týsdagur 24. mars 2015síða 78

vika 13 • 23. mars 2015 38 Miðlahúsið Ókeypis lýsingarblað Viðanes Bedford bilar í Skálavík við Óla Olsen Í 1934 fór fyrsta skipið av bakka­ stokki á Klaksvíkar sleipistøð. Tað var Viðanes, sum C­hristian Holm Ja­cob­sen, umboðsmaður hjá Shell í Før­oyu­m, læt smíða. Farið hevði sum skilst tangar at flyta olju, petroleum og bensin, og tað tók eisini ferðafólk. Viðanes var 49 føtur langt og 33 tons stórt, hevði runda hekku og var smíðað úr eik og furu. Sum skilst gekk Pól í Pálsstovu á odda at smíða skipið, ið hevði 106 hesta motor av slagnum avance. Esmar Fuglø fór at føra skipið í innanoyggja sigling. Seinni varð Viðanes umbygt til fiskiskip og skifti eigara av og á. Í 1941 keyptu menn úr Rituvík bátin, í 1943 seldur teir hann til Leirvíkar, og í 1952 varð Viðanes selt til Hvanna­ sunds. Tíggju ár seinni, í 1962, varð Viða­nes selt Skála skipasmiðju, har farið sum skilst legði beinini onku­ staðni. Mállæruliga er Viðarnes tað rætta, men skipið var nú eina ferð skrásett Viðanes. Vit hava mong dømi um hetta fyribrigdið. Um áhugi skuldi verið, so er frágreiðingin hon, at hvørs­fals­endingin: -ar verður stundum ikki framborin, og stavsetingin fer av kós. Klaksvíkar sleipistøð fór at virka í 1928. Menn fingu sær størri skip, nú sluppirnar vóru heldur smáar at fara til Grønlands, har fiskiskapurin av álvara hevði tikið seg upp. Jógvan Kjølbro og Dávur í Gerðum keyptu í 1926 skonnartina Ernestinu, men hon var so stór, at hon kundi ikki takast upp har norðuri. Teir keyptu so eina sleipistøð úr Svøríki og løgdu hana norðanvert Ravnagil í Klaksvík. Klaksvíkar sleipistøð, ið hevði rav­ magn, var í fleiri ár einasta sleipistøð í landinum, sum kundi taka tær stóru skonnartirnar upp. Petur Joen­sen í Innistovu úr Vestmanna var bed­ings­ meistari, og tá ið teir fóru at smíða skip og útróðrarbátar, stóð hann við endan. Ferjan Selurin var seinasta deks­far, smíðað varð á Klaksvíkar sleipi­støð. Hon fór í 1960 at sigla við fólki um vágna í Klaksvík, og tá ið holini komu norður um fjall, fór hon til Hvannasunds at sigla um sundið og har á leið. Í 1934 fór fyrsta skipið av bakkastokki á Klaksvíkar sleipistøð. Tað var Viðanes, sum Christian Holm Jacobsen, umboðsmaður hjá Shell í Føroyum, læt smíða. Farið hevði sum skilst tangar at flyta olju, petroleum og bensin, og tað tók eisini ferðafólk Mynd: Conrad Joensen Lesarar eru vælkomnir at senda okkum gamlar bilmyndir saman við stuttum teksti og upplýsingum til: maggi@sos.fo M yndin hesa vikuna er av Bed­ ford bilum hjá Axel Dalsgaard í Skálavík. Fyrsti bilurin er ein Bedford, sum Steinbjørn Davidsen á Sandi umbygdi til hálvan buss við last aftanfyri. Tann næsti er ein Bedford last­bilur sum varð keyptur frá P/f Valde­mar Lützen. Tann triði er ein Bed­ford vøruvognur, sum eisini kundi nýtast til persónbil. Hann hevði setur, sum kundu leggjast niður í gólvið. Bilarnir standa framman fyri bil­ húsið. Menninir eru Palli og Axel Dals­ gard. Bilarnir vórðu nýttir til post- og ferðfólkaflutning í 40-unum og 50- unum. Tað var P/F Vilhelm Nielsen í Jónas Broncksgøtu, sum umboðaði Bedford í Føroyum. Myndaeigari: Palli Dalsgaard. SkipAsøga bilasøga