fríggjadagur 9. juli 2004síða 12

Nr. 129 - 9. juli 2004 23 Nr. 129 • fríggjadagur • 9. juli 2004 • 78. árgangur • www.sosialurin.fo FCK treivst betur á grasinum Við einum tryggum 4-1 sigri á føroya- meistarunum úr HB fekk FCK mikukvøld- ið víst, at talan var um ein svipsara í Klaksvík mánakvøld- ið HB-FCK Terji Nielsen terji@sosialurin.fo Tað hóskaði danmarks- meistarunum betur at leika á grasi, og tað sást eisini aftur á spælinum hjá FC Keypmannahavn, at teir mikukvøldið kendu seg í meiri "heimligum" um- hvørvi, tá ið teir dystaðust við HB á Tórsvølli. Javnur hálvleikur Eins og í dystinum í Klaks- vík mánakvøldið var Todi Jónsson við frá byrjan, og hann var eisini liðskipari hjá donsku greipuvinnarun- um. Hesaferð var álopsfel- agin hjá Toda stóra stjørnu- skotið í donskum fótbólti í farna kappingarári, Jesper Bech, men um miðjan fyrra hálvleik kom Alvaro Santos inn fyri ein meiddan Martin Bergvold, og tá fór Jesper Bech aftur á miðvøllin at spæla. Fyrri hálvleikur var rættuliga javnur. Bæði liðini royndu at spæla skjótt fram eftir vøllinum, men tað gekk eitt sindur striltið at spæla seg til upplagdar málmøguleikar. Hjá HB tóktist trupulleikin serliga at verða, at tá ið man við ferð kom fram eftir vøllin- um, høvdu føroyameistar- arnir lyndi til líka at steðga á, og tað tók ofta broddin av einum vandamiklum kontraálopi. HB hevði mikukvøldið enn einaferð unga Emil Nolsøe Leifsson á sentrala miðvøllinum, og hann er ein ógvuliga spenn- andi leikari, ið óivað fer at gerast ein berandi kraft í reyðu og svørtu strípunum í framtíðini. FC Keypmannahavn vísti mikukvøldið væl betur fótbólt, enn hvat teir gjørdu í Klaksvík tveir dagar frammanundan. Hesaferð vóru teir báðir, Thomas Røll og Christian Traore, á sentrala miðvøllinum, með- an teir báðir Martin Berg- vold og Morten Bertolt vóru úti í síðunum. Hendan uppstillingin vísti seg eisini at verða væl meiri skapandi enn útgangsstøðan mána- kvøldið, og møguleikarnir vóru av tí sama fleiri í tali. Tá ið ein hálvur tími var leiktur av fyrra hálvleiki, var Thomas Røll nær við at leggja FCK á odda, men Danny Rasmussen í HB- málinum helt góða skotin- um frá miðvallaranum. Løtu seinni var nær við í hinum endanum, tá ið Heðin á Lakjuni royndi seg við einum frálíkum lang- skoti, sum hevði kós beint upp í málhornið, men Bal- asz Rabocki í FCK-málin- um fekk meistarliga boksað bóltin út til hornaspark. Minuttin eftir var aftur vandi á ferð framman fyri málinum hjá HB, tá ið Morten Bertolt gjørdist púra leysur. Danny Ras- mussen kom út ímóti hon- um og bjargaði hegnisliga. Seinastu løtuna av fyrra hálvleiki hevði HB fleiri naskar royndir á FCK- málið, men ístaðin vóru tað donsku greipuvinnararnir, ið løgdu seg á odda beint fyri steðgin. Todi Jónsson slapp leysur í HB-brots- teiginum, men bleiv rendur um koll, og dómarin, Lass- in Isaksen, ivaðist ikki og dømdi brotsspark til býar- felagan hjá sær. HB- leikararnir vóru ikki nøgdir við dómin, men av áskoð- araplássunum sá avgerðin út til at verða tann rætta. Innskifti brasilumaðurin, Alvaro Santos, fintaði Danny til aðra síðuna og sendi bóltin í hina, og so hevði FCK fingið sítt fyrsta mál á Føroyaferðini. Orkan gekk undan Teir okkurt um 1750 áskoð- ararnir, ið høvdu goldið fyri at síggja dystin, sóu eitt heilt nýtt FCK-lið eftir