mánadagur 23. mars 2015síða 8

Mánadagur 23. mars 2015 · Nr. 34 8 Sosialurin Hugskot og viðmerkingar – send sms til 225000 ovurviðkvæmi Evi vónar at fáa fulla sjón aftur Mortan Østerø Undir konsert hjá country song­kvinnuni, Evi Tausen, oktober farna ár, fór brádliga at renna úr eygunum hjá henni. Serliga kom evja úr vinstru­megin. Tá ið hon kom av pallinum aftur, fór hon beint eftir bíligu First Price vát­serviettunum, ið skjótt og væl kundu taka sær av niður­runna smyrslinum. Hon hevði altíð ein pakka av vát­serviettunum nærhendis. Nakrar mánaðir seinni fór sjónin at bila heilt illa, og nú kann hon ikki røkja sítt starv sum sjúkraflutnigsførari fyri Landssjúkrahúsið. Millum ann­að heldur hon, at First Price vát­serviettarnir eiga part av skuldini. – Eg havi brúkt vátservi­ett­ arnar til alt – fleiri ferðir um dagin. Bæði til mín sjálvs at vaska smyrsl burtur av and­ litinum og til børnini. Men eg havi síðani funnið fram til áleið tíggju aðrar kvinnur, sum allar brúka hesar First Price vátserviettarnar og hava somu trupulleikar við eyg­unum sum eg. Vit hildu sostatt, at greiður saman­ hangur var millum hesar vát­servi­ettarnar og eygna­ brunan, sigur Evi Tausen. Líktist einum vampýri Eygnakrímið hjá Evi gjørdist av fyrstum sjónligt í oktober, men tá hevði hon ikki nakr­ an illgruna um, at tað kundu vera vátserviettarnir, ið elvdu til brunan. Hon helt so­statt áfram við dagligu nýtsluni av vátserviettunum. Tá komið var út í januar stóð somikið illa til, at andlitið hovnaði og serliga vinstra eygað versnaði. – Eg bleiv sjúkrameldað, og kundi ikki longur koyra bilin fyri sjúkra­flutnings­ tæn­astuna hjá Lands­sjúkra­ húsinum. Summar morgnar fekk eg ikki eingongd eyguni upp fyri evjuni, ið hevði klistr­að eyguni saman. Tá eg loksins fekk eyguni upp, vórðu tey reyð og andlitið hovið. Eg líktist milt sagt ein­ um vampýri og mátti somu­ leiðis halda meg innandura – bæði tí, at eg ikki toldi ljós og vind, og tí eg ikki vildi út millum fólk meðan eg sá soleiðis út, sigur hon. Tíggju aðrar kvinnur Evi fór til eygnalæknan at eftirkanna eyguni, sum helt taluna vera um Adenovirus. Tað er – í hesum førinum – at líkna við eitt krím, ið hevði sett seg í eyguni heldur enn at gerast eitt vanligt krím. Krímið kann niðurseta sjón­ ina í avmarkaða tíð – stundum í fleiri mánaðir. Tær tíggju kvinnurnar, við líknandi bruna í og um eyguni, hava tó ikki fingið staðfest frá lækn­anum, at júst First Price vætu­lapparnir, eru orsøk til brunan. – Nei, eg havi ikki verið hjá læknunum aftur og spurt meg fram, men vit tíggju hava í hvussu er tað til fe­lags, at allar hava brúkt First Price vát­serviettarnar javnan. Tað stendur eisini á bak­síðuni av pakkanum við vátserviettunum, at teir helst ikki skulu koma í samband við eyguni. Í so fall, at teir gera, er neyðugt at leita sær lækna­hjálp umgangandi. Eg havi brúkt júst hesar vát­ serviett­arnar í fleiri ár, so eg dugi ikki at siga, hvørt ávar­ ingin er komin á pakkan fyri kortum vegna herda lóggávu ella um hon altíð hevur verið har, sigur Evi, sum avgjørt ikki ætlar sær at brúka First Price vátserviettarnar aftur. Evnafrøði í vakurleika­ vørunum Tær tíggju kvinnurnar funnu út av hvørjari aðrari á Face­ book, og høvdu tær allar nýtt bæði smyrsl og vátserviettar at vaska smyrslið av aftur við. Tá ið krím setti seg á eyguni, nýttu tær First Price vát­serviettarnar at vaska gulu evjuna burtur við. Í bæði smyrsl­inum og vát­serviett­ unum er væta, og fyri at tryggja, at vætan – og harvið vøran – ikki rotnar burtur, eru ymisk evnafrøðilig hald­ førisevni í vørunum. Summi av haldførisevnunum eru meira skaðilig enn onnur, men flestu teirra kunnu føra við sær ovurviðkvæmi, um tey javnan og áhaldandi verða nýtt. Júst First Price vát­serviettarnir eru ikki ovast á listanum yvir størstu synd­ararnar, og er enn­tá blástemplað av Astma-Allergi Danmark og Nordisk Miljø­mærk­ ning. Tó eru tvey ivasom evni í vátserviettunum – Sodium Benzoate og Ethylhexylglycerin. Sambært ovurviðkvæmis appini hjá Astma-Allergi Danmark, KEMILEX, irriterar Sodium Benzoate vanliga ikki húðina, men kann órógva eyguni, sum eisini sam­svarar við ávar­ingina á pakk­un­um hjá First Price. – Tá ið eg byrjaði upp á antibiotika droparnar til eyguni og steðgaði við at brúka vátserviettarnar frá First Price, gjørdist støðan munandi betri, og eg kundi fara aftur til arbeiðis. Tó er sjónin í vinstra eyga fram­ vegis ekstremt niður­sett, so enn kann eg ikki koyra sjúkrabilin. Sum eg skilji, kann tað ganga upp til eitt hálvt ár, áðrenn sjónin kem­ ur á rætt kjøl aftur, og tað er ein lítil vandi fyri, at hon slettis ikki kemur aftur. Tað er heilt ótrúliga keðiligt. Eg eri jú bundin av eygunum sum arbeiðsamboð, sigur Evi Tausen. First Price Vådservietter Fáast í Miklagarði og Á handlunum Kosta einans 12,90 kr. Eru merktir við Nordisk Miljømærkning og Astma- Allergi Danmark Inniheldur Sodium Benzoate og Ethylhexylglycerin Kemisku evnini í vakurleikavørum bøttu ikki um eygnavirusið hjá country songkvinnuni, Evi Tausen, sum í eina tíð mátti leggja mikrofonina á hillina og sjúkraflutningskoyrikortið í lumman – Eg líktist milt sagt ein­um vampýri, sigur Evi Tausen