týsdagur 24. februar 2015síða 74

42 fótbóltur 2015 Fótbóltsblaðið hjá miðlahúsinum 8. plássið er átta ár burtur FC Suðuroy Fyritreytirnar eru betri, enn tær hava verið, og um tað hesa ferð eydnast at varðveita plássið í fremstu røð, so verður úrtøkan betri, enn hon hevur tríggjar tær seinastu ferðirnar, tá ið FC Suðuroy hevur spælt seg til møguleikan at vera við í fremstu røð Tað gekk upp og niður í fjør, men tá ið tað stóð mest á, megnaðu Jón Pauli Olsen og hansara menn at syfta seg upp á næst­ fremsta plássið. Harvið var tað greitt, at FC Suðuroy í 2015 er partur av bestu deildini. Málið er at varðveita plássið. Um tað eydnast, so fer tað at vignast betri, enn tað hevur gjørt tríggjar tær seinastu ferðirnar, tá ið liðið hevur verið í bestu deildini. Síðani 2005 hevur kappingin fevnt um 27 umfør. Hetta skeiðið hevur FC Suðuroy verið fimm ár í bestu deildini. Tríggjar ferðir er tað endað við niðurflyting, og tvær ferðir gekk tað akkurát, tí endastøðan var 8. plássið. Í 2012 endaði FC Suðuroy aftast, og tvey tey seinastu árini hevur liðið verið í 1. deild. Í 2010 endaði liðið næstaftast og við niðurflyting. Í 2007 endaði VB/Sumba á 10. plássið, og harvið var niðurflytingin greið. Tey bæði undanfarnu árini – í 2006 og 2005 gekk tað akkurát hjá felagnum at lyfta seg omanfyri strikuna. Tá ið tað síðsta heyst var greitt, at upp­ flytingin var veruleiki, kendi liðið seg at vera fyrireikað at luttaka í bestu deildini sam­ stundis, sum tað var ásannað, at neyð­ugt fór at vera við fremmandum styrki. Felagið stóð ikki í skuld, og eitt sindur var á bók, og spælararnir vóru so fegnir um venjaran, Jón Paula Olsen, at teir heittu á leiðsluna um at leingja samstarvið við vágbingin. Tað gjørdi leiðslan, og síðani í heyst hava teir á Vágseiði vant. Tríggjar vikur undan kappingarbyrjan var greitt, at fýra fremmandir spælarar skulu hjálpa til: Verjukendi miðvallarin Høgni Madsen er ein, og saman við honum eru tríggir útlendingar. Mamuka Toronjadze úr Georgia, miðvallari, og landsmaður hans­ara Valerian Lobashvili saman við Christian Ibeagha úr Nigeria, sum báðir eru verjuspælarar, skulu vera við til at styrkja um verjukenda partin. Boðskapurin er, at tað skal verða torført hjá mótstøðuliðunum at skjóta mál, og harvið at tað skal byrgjast upp fyri tapum og serliga stórtapum. Rani Nolsøe Johannesen vardi málið í fjør, og saman við Kára Jacobsen og Ólavi Ludvig venur hann undir leiðslu av roynda Bjarna Johansen. Umframt útlendingarnar kappast seks spælarar við fáum royndum í bestu deildini um verjuplássini – Heini Bech, Dánjal Godtfred, Tóki Krosslá Mortensen, Rani Johansen, Bjartur í Lágabø og Martin Erlingsson. Umframt Høgna Madsen og Mamuka er Palli Augustinussen veteranur á mið­ vøllinum. Aðrir við royndum í bestu deildini eru Salmundur Bech og Jón Áki Jacobsen. Aðrir miðvallarar eru Heri Kjærbo, John Villu W. Leo, Teitur Krosslá Mortensen, Eiler Brattalíð, Gutti Kristiansen og John Marni Lindenskov. Stóri spurningurin er, hvussu fram­rætt­ aði parturin fer at standa seg. Álops­ spæl­ararnir eru veteranarnir John Tordar Poulsen og Jón Krosslá Poulsen, og saman við teimum eru Búi Egilsson og Ari Krosslá Poulsen. Meistari (0) Ongantíð (VB 1 ferð) Steypavinnari (0) Ongantíð (VB 1 ferð) Greipuvinnari (0) Ongantíð Í bestu deildini (3 ár) 2010, 2012, 2015- Í Europa (0) Ongantíð (VB 1 ferð) FC Suðuroy Stovnað 1. januar 2010 Formaður Julius Vest Joensen 8 V i t t i p p a Hópurin Venjari Jón Pauli Olsen 1 Rani Nolsøe Johannesen 12 Kári Jacobsen 23 Ólavur Ludvig 2 Christian Ibegeaha 4 Vallerian Iobashvili 5 Heini Bech 13 Dánjal Godtfred 16 Tóki Krosslá Mortensen 22 Rani Johansen 24 Bjartur í Lágabø 25 Martin Erlingsson 6 Høgni Madsen 7 Mamuka Toronjadze 8 Heri Kjærbo 9 Palli Augustinussen 14 Salmundur Bech 17 John Villy W. Leo 18 Teitur Krosslá Mortensen 19 Eiler Brattalíð 20 Jón Áki Jacobsen 21 Gutti Kristiansen 26 John Marni Lindenskov 3 Búi Egilsson 10 Jón Krosslá Poulsen 11 John Tordar Poulsen 15 Ari Krosslá Poulsen Tilgongd: Mamuka Toronjadze, Vallerian Iobashvili, Christian Ibegeaha, Høgni Madsen Frágongd: Patrik Johannesen, Reidar Dahl Joensen, Bjarni á Hólalagi