týsdagur 24. februar 2015síða 70

38 fótbóltur 2015 Fótbóltsblaðið hjá miðlahúsinum Nú ætlar TB sær aftur á beint Tvøroyrar Bóltfelag Tað er hugaligt at vinnuliga virksemið er størri á Tvøroyri, og í TB ætla teir sær aftur at vera fastur partur av bestu deildini, sum aldursforsetin bara hevur verið við í tríggjar ferðir, síðani dystartalið fyri tíggju árum síðani varð økt úr 18 og upp í 27 Tað er langt síðani, at TB var ovast á fót­bóltstindinum. Í 1987 vann TB FM fyri sjeyndu ferð. Síðani er tað ikki eydnast at vinna gull suður til Tvøroyrar. Flaggskipið hjá elsta fótbóltsfelagnum í landinum hevur ferðast millum tær báðar ovastu deildirnar. Í 2005 varð kappingin økt úr 18 og upp í 27 umfør. Síðani tá hevur TB átt lítlan lut í bestu deildini: Í 2005 endaði tað við tíggjunda plássi og harvið niðurflyting, í 2012 var TB nummar átta, og í 2013 bar níggjunda plássið nýggja niðurflyting við sær. Nú eru Páll H. Guðlaugsson og hansara menn á gáttini til nýggja roynd at vinna TB pláss í bestu deildini. Fótbóltslagið á Tvøroyri var gott í fjør, tá ið úrtøka fekst burtur úr 21 teimum fyrstu umførunum, og upp­flytingin longu 6. august var veruleiki. Stóri spurningurin er so, hvussu liðið er brynjað til stóru avbjóðingina. Einki er tó at ivast í, at teir har suðuri hava lagt nógv í fyrireikingarnar. Síðani í heyst hava teir vant miðvíst, og nakað eftir ársskiftið var greitt, at fýra útlendingar skulu hjálpa til. Albert Adu, sum hevur røtur í Senegal og kom úr Hollandi, skrivaði sáttmála síðsta summar. Hann er álopsspælari saman við Franck O. Able úr Fraklandi. Reynir Magnusson er miðverji og miðvallari, og Andri Freyr Bjørnsson verður at síggja í vinstra borði. Teir eru íslendingar, og í TB minnast tey aftur á góðar royndir við íslendskum spælarum. Gamla TB kempan Egil Olsen er nýggjur formaður. Saman við nevndini og stuðlum leggur formaðurin nógv fyri í royndini aftur at vinna TB fast pláss í fremstu røð. Allir teir, ið vóru við til at tryggja uppflytingina, eru enn í felagnum. Superveteranurin Óli Johannesen hevur tó ikki vant enn. Ivan Stojkovic úr Serbia hevur vart málið síðani 2007, og harvið er hann í fót­ bólts­høpi roknaður sum føroyingur. Boas Nitschke og Hugin Albinus venja saman við honum. Burtursæð frá íslendsku spæl­ ar­unum hava hinir ikki nógvar royndir í bestu deildini. Teitur Justinussen, Eirikur Magnusarson, Petur Mortensen og Teitur Olsen hava ávísar royndir, meðan Jónhard Ferjá, Jákup B. Thomasen, Ragnar Joensen og Regin í Lágabø ikki hava verið so nógv við. Royndirnar á miðvøllinum eiga um­ framt Høgna Madsen Rógvi Joensen, Martin Tausen, Heini M. Mortensen, Heine Mortensen, Allan Smedemark og Arthur D. Poulsen. Aðrir miðvallarar eru Carl M. Bech, Gudmund V. Larsen og Rógvi Kárason. Málsókni og framrættaði Patrik Johannesen verður roknaður sum mið­ vallari. Umframt útlendsku spælararnar eru Hávard Albinus og Mikkjal S. Nielsen boð upp á pláss í álopinum. Í venjingardystum hevur tað verið eyð­sæð, at TB er væl fyrireikað. Hvussu tað fer at roynast valdast ikki minst, um út­lendsku spælararnir fara at megna at lyfta liðið og harvið væl at stuðla óroyndu heima­monnunum, sum hava evnini at fáa TB aftur á beint. Meistari (7) 1943, 1949, 1951, 1976, 1977, 1980, 1987 Steypavinnari (5) 1956, 1958, 1960, 1961, 1977 Greipuvinnari (1) 1977 Í bestu deildini (58 ár) 1942-1943, 1945-1988, 1990- 1996, 1998, 2005, 2012-2013, 2015 Í Europa (0) Ongantíð TB Stovnað 13. mai 1892 Formaður Egil Olsen 10 V i t t i p p a Hópurin Venjari Páll H. Guðlaugsson 13 Ivan Stojkovic 31 Boas Nitschke 44 Hugin Albinus 2 Jonhard Ferjá 4 Jákup B. Thomsen 5 Ragnar Joensen 7 Teitur Justinussen 11 Eirikur Magnusarson 14 Reynir Magnússon 15 Teitur J. Olsen 17 Petur Mortensen 23 Andri Freyr Björnsson 98 Regin í Lágabø 6 Rógvi Joensen 9 Patrik Johannesen 16 Martin Tausen 18 Heini M. Mortensen 19 Allan Smedemark 20 Heine Mortensen 24 Carl M. Bech 27 Gudmund V. Larsen 67 Rógvi Kárason 69 Arthur D. Poulsen 8 Franck O. Able 10 Albert Adu 12 Hávard Albinus 22 Mikkjal S. Nielsen Frágongd: Eirikur Ellendersen, Aron Sørensen, Ragnar Tausen Tilgongd: Heine Mortensen, Albert Adu, Reynir Magnússon, Andri Freyr Björnsson, Franck O. Able, Patrik Johannesen