steðgin. Saman við teimum áleið 200 áskoðarunum, sum ikki vildu gjalda, og tískil høvdu plaserað seg eitt nú við ítróttarhøllina og uppi við svimjihylin, sóu hesi, at Alvaro Santos knappar tveir minuttir inn í seinna hálvleik økti um leiðsluna hjá FCK. Santos bleiv spældur ígjøgnum mitt á, og hvørgin av HB- miðverjunum fekk taklað. Tað var tí lætt hjá brasiliu- manninum at senda fram- við innskifti Pól Næss Joensen í HB-málinum, og so var 2-0. HB skal tó eiga, at teir góvu ikki skarvin yvir, og góðar fimm minuttir seinni bragdaði endiliga hjá før- oyameistarunum. Havnar- menninir vunnu bóltin í egnari verju, og Jákup á Borg bleiv sendur avstað í høgra borði. Hann snýtti vinstra bakk hjá FCK, est- iska Urmas Rooba, áðrenn hann sendi innfyri. Rógvi Jacobsen, rann ímóti fremru stong og dróg mið- verjarnar hjá FCK við sær, meðan HB-liðskiparin, Rúni Nolsøe, kom storm- andi av miðvøllinum. Rúni rann ímóti handaru stong, og tað var júst har, at inn- leggið hjá Jákupi lá, og liðskiparin smekkaði í kassan, og so var 1-2. Eitt sera gott mál og avgjørt besta málið í dystinum. Føroyameistararnir fingu nú blóð uppá tonna, men samstundis byrjaði orkan at ganga undan hjá nógvum av føroysku leikarunum, og tí blivu eftiransingarnar ikki nóg neyvar. Gestirnir løgdu seg á odda 3-1, tá ið 63 minuttir vóru leiktir. Alvaro Santos slapp meira ella minni ótarnaður at renna oman ímóti baklinj- uni, áðrenn hann legði skrátt út frá til Michael Sil- berbauer, ið hevði pláss og tíð til at plasera bóltin framvið Pól í HB-málinum. Bert fýra minuttir seinni var aftur galið í HB-verj- uni, og enn einaferð var tað Michael Silberbauer, ið var upp á spæl. Kantspælarin í høgru síðu slapp at trekkja inn mitt á, og tá ið ongin leyp á, valdi Silberbauer at skjóta áraka brotsteigar- markið, og bólturin smeyg sær inn við handaru stong. Eitt alt ov bíligt mál, ið eigur at geva HB-verjuni og venjaranum okkurt at hugsa um. Seinastu løtuna av dyst- inum hevði FCK fleiri aðr- ar møguleikar, men antin vóru teir ikki nóg neyvir, ella var Pól Næss Joensen á rætta staðnum og fekk vart fyri. Einu løtuna bleiv eitt sindur rokaligt, tá ið Peter Møller sendi Vagnur Mohr Mortensen í vøllin, hóast ongin bóltur var í nánd. Lassin Isaksen fekk sissað leikararnar, og hann vísti gestablídni við at vísa bæði Møller og Vagnur gula kortið. Ein avgerð sum ikki fall í góða jørð hjá áskoð- arafjøldini og heldur ikki hjá stadionspeakaranum, sum løtu seinni kunngjørdi, at tað framvegis vóru 22 mans á vøllinum. HB-FC Keypmannahavn 1-4(0-1) 0-1 Alvaro Santos brtsp. 0-2 Alvaro Santos 1-2 Rúni Nolsøe 1-3 Michael Silberbauer 1-4 Michael Silberbauer HB: Danny Rasmussen - Hallur Danielsen, Vagnur Mohr Mortensen, Símun Eliasen, Janus Joensen - Kári Nielsen, Emil Nolsøe Leifsson, Rúni Nolsøe - Jákup á Borg, Rógvi Jacobsen, Heðin á Lakjuni. Skiftir inn í dystinum: Eli Thorsteinsson, Pól Næss Joensen, Rasmus Nolsøe, Rókur Jespersen, Páll M. Joensen og Hendrik Rubeksen FCK: Balasz Rabocki - Peter Christiansen, Bo Svensson, Bora Zivkovic, Janne Saarinen - Morten Bertolt, Christian Traore, Thomas Røll, Martin Bergvold - Jesper Bech, Todi Jónsson. Skiftir inn í dystinum: Benny Gall, Lars Jacobsen, Ole Tobiasen, Dan Thomassen, Urmas Rooba, Michael Silberbauer, Hjalte Bo Nørregaard, William