týsdagur 24. februar 2015síða 72

40 fótbóltur 2015 Fótbóltsblaðið hjá miðlahúsinum Dagarnir, tá TB gjørdi seg galdandi í oddinum í føroyskum fótbólti, eru langtsíðani taldir. Veruleikin í nýggju øldini er, at TB er eitt felag, sum skiftivís er í bestu og næstbestu deildini  Lyklaspælarin Ivan Stojkovic 38 ára gamli málverjin úr Serbia er helst lyka­spælarin hjá TB komandi kappingarár. Hann hevur verið ein knassi í málinum, og hevur bjargað TB stig fleiri ferðir. Spælir hann upp til sítt besta, so hevur TB ein amøguleika. Annars kunnu nevnast Martin Tausen og Rógvi Joensen.  Gjøgnumbrotið Teitur Jespersen Olsen Verjuspælarin, sum verður 20 ár í hesum kappingar­árinum, fær góð ummælir frá við­spælarum og eygleiðarum. Hóast hann ikki er høgur av vøkstri, so er hann sterkur og hevur gott eyga fyri spælinum, um­framt at hann er seriøsur.  Venjarin Páll H. Guðlaugsson Tók við, tá TB fór niður í 2013. Hann fekk liðið upp aftur uttan trupulleikar. Uppgávan í ár verður torfør, men ikki ógjørlig. Uppgávan hjá Pálli verður at fáa samanspælt liðið skjótast gjørligt, umframt at fáa liðið at spæla við geisti.  Málið Yvirliva TB hevur eitt mál í ár. Tað er at yvirliva í bestu deildini. Seinanst gekk tað ikki, men í 2012 megn­aði TB at yvirliva í evstu løtu. TB hevur brúk fyri nøkrum samanhangandi árum í bestu deildini, fyri at kunna byggja nakað upp. Rógvi Joensen TB stíðist fyri lívinum Avleiðingarnar eru, at felagið hevur ringt við at byggja eitt lið, tí munurin at vera í bestu og næstbestu deildin, er so stórur. – Tað er torført at byggja nakað upp, tí eitt kappingarár hava vit fimm útlendingar, meðan vit árið eftir hava ein. Tá er ringt at byggja nakað upp, sigur Rógvi Joensen, sum sjálvur hevur verið á veg úr felagnum. TB hevur saman við millum annað FC Suðuroy, ein trupulleika við at halda upp á spælarar, sum fara av oynni at arbeiða og útbúgva seg. Rógvi var á veg til B36, men tað endaði við, at hann helt fram í TB. – Eg var so heppin, at fáa eitt lærupláss á Varðanum Pelagic. Tí kann eg halda fram her, men tað ber ikki til at liva av at spæla fótbólt í suðri. Her ber til at taka student, men tað eru ikki nógv lærupláss, og tí mást tú av oynni, greiðir Rógvi Joensen frá. TB hevur eina stolta søgu, men sum sam­felagið sær út í dag, so ilt at ímynda sær, at TB aftur verður at síggja í oddinum í føroyskum fótbólti. Helst er størri sann­lík­ indini fyri ein samanlegging, sum TB tó ikki hevur gingið við til enn. Rógvi ásannar eisini, at við tíðini verður torført hjá honum at halda fram í TB. Líka mikið um felagið er í bestu deildini ella ikki. – Tað kemur ann upp á útbúgving og familjuna. Í dag er tú noyddur at hava út­ búgving, og tað eru ikki nógvir møguleikar her, staðfestur Rógvi. Góð byrjan er avgerandi TB er eitt felag, sum hevur mælska við­ haldsfjøld og tað hoyrist, tá viðhalds­fólkini eru í góðum lag. Tað er slíkt, sum kann gera munin fyri TB í ár heldur ungi miðvallarin. – Tað er týdningarmikið, at vit fáa eina góða byrjan og ríða á tí alduni. Tá tað gongur væl í TB, so gongur alt væl, sigur Rógvi Joensen, men ásannar eisini, at niður­ túr­arnir kunnu verða drúgvir. – Tá tað so hinvegin gongur gali, so riggar einki hjá okkum. Tí er týdningarmikið at fáa eina góða byrjan, sigur miðvallarin. TB hevur fingið fleiri útlendingar til felagið. Seinastur í røðini er fraklendingurin Franck Odje Able. Longu í fjør gjørdi felagið sátt­mála við hollendska Albert Adu, um­ framt at tveir íslendingar eru komnir til. – Albert Adu er ein spennandi spælari. Hann er skjótur og sterkur, men tað tekur tíð at fáa útlendingar spældar inn á liðið, greiðir Rógvi frá. At enda leggur Rógvi afturat, at TB, eins og flestir uppflytarar, kemur at liggja nakað afturi á vøllinum. Tað verður á vøllinum við Stórá, at flestu stigini skulu heintast. – Vit royna at hava bóltin meir. Tað gjørdu vit í fjør í 1. deild og kanska vit hava fingið meiri trúgv upp á okkum sjálvar nú, sigur Rógvi, ið annars ikki letur so væl at fót­bólt­inum í 1. deild. – Vit vunnu 1. deild greitt í fjør, men hetta er ikki besta TB liðið, sum er flutt upp, sigur Rógvi at enda. TB klárar ikki at liva upp til søguna, men í nútíðarsøgu er yvirliving málið. Í dag ert tú noyddur at hava út­búgving, og tað eru ikki nógvir møguleikar her!