røð, tilsaman skoraðu eitt mál – Jógvan Skeel Nolsøe. Harvið er tað greitt, at setningurin hjá venjaranum er at fáa tað at rigga betri í bæði verjupartinum og í málskjótingini. Meistari (0) Ongantíð Steypavinnari (0) Ongantíð Greipuvinnari (0) Ongantíð Í bestu deildini (6 ár) 2007, 2009-10, 2013- Í Europa (0) Ongantíð AB Stovnað 15. august 1973 Formaður Erling Ellendersen 7 V i t t i p p a Hópurin Venjari Oddbjørn Joensen 1 Niklas Thomsen 16 Heðin Stenberg 24 Áki Dahl 25 Rói Zachariasen 2 Andras Brixen Vágsheyg 4 Teitur Jóanessarson 5 Gert Drangastein 6 Dimitrije Jankovic 13 Jónas Stenberg 19 Sørin Samuelsen 22 Beinir Ellefsen 3 Dánjal Jákup Hansen 7 Jobin Drangastein 8 Kári Nielsen 10 Álvur Christiansen 11 Bárður Olsen 12 Tóki á Lofti 14 Mikkjal Hentze 15 Hørður Mohr 17 Dan í Soylu 18 Rógvi Poulsen 20 Magnus Egilsson 21 Kristin Restorff Mouritsen 9 Nikolaj Eriksen 23 Jógvan Skeel Nolsøe Tilgongd: Rógvi Poulsen, Kristin R. Mouritsen, Álvur Christiansen Frágongd: Aleksandrs Cekulajevs, Leivur H. Joensen