Kvist, Peter Møller og Alvaro Santos. Dómari: Lassin Isaksen Áskoðarar: uml. 2000 FAKTA Brasiliumaðurin Alvaro Santos skoraði tvær ferðir fyri FCK ímóti HB, meðan Heðin á Lakjuni var nær við, tá ið hann hevði eitt frálíkt langskot, sum Rabocki í málinum hjá FCK bjargaði meistarliga. Mynd: Álvur Haraldsen Hugburðurin á muni Todi Jónsson helt eft- ir dystin mikukvøldið á Tórsvølli, at sigurin á HB vísti veruliga munin á føroyskum og donskum fótbólti FÓTBÓLTSPRÁT Terji Nielsen terji@sosialurin.fo Mikukvøldið leikti Todi, eins og mánakvøldið í Klaksvík, allan fyrra hálv- leik, og hóast hann ikki kom á máltalvuna, so fekk hann tiltuskað FCK eitt brotsspark beint fyri hálv- leik, soleiðis at FC Keyp- mannahavn legði seg á odda í dystinum. Betur hugburður í dag Spurdur um munin á dyst- inum mikukvøldið ímóti HB og so dystinum í Klaks- vík mánakvøldið, sigur Todi Jónsson, at til dystin í Havn sýndu FCK-leikarar- nir nógv betur hugburð, og tað gjørdi munin. - Eg haldi, at nógvir av spælar- unum hjá okkum tóku upp- gávuna í so lætt í Klaksvík, og tað sást eisini aftur á úr- slitinum. Tískil vóru vit meiri motiveraðir til dystin í dag, sigur Todi Jónsson. Hann heldur eisini, at talan var um eitt antiklimaks, tá ið teir leiktu í Klaksvík, tí tað var nógvur vindur og kalt, og teir eru heldur ikki vanir við at leika á graslíki. – Hetta er tó ikki nøkur umbering, tí vit eiga at kunna levera vøruna, sigur Todi Jónsson. – Í dag fingu vit tó víst tann veruliga munin, ið er á donskum og føroyskum fótbólti, heldur Todi og leggur afturat, at var FC Keypmannahavn í toppformi, so var munurin kanska enn størri, uttan tó at taka nakað frá HB. Todi Jónsson fegnast tó um, at bæði KÍ og HB í dystunum ímóti FCK hava víst posit- ivan fótbólt heldur enn at standa afturi í verjuni og lossa bóltarnar fram, so- leiðis sum føroysk lið høvdu lyndi til at gera fyrr, sigur hann. Glaðir fyri vitjanina Spurdur hvat hann og lið- felagar hansara hava fingið burtur úr Føroya-vitjanina, sigur Todi Jónsson skemt- andi, at teir hava fingið staðfest, at tað er kalt í Før- oyum. Todi sigur, at lið- felagar hansara hava verið glaðir fyri vitjanina í Før- oyum, og millum annað vóru teir seg fegnir um fiskitúrin við Norðlýsinum, sum teir vóru týsdagin. Nú eru niðurteljingin til donsku kappingina av álv- ara farin í gongd, og Todi Jónsson sigur, at á Føroya- ferðini hava leikararnir eisini vant hart, og allir vilja gera sítt besta, so at teir eru við á liðnum, tá ið heimliga kappingin í Dan- mark fer í gongd. Todi Jónsson hevur verið nógv darvaður av skaða seinnu árini, og framvegis er hann eitt sindur eymur í baklær- inum, nú farið verður undir eitt nýtt kappingarár. - Høvdu vit ikki leikt ímóti føroyskum feløgum, hevði eg neyvan verið við á liðn- um síðstu dagarnar, sigur Todi Jónsson. Hann vónar tó, at hann er í toppform, tá ið landsdysturin ímóti Malta er á skránni í komandi mánaða. Venjarayrki lokkar Nú Todi Jónsson er blivin 32 ár, er klaksvíkingurin greiður yvir, at hann ikki hevur nógv ár eftir í topp- fótbólti. Todi hevur eitt ár eftir av sáttmála sínum við FC Keypmannahavn, og enn hevur hann ikki gjørt av, hvussu verður, tá ið hetta kappingarárið er farið aftur um bak. – Um eg ikki fái so nógva spælitíð í ár, so er tað stórur møguleiki fyri, at eg fari at finna mær eitt annað felag komandi summar, um eg altso eri nøkunlunda skaðafríur, sigur Todi Jónsson. Spurd- ur um hann nakrantíð aftur verður at síggja í føroysk- um fótbólti, sigur Todi Jónsson, at tað er ilt at meta um. – Eg havi umhugsað at royna venjarayrki, og í tí sambandi er eitt slíkt starv sum tað hjá Heina Fernan- dez, ið er leikandi venjari í HB, eitt ideelt starv, sigur Todi Jónsson at enda. Frálíkur Føroyatúrur Ítróttarstjórin í FC Keypmannahavn, Niels Christian Holmstrøm, er sera væl nøgdur við vitj- anina hjá donsku meistarunum í Føroyum FØROYAVITJAN Terji Nielsen terji@sosialurin.fo Donsku gestirnir úr FC Keypmannahavn er stak glaðir fyri dagarnar, ið vitjað hevur verið í Føroy- um. Niels Christian Holmstrøm sigur, at teir hava havt nakrar frálíkar dagar við nógvari venj- ing. Somuleiðis heldur ítróttarstjórin í FCK, at teir hava leikt tveir góðar venjingardystir, ið hava givið góða dystarvenjing. Eisini hevur túrurin í Før- oyum verið øgiliga góður fyri samanhald í hópin- um, heldur hann. Framúr stríðsvilji Niels Christian Holm- strøm sigur, at hann er ikki bilsin av støðinum, ið føroysku feløgini leika á. Hann heldur, at bæði KÍ og HB eiga alla rós fyri tveir góðar dystir, har bæði liðini sýndu góðan fótbólt og framúr stríðs- vilja, sigur hann. Um dystin mikukvøldið sigur Niels Christian Holmstrøm, at tað var ein fyrimunur fyri FC Keyp- mannahavn at leikt var á grasi, tí at tað eru teir jú vanir við, meðan HB hin- vegin ikki eru so vanir við grasvøll. Eftir dystin ímóti donsku meistarunum klæddu leikararnir hjá HB seg í fínasta stás, tí teir skuldu til døgurða saman við donsku gestunum, hildu teir. Tað vísti seg tó, at Tórshavnar Býráð bert hevði bjóðað donsku leikarunum til døgurða, og tað vóru HB-leikararnir ógvu- liga vónbrotnir av VÓNBROTNIR LEIKARAR Terji Nielsen terji@sosialurin.fo Meðan leikararnir á danska meistaraliðnum FC Keyp- mannahavn sótu til borðs og fingu sær ein betri bita á Hotel Føroyum, sum Tórs- havnar Býráð bjóðaði, sótu leikararnir á føroyska meistaraliðnum HB á eini pitsamatstovu og ótu pitsa fyri egna rokning. Munur á býráðum Sum skilst høvdu leikarar- nir hjá HB gjørt seg klárar til at fara til døgurða á Hotel Føroyum saman við Toda Jónsson og liðfeløg- um hansara aftaná dystin millum HB og FCK. Før- oysku leikararnir klæddu seg í fínasta stás, men fingu knappliga at vita, at Tórs- havnar Býráð bert hevði bjóðað donsku leikarunum til døgurða umframt tveim- um umboðum fyri nevnd- ina í HB og tveimum fyri Tórsvøll. Tískil noyddust HB-leikararnir at fara og fáa sær ein bita fyri egna rokning. Leikararnir hjá havnar- felagnum vóru ógvuliga vónbrotnir av, at Tórs- havnar Býráð sýndi teimum so lítla virðing, at teir ikki vóru bodnir við til døgurð- an. Ein av spælarunum hjá HB sigur við Sosialin, at tað er munur á Tórshavnar Býráð og Klaksvíkar Bý- ráð. Tá ið FCK vitjaði í Klaksvík mánadagin, bjóð- aði býráðið har norðuri øll- um FCK hópinum, KÍ-leik- arunum við makum og øðr- um til døgurða, meðan bý- ráðið í Havn bert bjóðar vitjandi liðnum til døgurða, sigur hann. Vónbrotnir av býráðnum Eftir dystin helt Todi Jónsson, at hugburðurin hjá liðfeløgum hansara var nógv betur í dystinum mikukvøldið enn í dystinum í Klaksvík mánakvøldið. Mynd: Álvur Haraldsen C M Y K 23 22